Италиялык "Фиорентина" футбол клубунун капитаны көз жумду
Окуя Италиянын түндүк-чыгышындагы Удина шаарындагы мейманканалардын биринде болгон. Бүгүн түштөн кийин "Фиорентина" менен "Удинезе" беттешмек.
Давиде Астори футболдогу карьерасын 2001-жылы "Милан" клубунда баштаган. Жети жылдан кийин футболчу "Кальяри" клубуна өтүп, 174 матчта ойногон. 2015-жылы Астори "Фиорентинага" өтүп, кийин команданын капитаны болгон. Артында жубайы жана эки жашар кызы калды.