Орусияда алты айда 132 миңдей кыргызстандык ишке расмий орношту
Орусиянын миграциялык мыйзамдарынын талаптары боюнча эмгек мигранттары жумушка орношкон соң жумуш берүүчү же жеке өзү Миграция башкармалыгынын бөлүмдөрүнө түзүлгөн эмгек келишиминин көчүрмөсүн жөнөтүп, Орусияда расмий иштей тургандыгы жөнүндө маалымдашы керек. Мурунку жылы 241 миңдей кыргызстандык менен түзүлгөн эмгек жана жаранды кызмат келишими тууралуу Орусиянын ИИМинин Миграция башкармалыгына маалымдалган.
Орусияда миграциялык мыйзамдарды бир нече ирет бузган чет өлкөлүк мигранттар «кара тизмеге» алынып, өлкөдөн чыгарылат. Учурда 70 миңден ашуун кыргызстандыкка Орусияга кирүүгө тыюу салынган.
Акыркы маалыматтарга ылайык, Орусияда азыркы кезде 650 миңдей кыргызстандык эмгектенет. (LzT)