Түркиянын танктары Сириянын Африн шаарына кирип барууга даярданууда
Мурунку күнү АКШнын мамлекеттик катчысы Рекс Тиллерсон түрк тышкы иштер мекемесинин жетекчиси менен жолугушууда Вашингтондун Сириядагы күрт согушкерлерине колдоосун түшүндүргөнүн айткан. Түркиянын мамлекеттик "Анадолу" кабар агенттиги чек ара аймагындагы Хатай чөлкөмүнө танктар тартылып жатканын 18-январда маалымдады.
Президент Режеп Тайып Эрдоган 17-январдын кечинде өткөргөн Коопсуздук кеңешинин жыйынында Түркия Сириянын батышынан келип жаткан коркунучка каршы “чукул” жана “чечкиндүү” чара көрүшү керек экенин айтканы да кабарланды.