ЖЭБ боюнча эми эксперттер кармалды
![ЖЭБ боюнча эми эксперттер кармалды](https://gdb.rferl.org/8DB22483-5E73-4135-95B4-2A5CDAE5473D_w800_h450.jpg)
Бишкек Жылуулук электр борборуна (ЖЭБ) байланыштуу дагы үч киши камакка алынды. Бул ирет ЖЭБдеги курулушка экспертиза жүргүзгөн Мамлекеттик соттук-эксперттик кызматтын өкүлдөрүнө айып коюлду. Башкы прокуратура бул кызматкерлерди "документтерди иликтебей туруп мыйзам бузуу менен жыйынтык чыгарган" деп айыптоодо. Буга чейин камактагы мурдагы премьер-министр Сапар Исаковдун адвокаты бул эксперттерге тергөө органдары басым кылып жатканын айтып чыккан эле.