Кремл: АКШнын Путинди куттуктабаганы достукка жатпаган кадам
Путиндин маалымат катчысы Дмитрий Песков 20-мартта жасаган билдирүүсүндө шайлоодон эки күн өтсө да Трамптын унчукпай коюшу анча жакшы эместигин билдирип, балким телефон аркылуу чалып калат деген үмүтүн жашырган жок.
- Айрымдар ишинин көптүгүнөн, калгандары башка себептерден улам балким телефон чала албай калышты, - деди Песков дүйнө лидерлери тууралуу айтып жатып.
Ал ошондой эле Путин орус-америка алакаларын жакшыртууда дайыма ачык экенин жана бул анын кызыкчылыктарына дал келерин билдирди.
Ак үй болсо 19-мартта тараткан билдирүүсүндө 18-мартта өткөн шайлоонун жыйынтыгы күтүлгөндөй эле болгонун жана эч кандай телефон чалуу каралбаганын маалымдаган.
15-мартта Вашингтон бир катар орусиялык жарандарга, чалгын кызматтарга, интернет компанияларга 2016-жылкы АКШдагы президенттик шайлоонун жүрүшүнө ыктымал кийлигишүүсү үчүн каржылык санкцияларды киргизген.
Учурда Кошмо Штаттарда атайын прокурор Роберт Мюллер жана Конгресстин үч комитети Орусиянын шайлоого ыктымал кийлигишүүсү жана Трамптын тарапташтарынын Москва менен байланышы боюнча иликтөө жүргүзүп жатат.
Мындай дооматтарды Трамп да Орусия да четке кагып келет.