17 жастағы қыз қоштасу рәсімі кезінде табытта оянып кетті
Гватемалада 17 жастағы қыз өзімен қоштасу рәсімі кезінде табыт ішінде есін жиған. Оқиға Гватемаланың Киче департаментіне қарасты Сакапулас муниципалитетінің Эль-Хокоте ауылында болған, деп хабарлайды Tengri Life Knal 4 телеарнасына сілтеме жасап.
"Мен табыттың жанында жылап тұрғанда, оның қақпағындағы терезесін аштық. Ол қозғала бастады, оянып, кенеттен орнынан тұрды", - деп айтып берді қыздың анасы Лесбия де Риос TV Sac жобасының журналистеріне.
Әкесінің айтуынша, таңертең қызы үйде есінен танып қалған, содан кейін ол оны ауруханаға апара жатқан. Жолда ер адам қызының тынысы тоқтап, тамыр соғысының басылғанын байқаған. Ол қызын қайтыс болды деп есептеп, жерлеу бюросына хабарласқан және денені ауылға кері жеткізуді ұйымдастырған. Айта кетерлігі, қыз ауруханаға жеткізілмеген.
Ауылда қызының денесін алып келген әкені туған-туыстары, достары, шіркеу мүшелері мен жергілікті ақсақалдың көмекшісі қарсы алған. Табытты үйге кіргізіп, қоштасу рәсімі өтуі тиіс жерге қойған кезде, қыз есін жиған.
VIRAL: Medios de Sacapulas, Quiché, informaron sobre una adolescente que "volvió a la vida" когда была в гробу. Подробности уточняются. https://t.co/VDf6bbfyvx
— Vichoguate (@vichoguate) October 11, 2026
Юлейди Икшкотояктың өзі журналистерге есінен танар алдында кеудесінде қатты ауырсыну мен ауырлық сезінгенін айтты. Өзіне келгеннен кейін болған жағдайды әкесінің айтуынан білген.
Қыздың әкесі бұл оқиғаны кереметке балап, жастарды Құдайға бет бұруға, оған сенуге, күн сайын дұға етіп, алғыс айтуға шақырды.