Германияда "Audi" концернинин жетекчиси Руперт Штадлер камалды
Прокуратура автоконцердин жетекчиси дизел менен жүргөн автоунаалардын абага зыяндуу газдарды бөлүп чыгаруу программасын атайылап аз көрсөткүчкө тууралашкан деп шектенип жатат.
"Volkswagen" концернинин баш кеңсесинин өкүлү 2007-жылдан бери "Аudi" компанияcын жетектеген Штадлер кармалганын ырастады.
Өткөн аптада полиция Штадлердин батиринде тинтүү жүргүзгөнүн немис маалымат каражаттары жазып чыгышты.