Новости за 06.06.2018

Кыргызстан менен Кытайдын лидерлери Сооронбай Жээнбеков жана Си Цзинпин бүгүн Бээжинде сүйлөшүү өткөрүп, эки өлкөнүн ортосундагы ар тараптуу стратегиялык өнөктөштүк боюнча декларацияга кол коюшту. Мындан сырткары, жолугушуунун алкагында кызматташтыкты бекемдөөгө багытталган биргелешкен документтерге кол коюлду. Алар: - 2013-жылдын 11-сентябрында кол коюлган "Кытай-Кыргызстан" газ куурун куруу жана эксплуатацияга берүү боюнча өкмөт аралык келишимге толуктоолорду жана өзгөртүүлөрдү киргизүү жөнүндө... Читать дальше...

Италиянын жаңы премьер-министри Жузеппе Конте анын өкмөтү мыйзамсыз иммиграцияга чекит коюуга жана Орусия менен алакаларды бекемдөөгө артыкчылык берерин билдирди. Бир нече күн мурда Австрияга аттанардын алдында президент Владимир Путин Москва Орусия менен жакын алакаларды жактаган оңчул, популисттик партияларды колдоо менен Европанын бөлүнүп-жарылуусун көздөйт деген дооматтарды четке каккан.

Бул тууралуу "Азаттыкка" Ысык-Көл облустук милициясынын басма сөз катчысы Сталбек Усубакунов билдирди. Анын айтымында, Баңгизаттарды мыйзамсыз жүгүртүүгө каршы күрөш боюнча Ысык-Көл жана Нарын облустук башкармалыктарынын кызматкерлери «Көмүскөдөгү жай» операциясын өткөргөндө ушундай фактынын бети ачылган. Милиция кызматкерлеринин айтымында, аларга «Көгүлтүр Ысык-Көл» санаторийинин кайык станциясында ири өлчөмдө баңгизат мыйзамсыз сакталганы жөнүндө ыкчам кабар келип түшкөн. Бул маалымат боюнча... Читать дальше...

Мурдагы президент, КСДП партиясынын төрагасы Алмазбек Атамбаев партиянын мүчөлөрү Сапар Исаков менен Кубанычбек Кулматовду камакка алуу тууралуу чечим коррупция менен күрөшүү эмес деп эсептейт. Бул тууралуу анын бүгүн тараткан билдирүүсүндө айтылат.  “Бажыдагы уурулуктун масштабдарын ачып көрсөткөн мамлекеттик ишмерлерди камакка алуу туурасындагы кечээки чечим, бул иш жүзүндө бажы кызматынын көмүскө кардиналы катары белгилүү “Раим-миллиондун” бийликтеги достору, колдоочулары тарабынан болуп жаткан өч алуу. Читать дальше...

Бул тууралуу "Азаттыкка" Финансы министрлигинин басма сөз катчысы Гүлмира Түгөлбаева кабарлады. Коррупциялык кылмыш иштерин тергөөдө кайтарылган жана соттун чечими менен өндүрүлгөн каражаттар атайын эсепке топтолмок. Мындай эсепти ачууну президент Сооронбай Жээнбеков тийиштүү органдарга 16-майда тапшырган.  Гүлмира Түгөлбаеванын айтымында, Финансы министрлиги атайын эсепти ачуу боюнча токтомду даярдап, өкмөткө жөнөткөн жана азыр өкмөт бул тууралуу чечим кабыл ала элек. Президенттин тапшырмасын аткарыш үчүн Башкы прокуратуранын... Читать дальше...

Жогорку Кеңеш бүгүн Коомдук телерадиоберүү корпорациясынын Байкоочу кеңешинин 2017-жылдын жыйынтыгы боюнча отчетун угуп, аны эске алуу чечимин кабыл алды. Байкоочу кеңештин төрагасы Жыпар Жекшеев депутаттарга маалымат берип, жыл ичинде төрт жолу жыйын өткөрүүгө тийиш болсо, айрым муктаждыктарга байланыштуу кеңеш 13 кезектеги жана кезексиз жыйынга чогулганын айтты. «Байкоочу кеӊештин жыйындарында негизинен КТРКнын контентин жакшыртуу, санариптик көрсөтүүгө өтүүгө даярдык көрүү маселелери, материалдык-техникалык абалды жакшыртуу чаралары... Читать дальше...

