World News in Kyrgyz

14-январда президенттин иш башкармалыгынын башчысы Каныбек Туманбаев айдоочулук күбөлүктү алмаштыруу, аны алуу маселелери боюнча Фейсбуктан маалымат берди. Ал мөөнөтсүз айдоочулук күбөлүктү акысыз алуу 15-январдан 15-февралга чейин жүрөрүн белгиледи. Туманбаев эски, мөөнөтсүз айдоочулук күбөлүктү алмаштыруу үчүн 083 медициналык маалымкат талап кылынбай турганын айтты: "Мөөнөтсүз айдоочулук күбөлүктөрдү алмаштырууда 083 медициналык маалымкат талап кылынбайт. Система боюнча Түндүк тиркемеде андай талап бар болчу. Читать дальше...

Орусиянын бийлиги эмки жылдын 31-мартына чейин мигранттардын балдарынын жүрүүсүн тескеген шарттарды аныктоону пландап жатат. ТАССтын маалыматына ылайык, мындай пункт өкмөттүн тиешелүү көрсөтмөсүндө камтылган. Атап айтканда, жашы жетелек балдардын билим алуусуна байланышкан эрежелер киргизилет. Бул чара Орусиядагы жашы жетелек чет өлкөлүк жарандар менен иш алып барууну уюштурууну көздөгөнү белгиленет. Былтыр ноябрда Орусиянын Агартуу министрлиги Ички иштер мекемеси менен мектептерде жана коллеждерде... Читать дальше...

Кыргыз гидрометтин шашылыш билдирүүсүнө караганда, 16-17-январда Кыргызстанда аба ырайы кескин өзгөрүп, мезгил-мезгили менен кар жаайт, айрым жерлерде жаан-чачын катуу жаайт. Туман түшөт. Жолдор тайгак жана тоңголок болуп, тоолуу аймактарда кар күрткүсү күтүлөт. Батыштан соккон шамалдын ылдамдыгы айрым жерлерде секундасына 15-20 метрге жетет. 17-18-19-январда абанын температурасы кескин төмөндөп, тоолуу аймактарда -30…-35° чейин түшүшү мүмкүн. Эртең, 15-январда түнкүсүн жаан-чачын жаабайт. Күндүз Талас... Читать дальше...

Жалал-Абад облусунун Сузак районунда мурдагы күйөөсү мыкаачылык менен өлтүргөн Тахминанын кейиштүү тагдыры коомчулукту селт эттирип, үй-бүлөлүк зомбулук көйгөйүн кайрадан талкууга чыгарды. Бир ай мурда күйөөсү атып салган Жибектин өлүмүнөн кийин зомбулук тууралуу талкуулардын арты сууй элек болчу.

Жогорку Кеңештин депутаттары 14-январдагы отурумунда "Мамлекеттик сыйлыктар, ардактуу наамдар жана мамлекеттик сый акылар тууралуу" мыйзамга өзгөртүү киргизүү маселесин карашты. Анын алдында өкмөттүн өкүлү Алмасбек Абытов баяндамачынын жоктугун жүйө кылып, маселени күн тартибинен ала турууну сунуштады. Айрым депутаттар мыйзам долбооруна каршы чыгып, артка кайтарууга чакырышты. Депутат Камила Талиева мыйзам долбоорунун авторун мамлекетке душмандык кылды деп айтыптады: "Бул мыйзам долбоорунун автору ким болду экен? Читать дальше...

Баткен облусунун аймагында 2025-жылы 860 үй-бүлөлүк зомбулук боюнча милицияга кайрылуу түшкөн. Анын ичинен 769 иш милициянын каттоосуна алынган. Бул 2024-жылкы көрсөткүчтөн 264 учурга көп. Былтыр зомбулукка кабылганы айтылган эркектерге 63 коргоо ордери берилген. Маалыматты Баткен облустук ички иштер башкармалыгынын Коомдук коопсуздук кызматынын башчысы Равшан Мансуров "Азаттыкка" билдирди: "Көпчүлүк учурда үй-бүлөлүк зордук-зомбулук ажырашуу жана алимент талаштан, бала талашуудан чыгып жатат. Акыркы жылдары алдын алуу чаралары күчөтүлүп... Читать дальше...

