Трамп Ким Чен Ын менен 12-июнда кезигишерин тастыктады
Трамптын билдиришинче, кеңешчи ага Ким Чен Ындын катын берген. АКШ президенти аны аны "жакшы жана кызыктуу" деп мүнөздөдү.
Ким Йоң Чол мурдараак Нью-Йоркто АКШ мамлекеттик катчысы Майк Помпео менен жолуккан. Ал тапта Пхеньянга Орусиянын тышкы иштер министри Сергей Лавров барып, аны Ким Чен Ын кабыл алды.
24-майда Дональд Трамп Ким Чен Ын менен жолугушуусу токтотулганын, айткан. Эртеси саммит 12-июнда болушу мүмкүндүгүн билдирген.