Аба ырайы: күндүн табы 23 градус жылыйт
Кыргызгидромет борбору шашылыш эскертүү берип, ушул күндөрү тоолуу аймактардагы Бишкек-Ош, Ала-Бука-Каныш-Кыя, Красная Горка-Ак-Таш жолдоруна кар көчкү түшүшү мүмкүн экенин билдирди. Мындай кырдаал 22-мартка чейин уланат.
20-мартта Кыргызстанда жаан-чачын болбойт. Тоолуу жолдорго муз тоңот. Түштүк-чыгыштан соккон шамалдын ылдамдыгы секундуна 3-8 метрге жетет.
Абанын табы:
Чүй жана Талас өрөөндөрүндө түнкүсүн 2...7, күндүз 18...23,
Баткен, Ош, Жалал-Абад дубандарында түнкүсүн 3...8, күндүз 19...24,
Ысык-Көл жергесинде түнкүсүн -4...+1, күндүз 9...14,
Нарын облусунда түнкүсүн -2...-7, күндүз 8...13,
Бийик тоолуу райондордо түнкүсүн-15...-20, күндүз -3...+2.
Бишкек шаарында жаан-чачын болбойт. Түнкүсүн 5…7, күндүз 21…23° жылыйт.