Сауд Арабияда аялдарга машине айдоого укук берген жарлык күчүнө кирди
Быйыл жыл башынан тарта аялдарга автоунаа айдоону үйрөткөн инструкторлор иштей баштаган. Май айында болсо Сауд Арабиянын Транспорт министрлиги аялдарга айдоочулук күбөлүк берүүгө бардык даярдыктар аяктаган жарыялаган.
Al-Arabiya телеканалынын кабарлашынча, көптөгөн аялдар таңды күтпөй, түн оогондон тарта эле автоунааларына отуруп, айдай баштаганын жарыялады. Полиция айым-айдоочуларды падышалыктын бийлигинин атынан куттуктап, розаларды берип жатат.
Саудиянын ханышасы Рим ал-Валид да бүгүн рулга отурганын анын атасы ханзаада Ал-Валид жазып чыкты.
Сауд Арабиясы дүйнөдө аялдарга автоунаа башкарууга тыюу салган жалгыз өлкө болчу.
Бул өлкөдө ханзаада Мухаммед бин Салмандын демилгеси менен бир нече айдан бери реформалар жүзөгө ашып жатат.
Өткөн жылдын этегинен тарта 35 жылдан бери биринчи жолу кинотеатрлар кайра ачылды. Эр-Рияд мунайдан гана көз каранды болгон экономиканы диверсификациялоо багытында реформа баштады.