Кыргызстандык зыяратчылардын акыркы тобу ажылыкка аттанды
Алгачкы топ 25-июлда кеткен. Андан бери зыяратчылар топ-топ болуп Бишкек-Мадина, Ош-Жидда, Ош-Мадина багытында учушту. Жалпысынан 18 авиа каттам уюштурулду. Ар бир топто 300дөй зыяратчы, алты ажы башчы болду.
Быйыл Сауд Арабиясы Кыргызстанга 5485 квота бөлгөн.
Ажылык сапар - ислам дининдеги беш парздын бири. Зыяратчылар Курман айт майрамын ошол жакта белгилеп, артка кайтышат. Курман айт быйыл 21-22-августтарга туш келет деп болжолдонууда. (SE)