Пашинян колдоочуларына 3-майда "эс алууну" сунуш кылды
Ал ошондой эле 3-майда нааразылык акциялары болбой турганын жарыялап, өз колдоочуларына “эс алууну” сунуш кылды.
Парламенттеги Республикалык фракциянын лидери Вахрам Багдасарян 8-майдагы шайлоодо анын партиясы талапкер көрсөтпөй турганын билдирди. Алар мыйзам чыгаруучулардын кеминде үчтөн бири көрсөткөн талапкерди “ким болсо дагы колдоорун" кошумчалады.
Башкаруучу партиянын мындай чечими экс-президент жана экс-премьер-министр Серж Саргсян катышкан жыйында кабыл алынганы белгилүү болду.
Азырынча шайлоого жалгыз талапкер - Арменияда элдик толкундоолордун башында турган Никол Пашинян.