Интерполдун башчысы кызматтан кетүү тууралуу арыз жазды
Ошентип Интерполдун президенти Мэн Хунвейдин дайыны 9 күндөн кийин белгилүү болду. "Ал 29-сентябрда Кытайга барары менен кармалышы мүмкүн" деген божомолдор ырасталды.
Мэн Интерполдун жетекчилигине 2016-жылдын ноябрында келген. Ошого удаа эле Кытайдын коомдук коопсуздук министринин орун басары болуп иштеп келди.
Баш кеңсеси Франциянын Лион шаарында жайгашкан Интерпол - күч түзүмдөрүнүн аракеттерин бириктирип, эл аралык издөө жүргүзгөн орган. Анын курамына 190 өлкө кирет.