Өзбекстандын мурдагы ички иштер министри кармалды
Үч жыл министр болуп иштеген Ахмедбаевди президент Шавкат Мирзиёев 2017-жылдын январь айында кызматтан алган. Ал 26-январда кармалганын аны кармоо үчүн барган офицерлердин бири "Азаттыктын" өзбек кызматына билдирди.
52 жаштагы экс-министр ички иштер министринин жана башкы прокурордун буйругу менен Ташкенттеги батиринде кармалган. Башкы прокуратуранын бир кызматкери экс-министр азыр камакта экенин бышыктады.
Президент Мирзиёев 22-декабрда парламентке кайрылуусунда кезинде маркум президент Ислам Каримов министр кылып дайындаган Ахмедбаевди "чыккынчы" деп атаган эле.