Новости за 07.03.2026

47 жаштагы мугалим Мээрим Токоева мектепке күнүгө төрт чакырым, аба ырайы катаал болгондо сегиз чакырым жол басып, суу кечип, токой аралап жетет. Ал Түп районунун Чоң-Тогузбай айылындагы мектепте орус тили мугалими. Токоеванын үйү айылдын четинде ээн талаада жайгашкан.

Иранда согуш башталганы Борбор Азиянын экономикасына сокку урулууда. Аймактагы өлкөлөр арасынан Түркмөнстан Ирандан импорттолгон товарлардан, өзгөчө азык-түлүк жана күнүмдүк керектелүүчү буюмдардан көз каранды болгондуктан анын абалы айрыкча оорлоодо.

Быйыл Бишкекте Эл аралык аялдар күнүнө карата тилектештик маршын өткөрүүгө коопсуздукка байланыштуу уруксат берилген жок. Анын ордуна борбор калаадагы Максим Горький сейил багында акция өтөрүн иш-чаранын уюштуруучулары билдиришти. Алар акциянын жүрүшү тууралуу бир катар талаптарын социалдык тармактарга жайгаштырды. Иш-чарада коомдук тарипти көзөмөлдөө үчүн милиция кызматкерлери да болот. Акцияга чыккандардын плакаттарына жазылган сөздөргө да байкоо жүргүзүлөт. Мунун алдында уюштуруучулар маршты өткөрүүгө... Читать дальше...

Жакынкы Чыгыштагы кырдаалдын курчушунан улам Катарда круиздик лайнерде калып калган кыргызстандыктар Сауд Арабиясына жолго чыгышты. Бул тууралуу президенттин басма сөз катчысы Аскат Алагөзов 7-мартта Фейсбуктагы баракчасына жазды. Катардын борбору Доха шаарынан 134 кыргызстандык Эр-Риядга төрт автобус менен жолго чыкты. Алар 8-март күнү Эр-Рияддан Кыргызстанга учуп келишет. “Уюштуруу, чек аралардан жарандарды алып өтүүнү сүйлөшүү иштерин бул өлкөлөрдөгү элчиликтерибиз, Тышкы иштер министрлиги жүргүзүүдө, - деп жазды Алагөзов. Читать дальше...

"Кызматтык абалынан кыянаттык менен пайдаланган" деген кине менен жети ай абакта отуруп чыккан журналист Куттумидин Базаркулов жабык жайда басымга кабылганын айтып чыкты. Ал өзүнө мыйзамсыз иш козголгонуна даттанып, өлкө жетекчилигине кайрылды.

Кыргызстанда соңку жылдары "Массалык башаламандыктар" өңдүү оор беренелер менен соттолуп, камалган журналист, активист жана жарандык коом өкүлдөрүнүн иштерин кайра кароо талабы айтыла баштады. Ушул тапта адилеттик издеген жарандар өздөрү дагы тийиштүү органдарга кайрылып жатышат.

АКШ менен Израилдин Иранга каршы операциясында бир апта ичинде 1332 жайкын тургун каза болгонун Ирандын Бириккен Улуттар Уюмундагы туруктуу өкүлү Амир Саид Иравани айтып чыкты. Би-Би-Си жазгандай, Иравани Ирандагы Кызыл Ай коомунун маалыматы боюнча каза болгондордун арасында аялдар жана балдар да бар экенин билдирди. “Дагы миңдеген киши жараат алды жана алардын саны улам өсүүдө”, - деген ирандык өкүл мектептер, оорукана жана башка жарандык инфраструктура “максаттуу бута катары тандалганын” белгиледи. Читать дальше...

6-мартта Мамлекеттик бажы кызматынын имаратынан өрт чыкты. Бул тууралуу Өзгөчө кырдаалдар министрлиги билдирди. Маалыматта айтылгандай, өрт кечинде саат 20:42де чектөөгө алынып, 21:46да толугу менен өчүрүлгөн. Имараттагы өрттү өчүрүүгө төрт күжүрмөн топ, эки автошаты жана штаб тартылган. Бул тууралуу Мамлекеттик бажы кызматынын басма сөз кызматы да маалымат берип, имараттын чатыры гана күйгөнүн билдирди. Мекеменин бардык документтери жайында экени жана кырсык иш бөлмөлөрүнө, техникага зыяр бербегени белгиленди.