Бишкекте үч жарым гектар жердин менчикке берилиши боюнча иш козголду
Тергөөдө аныкталгандай, 2014-жылы Бишкек мэриясынын мунинипалдык менчик башкармалыгы (азыр “жер ресуртарын башкаруу” деп аталат) Бишкек шаарынын 12-кич районундагы 3,38 гектар жерди Н.Г. жана К.К. аттуу жарандарга бир жылга пайдаланууга берген.
Аталган участок жалпы пайдалануудагы жер экенине карабай 2015-жылдын 4-декабрында мунинипалдык менчик башкармалыгы Бишкек шаардык башкы архитектура ишканасына материал жиберип, жерди иштетүүнүн багытын өзгөртүүнү талап кылат. Өз кезегинде Бишкек шаардык башкы архитектура ишканасынын жооптуу кызматкерлери мыйзамсыз бүтүм чыгарып, жерди пайдалануу мөөнөтүн узартууга жана “соода, оюн-зоок борборун” курууга уруксат берип койгон.
Ага ылайык, 2016-жылдын февраль айында Бишкек шаарында жерге болгон укукту берүү комиссиясы сөз болуп жаткан жер аянтын пайдалануу укугун узартуу боюнча чечим кабыл алган. Ошого жараша бул жерди 5 жылга пайдаланууга берүү тууралуу келишим түзүлгөн. Анын натыйжасында, 2017-жылы жер тилкеси төрткө бөлүнүп, “Б.С.” жабык акционердик коому тарабынан иштетиле баштаган.
Бул факт боюнча козголгон кылмыш иши УКМКнын Башкы тергөө башкармалыгына өткөрүлүп берилди. Тергөө уланууда. (ErN)