Францияда эки адам бычакталып көз жумду
Франциянын Ички иштер министрлигиндеги булактардын билдиришинче, өлгөн эки аял кылмышка шектүүнүн апасы жана карындашы болгон.
Кол салууга эмне себеп болгону белгисиз. BFM TV телеканалынын маалыматы боюнча жаңжалга турмуштук чыр-чатак себеп болгон.
Маалыматтарга караганда, кол салган адам 1982-жылы туулган жана буга чейин терроризмди жактаганы үчүн соттолгон.
"Рейтер" агенттиги бул кол салуу үчүн "Ислам мамлекети" террордук уюму жоопкерчилик алганын кабарлады. Бирок согушкер топ эч кандай далил келтирген жок.
"Ислам мамлекети" экстремисттик уюмунун башчысы Абу-Бакр ал-Багдади бир күн мурда 54 мүнөттүк аудио кайрылуу жарыялаган. Анда бүт дүйнө боюнча чабуулдарды уланта берүү чакыры ташталган.
Эгер аудиожазуудагы үн Багдадиники экени тактала турган болсо, анда бул анын өлгөнү тууралуу маалыматтарды төгүндөйт.
Абу-Бакр Ал-Багдадинин кайда экени белгисиз, айрым маалыматтарда ал Сирия-Ирак чек арасындагы чөлдүү аймакта жүрөт.