Бишкектин Свердлов райондук ички иштер башкармалыгы (РИИБ) башка бир айдоочуга "жолумду тородуң" деген доомат коюп, тапанча такап жаткан айдоочуну - 51 жаштагы С. Ф. аттуу жаранды кармады. Ал милициянын убактылуу камоочу жайына киргизилди. Бул тууралуу Ички иштер министрлигинин басма сөз кызматы билдирди. Маалыматка ылайык, Свердлов райондук милициясы бул факты боюнча Кылмыш-жаза кодексинин 280-беренеси ("Ээнбаштык") менен кылмыш ишин козгоп, иликтөө иштерин жүргүзүүдө. Окуя учурунда колдонулган тапанча ээсинен алынып, текшерүүгө жиберилди. Читать дальше...

Жогорку Кеңештин депутаты Эльвира Сурабалдиева бийликтен Бишкектеги көрүүсү начар жана азиз балдардын мектебин шаар сыртына которбоону суранды. Депутат бул тууралуу маселени 14-январдагы парламент отурумунда көтөрдү. "Бул мектепти Бишкектин сыртына - Таш-Дөбө айылына которууну көздөп атышыптыр. Буга мектептин эмгек жамааты да, балдардын ата-энелери да каршы. Алар бизге кайрылып, өтүнүчтөрүн Министрлер кабинетине жеткирүүнү, мектепти ордунда калтырууну суранышты. Анткени Таш-Дөбө алыс, ал жакка жетүү финансылык жана башка көйгөйлөрдү жаратат. Читать дальше...

Бишкектин экс-вице-мэри жана айрым ишканалардын жетекчилери таштанды полигонун курууга байланыштуу коррупцияга шек саналууда. Улуттук коопсуздук боюнча мамлекеттик комитети (УКМК) 12-январда "Коррупция" беренеси менен Бишкектин мурдагы вице-мэри С. Р. А., "Бишкек санитардык полигон" ишканасынын мурдагы жетекчиси А. А. Ж., подряддык жумуштарды аткарган компаниялардын жетекчилери И.Р менен А. Н. Б кармалганын билдирди. Алар УКМКнын тергөө абагына киргизилди. Кармалгандардын аты-жөнү толук жарыяланган жок. Читать дальше...

Жогорку Кеңештин 14-декабрдагы жалпы отурумунун ар кайсы маселелер саатында негизинен аймактардагы мектептердин жетишсиздиги, имараттарынын эскилиги, үч нөөмөт менен окууга аргасыз болуп жаткан балдар жана башка маселелер арбын көтөрүлдү. Депутат Элдар Сулайманов Араван районундагы Мадамин Назаров атындагы мектептин окуучулары ФАПта жана мечитте окуп жатышканын, коңшу айылдардагы мектептер 4 чакырым алыстыкта жайгашканын билдирди. Бишкектин Свердлов районундагы жаңы конуштарда да мектеп жетишсиз... Читать дальше...

Борбордук шайлоо комиссиясына (БШК) Жалал-Абад облусундагы №13 аймактык шайлоо округунан Жогорку Кеңештин депутаттыгына шайлоого катышуу максатында үч адам арыз берди. Алар: 61 жаштагы Акылбек Арстанбеков, 54 жаштагы Эркинбек Маматаев жана 56 жаштагы Уланбек Асанов. Боршайкомдун маалыматына караганда, шайлоого катышуучулардан арыз алуу 28-январь күнү, саат 18:00дө токтойт. Аталган округдан депутаттарды кайра шайлоо 1-мартта өтөт. Үгүт иштери 9-февралда башталып, 28-февралда аяктайт. Кайра шайлоо өткөрүүгө 18,5 миллион сом кетет. Читать дальше...

Илим, жогорку билим берүү жана инновациялар министрлиги жогорку жана орто кесиптик билим берүүчү окуу жайларды студенттерден айып пул өндүрүүнү токтотууну сунуштады. Министрликтин 14-январда тараткан маалыматында сабакты жана өндүрүштүк практиканы калтырганы үчүн студенттерден акчалай айып пул өндүрүү алардын билим алуу укугун чектей турганы жазылган. Ошондой эле билим берүү чөйрөсүндө негизсиз каржылык жаза колдонууга жатарын белгилеген. Министрлик окуу жай жетекчилерин андай студенттерге мыйзам чегинде... Читать дальше...

