Төө-Ашуудагы унаа тыгыны тарады
Мекеменин маалыматына караганда, жекшемби күнү пайда болгон тыгынга автоунаалардын көбүнүн дөңгөлөгү кыш шартында айдоого даярдалбаганы себеп болду.
«Бишкек-Ош жолу» мамлекеттик дирекциясынын адиси Болотбек Токтомушевге байланышканыбызда ал азыр Төө-Ашууда турганын, жол ачык экенин айтты:
- Төө-Ашуу азыр кадимкидей оң абалда. Эч кандай тоскоолдуксуз машиналар эки тараптан тең өтүп жатышат. Жол кара. ДЭУнун жумушчулары эртең менен шагыл таш аралаш кум чачкан. Айдоочуларга айта кетчү нерсе – машинеге кышкы дөңгөлөк тагып, чынжырын салып даярдап койсо жакшы болот эле.
Өткөн аптанын соңунда Кыргызстанда аба ырайы кескин өзгөрүп, суук түштү. Тоолорго кар жаады. Синоптиктер 16-октябрдан тартып аба дагы муздап, кар жаай турганын эскертишүүдө. (RK)