Дүйнөлүк шахмат федерациясына жаңы жетекчи шайланат
Конгресске ар кайсы өлкөдөн келген 185 делегат бул орунга ат салышып жаткан үч талапкерге добуш беришет. Жеңүүчү бүгүн белгилүү болот.
Федерацияны жетектөөгө ФИДЕнин вице-президенти грециялык Георгиос Макропулос, Орусиянын вице-премьер-министри жана улуттук шахмат федерациясынын мүчөсү Аркадий Дворкович жана британиялык гроссмейстер Найжел Шорт талапкерлигин койгон.
ФИДЕни 1995-жылдан тарта жетектеген Кирсан Илюмжинов бул жолу талапкерлигин көрсөткөн жок. 2015-жылы АКШ ага каршы санкцияларды киргизген соң анын ыйгарым укуктары чектелген.
Илюмжинов Орусиянын курамына кирген Калмак Республикасын 17 жыл башкарып, төрт ирет президент болуп дайындалган.