Москвада Навальный жана анын штаб башчысы кармалды
Андан жарым саат мурда Навальныйдын федералдык штабынын башчысы Леонид Волков аэропорттон кармалган. Ал оппозициячынын тарапташтары жана ыктыярчылар менен жолукканы Уфага учмак.
20-январда Москвадагы райондук сот Навальныйдын Коррупцияга каршы күрөш фондунун жетекчиси Роман Рубановду 10 суткага камакка алган. Ал 28-январда өткөн, шайлоого катышпоого чакырган акцияга байланыштуу кармалган.
БШК каттабай койгондон кийин Навальный орусиялыктарды шайлоого барбай, бойкоттоого чакырып келет. Ал Кремлди "атаандаштыкка жол бербей, президент Владимир Путиндин кайра-кайра бийликке келишине шарт түзүүдө" деп сындап келет.