Чехиянын баш калаасы Прагада миңдеген адамдар борбордук аянтка нааразылык акциясын өткөрүп, премьер-министр Андрей Бабиштин кызматтан кетишин талап кылышты. Алар “Биз күчтүү өкмөттү каалайбыз!”, “Биз коммунисттердин бийликке келишине жол бербейбиз!” деген жазуулары бар кагаздарды көтөрүп турушту. Былтыр октябрда өткөн шайлоодо Бабиш башында турган АНО аттуу кыймыл жеңип чыккан. Андан соң президент Милош Земан Бабишти премьер-министрликке дайындап, өкмөт куроону тапшырган. Бирок башка партиялардын... Читать дальше...

Жогорку Кеңештин кылмыштуулукка жана коррупцияга каршы комитети Башкы прокуратурага Максим Бакиевдин Улуу Британиядагы мүлкү боюнча маселени териштирүү тапшырмасын берди. Бул тууралуу бүгүн “Кабар” агенттигинде өткөн пресс-конференцияда Финансылык чалгындоо кызматынын төрагасы Айбек Кадыралиев билдирди. Быйыл 1-январдан тарта Улуу Британияда шектүү кыймылсыз мүлк же күмөн жараткан байлыкты иликтөөгө жардам берген жаңы мыйзам иштей баштады. Анын алкагында кеминде бир саясатчыга Англиядагы 22 миллион... Читать дальше...

Жогорку Кеңештин Укук тартиби, кылмыштуулукка каршы күрөш жана коррупцияга каршы аракеттенүү боюнча комитети Башкы прокуратурага Максим Бакиевдин Улуу Британиядагы мүлкү боюнча маселени териштирүүнү тапшырды. Бул тууралуу бүгүн “Кабар” агенттигинде өткөн басма сөз жыйынында Финансылык чалгындоо кызматынын төрагасы Айбек Кадыралиев билдирди. Быйыл 1-январдан тартып Улуу Британияда шектүү кыймылсыз мүлктү же күмөн жараткан байлыкты иликтөөгө жардам берген жаңы мыйзам иштей баштады. Анын алкагында... Читать дальше...

Орусиянын Калининград облусунда ушул жылдын 1-августуна чейин эмгек мигранттарына жумушка орношууга уруксат берген патент берүү токтотулду. Жергиликтүү укук коргоочулар муну чет жактан келген жумушчулардын жана миңдеген калининграддык ишкерлердин укугун бузуу деп коңгуроо кагышууда. Облус жетекчилиги тараткан билдирүүдө патент берүү Орусиянын Ички иштер министрлигинин буйругуна ылайык токтотулганы айтылат. Ал эми облус администрациясынын өкүлү Наталья Лакс "Азаттыктын" өзбек кызматына берген комментарийинде... Читать дальше...

Кыргызстандын президенти менен премьер-министринин акыркы убактардагы кадрдык дайындоолору да көп талкуу жаратууда.

Президент Сооронбай Жээнбеков Кытайдагы мамлекеттик сапарынын алкагында бул өлкөнүн төрагасы Си Цзинпин менен жолугушту. Ушу тапта эки өлкөнүн расмий делегацияларынын кеңейтилген форматтагы жолугушуусу өтүүдө. Жээнбеков өз сөзүндө биринчи мамлекеттик сапары Кытайда болуп жатканына кубанычта экенин айтты. Жолугушууда эки тараптуу кызматташтык жаңы тарыхый деңгээлге жогорулап жатканы белгиленди. Мамлекет башчы Сооронбай Жээнбеков башында турган кыргыз делегациясынын курамында тышкы иштер министри Эрлан Абдылдаев... Читать дальше...

