Газа тилкесинде кагылышуулар уланды
Израил аскерлери буга жооп кылып, палестиндерди желим ок менен аткылап, көздөн жаш чыгарчу газ чачты.
Палестинанын Саламаттыкты сактоо министрлиги үч палестиналык жарадар болгонун маалымдады.
Газа секторундагы палестиндер Израилдин чек арасына чатырларды тигүү менен алты апталык нааразылык акциясын өткөн аптада башташкан.
Алар муну менен палестин качкындарынын азыр Израил тарапта калган жерлерине кайтуусуна мүмкүндүк берилишин көздөп жатышат. Нааразылык акциясын палестиндердин Газа секторун башкарган исламчыл ХАМАС кыймылы уюштурууда.
Мындан улам Израилдин чек арадагы аскерлеринин күжүрмөн даярдыгы күчөтүлгөн.
30-мартта болгон кагылышууларда 15 палестин мерт кетип, жүздөн ашууну жарадар болгон.
БУУнун эсебинде, Газа секторунун 2 миллион калкынын 1,3 миллиону качкындар же качкындардын урпактары.