Қазақстанда +28 градусқа дейін күн жылынады

"Қазгидромет" синоптиктері 10, 11 және 12 қазанға арналған ауа райы болжамын ұсынды, деп хабарлайды Tengrinews.kz тілшісі.

Болжамға сәйкес, 10-12 қазан аралығында Қазақстанда ауа райы айтарлықтай құбылмалады: кей өңірлерде ауа температурасы +28 градусқа дейін жылынса, басқа аймақтарда жаңбыр жауып, кей жерлерде жаңбыр мен қар түріндегі жауын-шашын болады.

Күн қай жерде ең жылы болады?

Ең жоғары температура еліміздің оңтүстігінде күтіледі. Қызылорда облысында ауа температурасы +23...+28 градусқа дейін көтеріледі. Батыста +22...+27 градус, солтүстік-батыста +17...+25 градус болады деп болжанады.

Оңтүстік-шығыста температуралық фон +17...+25 градусты құрайды. Елдің орталығында +13...+22 градус, солтүстігінде +13...+20 градус, ал шығысында +10...+22 градус жылы болады.

Бұл ретте Түркістан облысында температура +18...+23 градусқа дейін төмендейді.

Қай жерде жаңбыр мен қар күтіледі?

Ауа райы барлық аймақта бірдей құбылмалы болмайды. Елдің орталығында 10–12 қазан аралығында, ал оңтүстік пен оңтүстік-шығыста 10–11 қазанда жауын-шашын күтілмейді.

10–11 қазанда оңтүстік-батыста, 11–12 қазанда солтүстік-батыс пен солтүстікте жаңбыр жауады деп болжанады. Шығыста 10 және 12 қазанда жауын-шашын болуы мүмкін, ал 12 қазанда оңтүстік пен оңтүстік-шығыста да жаңбыр жаууы ықтимал.

10 қазанға қараған түні Шығыс Қазақстан облысында жаңбыр мен қар түріндегі қатты жауын-шашын күтіледі. Түркістан облысында 12 қазанда нөсер жауады деп болжанады.

Республика бойынша түнде және таңертең тұман түседі.

Қазақстанда қазан айы қандай болады?

Бұған дейін синоптиктер Қазақстандағы 2026 жылдың қазан айына арналған ауа райы болжамын нақтылаған болатын. Күздің екінші айы күрт суытумен, жаңбырмен және қармен басталады, алайда кейін елге жылымық оралады. Оңтүстікте кей кезеңдерде температура +30 градусқа дейін көтерілуі мүмкін. Толығырақ осы жерден оқыңыз.