Президент Сооронбай Жээнбеков Кытайга мамлекеттик сапарынын алкагында бул өлкөнүн төрагасы Си Цзинпин менен жолугушту. Ушу тапта эки өлкөнүн расмий делегацияларынын кеңейтилген форматтагы жолугушуусу өтүүдө. Жээнбеков өз сөзүндө биринчи мамлекеттик сапары Кытайга болуп жатканына кубанычта экенин айтты. Жолугушууда эки тараптуу кызматташтык жаңы тарыхый деңгээлге жогорулап жатканы белгиленди. Мамлекет башчы Сооронбай Жээнбеков башында турган кыргыз делегациясынын курамында тышкы иштер министри Эрлан Абдылдаев... Читать дальше...

Италиянын жаңы шайланган премьер-министри Жузеппе Конте анын өкмөтүнүн негизги иштеринин бири мыйзамсыз миграцияны токтотуу жана Орусия менен байланышты бекемдөө болоорун айтты. Ал Орусия менен ачык кызматташтыкты, анын ичинде Европа Бримдигинин Орусияга каршы санкцияларын токтотууну жактаарын билдирди. Бул тууралуу Жузеппе Конте 5-июнда өлкөнүн жогорку палатасы – Сенатта сүйлөп жатып айтты. “Биз Орусия менен кызматташтыкты колдойбуз. Орусия акыркы жылдарда түрдүү геосаясий кризистерде консолидацияланды. Читать дальше...

Токмок шаарындагы аймактык оорукананын кардиология бөлүмү Түркиянын мамлекеттик өнүктүрүү агенттигинин жардамы менен жаңыланды. Бул тууралуу Саламаттык сактоо министрлиги билдирди. ТИКА бөлүмдү оңдоп-түзөөгө, жаңы керебеттерди, эмерек алууга жана канализацияны жаңылоого 82 миң АКШ доллары өлчөмүндө каражат бөлгөн. 25 жаңы керебет алынып, стерилизациялоочу бөлмөлөр курулду. (BCh)

Чүй облустук милиция башчысынын орун басарлары дайындалды. Бүгүн ички иштер министринин орун басары Сүйүн Өмүрзаков облустук башкармалыктын өздүк курамына орун басарлар Бактыбек Нарчаевди, Айбек Ажыбаевди жана облустук криминалдык милиция кызматынын башчысы Айбек Осмоналиевди тааныштырды. Бактыбек Нарчаев 42 жашта, буга чейин Чүйдүн криминалдык милиция кызматын башкарып турган. Айбек Ажыбаев 47 жашта. Азыркы кызматка келгенге чейин Бишкек милициясынын кабыл алып бөлүштүрүүчү жайынын башчысы болуп иштеген. Читать дальше...

6-июнда Байкоңурдан Эл аралык космос станциясына "Союз" космостук кемеси менен үч космонавт учурулду. Орусиялык Сергей Прокопьев, германиялык Александр Гершт жана АКШнын астронавты Серена Аунон-Канцлер эл аралык космостук станцияда алты ай болот. Алар бул мезгилде илимий изилдөө иштерин жүргүзөт. Космонавттар Эл аралык космос станциясына 8-июнда жетет деп болжолдонууда. Жерден 400 чакырым ыраактагы орбитада жүргөн Эл аралык космос станциясында азыр эки америкалык астронавт жана бир орусиялык космонавт бар. Читать дальше...

Тажикстан атайын урукcат алмайынча мугалимдер менен студенттерди чет өлкөгө чыгарбайт, Казакстан чөнтөк телефон номерлерине жарандардын жеке маалыматын байлаганы жатат, Британиядагы мечит садага, битирди криптовалюта менен чогултууда, Казакстандын Кытайдан көчүп келген айрым жарандары мурдагы өлкөсүнүн түрмөсүндө камалуу, Алматыда СССРди эңсеткен дүкөн бар.

Казакстанда менингококк инфекциясын жуктуруп алгандардын саны 59 адамга жетти, алардын 21и балдар. Ушул күнгө чейин бул илдеттен 13 киши көз жумду. Бул тууралуу 6-июнда Саламаттык сактоо министрлиги тараткан билдирүүдө айтылат. Буга чейин министр Елжан Биртанов кырдаал көзөмөлдө экенин айтып, коомду тынчтандырууга аракет кылган. Бүгүнкү билдирүүдө бул кыш жана жаз мезгилинде өөрчүй турган илдет экени жазылган. Бул ооруну менингококк бактериясы козгоп, жугуштуу болуп эсептелет. Ага менингит, назофарингит, менингококк сепсиси кирет. Читать дальше...