Мамлекеттик салык кызматынын мурдагы жетекчиси Алтынбек Абдувапов менен анын орун басары Исламбек Кыдыргычовго сот айып пул салып, класстык чиндеринен ажыратты. Өздөрү сот чечими күчүнө киргенче, үй камагына чыгарылды. Ленин райондук сотунун кеңсе кызматы кабарлагандай, Алтынбек Абдуваповго сот чечими менен 400 миң сом, ал эми Исламбек Кыдыргычовго 300 миң сом айып пул төлөө милдеттендирилди. Экөөнө тең кызматка турууга жана ишмердүүлүк менен алектенүүгө тыюу салынды. Мындан тышкары алардын класстык чиндери алынып... Читать дальше...

Укук коргоочу уюмдардын маалыматына ылайык, Иран өкмөткө каршы нааразылык акциясына чыккан биринчи кишини өлүм жазасына тартууга даярданууда. Тегеран режими демонстранттарга каршы күч колдонсо, чара көрүлөрүн эскертип келаткан АКШ кандай кадамдарга барышы мүмкүн?

Жогорку Кеңештин депутаты Дастан Бекешев Бишкектеги Гареев атындагы ботаникалык бакка футбол аянтчаларын куруу демилгесине каршы пикирин 14-январда парламенттин жалпы отурумунда билдирди. Ал президентке кайрылып, ботаникалык бактарда уникалдуу өсүмдүктөр бар экенин эске алуу менен мындай демилгелерге тыюу салууну суранды. "2022-жылы ботаникалык бактарды сактоо жана өнүктүрүү чаралары тууралуу" атайын токтом кабыл алганбыз. Токтомдо ботаникалык бактарды өнүктүрүү жолдору көрсөтүлгөн. Бизде болсо футбол талаасын курганы жатышат. Читать дальше...

Иранда бийликтин элдик толкундоолорду күч менен басуу аракети учурунда кеминде 2 миң киши каза тапты. Бул тууралуу Reuters агенттиги Иран бийлигиндеги булакка таянып жазды. Ал жай тургундардын жана коопсуздук күчтөрүнүн өлүмүнө "террорчулар" күнөөлүү экенин айткан. Iran Human Rights уюму болсо алты миңден ашуун демонстрант каза тапты деп кабарлады. Аталган уюмдун билдирүүсүндө, "нааразылык акцияга чыккандар жапырт жана сотсуз өлүм жазасына тартылат" деген коркунуч бар. Ал эми Iran International каналынын... Читать дальше...

Түштүк Кореянын экс-президенти Юн Сок Ёлду өлүм жазасына тартууну шейшембиде өткөн сотто атайын прокурор сурады. Ал 2024-жылы декабрда өлкөдө аскердик абал киргизгени үчүн козголоң уюштурууга айыпталууда. Түштүк Кореянын мыйзамына ылайык, бул оор кылмыш болуп саналат, бирок өлкөдө мындай кылмышка айыпталгандар ондогон жылдардан бери өлүм жазасына тартылбаганын Reuters жазды. Сеулдун Борбордук райондук сотундагы акыркы жарыш сөздө прокурор тергөөдө Юн мурдагы коргоо министри Ким Ён Хён менен чогуу иштеп чыккан схема аныкталганын билдирди. Читать дальше...

13-январь күнү Сокулук райондук ички иштер бөлүмүнө (РИИБ) Кожомкул айылынын тургуну, 19 жаштагы кыз кайрылып, чала тааныш адам никеге туруу максатында ала качканын билдирген. Маалыматка ылайык, аны 13-январга караган түндө, болжол менен саат 00:30 чамасында автоунаага күчтөп отургузуп, ала качышкан. Бул факты боюнча Кылмыш-жаза кодексинин 172-беренеси ("Никеге туруу максатында ала качуу") менен кылмыш иши козголгон. Жүргүзүлгөн ыкчам-издөө иш-чараларынын жүрүшүндө милиция кызматкерлери эки адамды - 24... Читать дальше...

Манас шаарынын тургуну, 2008-жылы туулган Хасиятхан Абдуллаева 16-декабрь күнү саат 11:00 чамасында үйүнөн паспортун алып чыгып кеткен бойдон дайынсыз экенин айткан жакындары милицияга кайрылган. Жалал-Абад облустук ички иштер башкармалыгынын (ОИИБ) маалымат кызматы билдиргендей, учурда кыздын жүргөн жерин аныктоого мүмкүнчүлүк болбой жаткандыктан, туугандары жана милиция коомчулукка кайрылып, аны табууга көмөктөшүүнү суранууда. Кыздын бою 155-160 см, өңү кара-тору, кашы-көзү кара, арык чырай. Кийген кийимдери... Читать дальше...