Молдова Орусиянын теле-радио берүүлөрүнө тыюу салды
Жаңы мыйзам боюнча Молдовада Европа конвенциясына кошулбаган өлкөлөрдө чыгарылган маалымат-аналитикалык, аскердик жана саясий программаларды көрсөтүүгө тыюу салынат. Ал конвенцияга кошулбаган өлкөлөргө Орусия да кирет. Молдовада Орусиянын көңүл ачуучу жана башка жеңил программаларын алып көрсөтүүгө уруксат берилет.
Мыйзамды бузгандарга эки миңден төрт миң еврого чейин айыппул салынып, лицензиясы жокко чыгарылат.
Орусиянын Федерациялар кеңеши Кишиневдун мындай аракетин «бузуку жана туура эмес» кадам катары баалады.