Орусияда пенсия реформасы боюнча мыйзам үчүнчү окууда кабыл алынды
Мамлекеттик Дума өкмөттүн демилгесине ылайык, аялдардын пенсия жашын 63кө, эркектердикин 65ке көтөрүүнү караган мыйзам долбоорун биринчи окуудан июль айында жактырган. Бирок президент Владимир Путин 29-августтагы телекайрылуусунда талаштуу пенсия реформасы жумшартыларын жарыялаган. Путин аялдардын пенсияга чыгуу курагын сегиз эмес, беш жылга көтөрүүнү сунуштаган.
Орус президенти пенсия реформасынын зарылдыгын өлкөнүн демографиялык көйгөйлөрү менен түшүндүргөн.
Орусияда пенсия реформасына каршы нааразылык акциялар быйыл жайдын башынан тарта өтүп келет. (UE)