7-июнда Кыргызстандын аймагында түнкүсүн жаан-чачын болбойт, күндүз тоо этектеринде жана тоолуу райондордо жаан жаап, күн күркүрөшү, бийик тоолуу райондордо кар жаашы ыктымал, өрөөндөрдө жаан-чачын болбойт. Түштүк-чыгыш тараптан соккон шамалдын ылдамдыгы секундасына 3-8 метр. Абанын температурасы: Чүйдө түнкүсүн 12...17, күндүз 27...32; Таласта түнкүсүн 9...14, күндүз 25...30; Баткен, Ош, Жалал-Абадда түнкүсүн 13...18, күндүз 28...33; Ысык-Көлдө түнкүсүн 8...13, күндүз 21...26; Нарында түнкүсүн 6...11... Читать дальше...

“Фейсбук” социалдык түйүнү ушул жуманын этегине чейин колдонуучулардын жеке маалыматтары боюнча кытайлык “Хуавей” компаниясы менен түзүлгөн келишимди бузат. Бул тууралуу “Нью Йорк Таймс” гезити жазды. Ага чейин Вашингтондун өкүлдөрү “Хуавей” кытай бийлиги менен кызматташкандыктан аны "АКШ үчүн коркунуч" деп атаган.  Жакында “Нью Йорк Таймс” гезити “Фейсбук” акыркы он жылда "Apple", "Samsung", "Amazon", "BlackBerry" жана "Microsoft" сыяктуу телефон чыгарган 60тай компания менен келишим түзгөнүн маалымдаган. Читать дальше...

Коомдук биринчи каналдын жетекчиси Илим Карыпбеков «КТРК бир жактуу иштеп жатат” деген айыптоолорду токтотуш үчүн мыйзамга өзгөртүү киргизүү зарыл деп эсептейт. Бул тууралуу ал бүгүн Жогорку Кеңеште КТРКнын Байкоочу кеңешинин отчету угулуп жатканда айтты: - Мына, айтып жатасыздар, "буларга акыйкатты, көз каранды эместикти камсыз кылып бергиле" деп. Кол астыңарда мыйзам бар. Ошол мыйзамга анда “мамлекеттик органдар КТРКнын редакциялык ишине кийлигишүүсүнө таптакыр тыюу салынат. Ал эми мамлекеттен... Читать дальше...

Бишкекте 8-9-июнда Улуттук китепканада «ЖАШЫЛ upGRADe» аттуу экологиялык форум өтөт. Ага шаар тургундары, жергиликтүү жана эл аралык эксперттер, бийлик өкүлдөрү жана демилгечи топтор катышат. Бул тууралуу "MoveGreen" уюмунун жетекчиси Мария Колесникова "Азаттыкка" билдирди. Анын айтымында, форумга климаттык жана экологиялык жактан коопсуз шаарда жашагысы келген ар бир шаар тургуну катыша алат.  - Бүгүн биз шаарыбызда унаалар үчүн гана жасалган жолдорду эмес, коляска сүйрөгөн апалар, жөө жүргүнчүлөр... Читать дальше...

Мектепке даярдык класстарына кирүүдө Бишкектеги айрым орто мектептер балдарды сынактан өткөрүшүүдө. Бул канчалык деңгээлде мыйзамдуу жана алардын кийинки билим алышына пайдасы тиеби?

Таластын Ак-Дөбө айылында жайгашкан Теодор Герцен атындагы көркөм музей Кыргызстандын туристтик картасына милдеттүү түрдө киргизилиши керек. Бул тууралуу вице-премьер-министр Алтынай Өмүрбекова бүгүн Бакай-Ата районунда жумушчу сапарында жүргөндө айтты. Ал мындай музейлер сактап калуу зарыл болгон улуттук маданий баалуулук экенин белгиледи:  - Өкмөттүн облустардагы ыйгарым укуктуу өкүлчүлүктөрү өз аймагынын брендин алып чыгуу менен алектениши керек. Анткени ар бир аймак кайталангыс жери менен өзгөчөлөнүп турат... Читать дальше...