Бишкекте быйыл он беш миң көчөт отургузулду
Анын айтымында, өткөн жылы жети миң көчөт отургузулган. Мэриянын балансында жалпы 248 миң бак-дарак бар.
Жээнбеков Албек Ибраимовго бак-дарактарды кыюу себептерин, жолдорду кеңейтүү же объекттерди куруу максатындабы шаар тургундарына алдын-ала түшүндүрүү керектигин тапшырды.
Бишкекте активисттер бак-дарактарды кыюуга каршылык билдирип келет.
Алар бир кезде "жашыл шаар" атка конгон Бишкекте акыркы 25 жыл ичинде бак-дарак кескин азайып кеткенин, советтик доордо бир кишиге 30 чарчы метр жашыл аянт туура келсе, азыр бул көрсөткүч 5 чарчы метрден ашпай калганын жүйө келтиришет.
Расмий маалыматка караганда, былтыр баш калаада 3000ге жакын бак-дарак кыйылган.
Бишкекте бүгүн жапырт ишембилик өттү. Премьер-министр Сапар Исаков да ботаникалык бакты тазалоо, көчөт отургузуу иштерине катышты. (NT)