Кыргызстандык эки балбан эл аралык рейтингдин башына чыкты
Каныбек Жолчубеков 60 кг чейин, Урмат Аматов 63 кг чейин салмакта алдыда баратышат.
27-февралдан 4-мартка чейин Бишкекте күрөштүн түрлөрү боюнча өткөн Азия чемпионатында жеңүүчү болгон Акжол Махмудов 72 кг салмакка чейинкилердин арасында экинчи орунда турат.
Рейтингде 55 кг чейинкилер арасында кыргызстандыктардан Жоломан Шаршенбеков үчүнчү, 82 кг чейинки салмакта Атабек Азисбеков экинчи, 97 кг чейинкилердин ичинде Узур Жусупбеков төртүнчү катарда. Эркин күрөш боюнча рейтингде Улукбек Жолдошбеков (61 кг) төртүнчү, Муслим Евлоев (74 кг) үчүнчү орунда турат.