Бостеридеги “Осьминог” ресторанынын ээси мамлекеттик коргоого алынды
- Жабырлануучу Асанкадыр Аскатты үй-бүлөсү менен мамлекеттин коргоосуна алуу боюнча тергөөнүн токтому чыкты. ИИМде Мамлекеттик коргоо боюнча өзүнчө башкармалык бар. Коргоонун ар кандай методдору бар, ошого ылайык чаралар көрүлөт.
7-январда эртең менен Ысык-Көл облусунун Ысык-Көл районуна караштуу Бостери айылында "Осьминог" деген кафе толугу менен өрттөнүп кеткен. Кафенин ээси муну уюшма кылмыш топторунан көргөн. Жергиликтүү милиция "өрткө газ баллондун жарылышы себеп болушу мүмкүн" деген жоромолду айтып чыккан. Бул окуя Жогорку Кеңеште көтөрүлүп, комитет жыйынында парламент депутаты Элвира Сурабалдиева күч органдары ишкерлерди коргобой жатканын сынга алган.
Дагы бир эл өкүлү Дастан Бекешев кафе ээсине уюшкан кылмыштуу топтор тарабынан кысым көрсөтүлүп жатканын айтып мурда эле милицияга кайрылганын, бирок милиция кармалгандарды камактан бошотуп жибергенин билдирген эле. (КЕ)