Фостердик үй-бүлө: 132 ата-энеге сертификат берилди
Мекеменин маалыматына караганда, бүгүнкү күндө өлкөдө мындай үй-бүлөлөрдүн саны онго жетпейт. Ошондуктан кароосуз калган балдарды үй-бүлөгө кошуп багуу институтун өнүктүрүү аракети көрүлүп жатат.
“Фостердик үй-бүлө менен келишим түзүлөт. Алар 16 жашка чейинки курактагы үчтөн көп эмес баланы багып алса болот. Бирок үй-бүлөдөгү балдардын жалпы саны бештен көп болбоого тийиш”, - дейт министрдин орун басары Ализа Солтонбекова.
Фостердик үй-бүлөгө өткөрүлүп берилген баланы камсыздоо жана ата-эненин эмгек акысы республикалык бюджеттен каржыланат.
Расмий маалымат боюнча, Кыргызстандагы интернаттарда 11 миң 422 бала тарбияланат, булардын 5% гана томолой, калганы тирүүлөй жетим. Иликтөөгө ылайык, тирүүлөй жетимдердин көбөйүшүнө турмуш-шарттын оордугу себеп болууда. (RK)