Новости за 27.06.2018

Бишкек-Ош унаа жолунун убактылуу жабылган бөлүгү кайра ачылды. Өзгөчө кырдаалдар министрлигинин маалыматына караганда, унаа кырсыктарын жана тыгындарын алдын алуу жана болтурбоо максатында 26-июнда саат 20:00дөн тартып Чүй облусунун Жайыл районундагы "Сосновка" постунда жана Жалал-Абад облусунун Токтогул районундагы "Арал" постунда күйүүчү май ташыган унааларга убактылуу чектөө киргизилген. Бул чектөө бүгүн саат 06:00дө кайра алынды. 26-июнда Бишкек-Ош унаа жолунун 264-чакырымында (Өрүктү тилкеси)... Читать дальше...

Бүгүн парламентте мамлекет башчы Сооронбай Жээнбеков кайрылуу жасады. Жээнбеков коррупцияга каршы күрөшкө тартылган күч түзүмдөрү өздөрү мыйзам бузуудан алыс болууга тийиш экенин айтты.

Кыргызстанда криминалдын баш көтөрүүсүнө көз жумду мамиле жасалды. Мындай пикирин бүгүн парламентке кайрылуу сөзүндө мамлекет башчы Сооронбай Жээнбеков билдирди. Президент акыркы жылдар өлкөнүн коомдук, саясий-экономикалык турмушундагы маанилүү өзгөрүүлөрдүн мезгили болгонун, бирок жетишкендиктерге карабастан учурдагы абал өзгөрүүлөргө муктаж экенин айтты. "Өлкөдө менчикти коргоо сакталган жок, рейдерликке жол ачкан учурлар болду" деди. Сот жана укук коргоо органдары өзүлөрү акыйкат болбой жатканына эл нааразы экенин кошумчалады. Читать дальше...

Бүгүн Жалал-Абад облусунда китепканалардын республикалык Х форуму өтөт. “Региондорду өнүктүрүү жылында коомдук китепканалардын ролу” деген аталыштагы иш-чарага бардык аймактардагы китепкана өкүлдөрү катышат. Мындан сырткары залкар жазуучу Чыңгыз Айтматовдун 90 жылдыгын өткөрүүдө китепканалардын ролу талкууга алынат. Жыйынтыгында резолюция кабыл алынат. Китепкана иштерин өркүндөтүүгө салым кошкон республиканын китепкана кызматкерлери сыйланат. Форумдун алкагында Маданият, маалымат жана туризм министрлиги республиканын айылдык... Читать дальше...

2013-жылдан бери кыргызстандык "Салкын" текстил фабрикасы өндүргөн товарын КМШ өлкөлөрүнөн тышкары Европага чейин экспорттоп жатат. Эл аралык уюмдардын колдоосу менен фабрика быйыл жаңыланып, жылына 198 тонналык өндүрүмүн 408 тоннага чыгарды. Текстил тармагына инвестиция жасоодо эмнелерге көңүл буруш керек жана тикмечилик менен үй-бүлөнү кенен бакса болобу?

Кыргызстанда коррупцияга каршы күрөшкө жамынып алып саясий атаандаштардан өч алууга жол берилбейт. Бул тууралуу бүгүн парламентке кайрылып жатып мамлекет башчы Сооронбай Жээнбеков билдирди. Президент бул күрөш эч качан саясий өңүттө болбой турганын айтып, “мыйзам бузууларга, экономикалык кылмыштуулукка каршы жүргүзүлөт” деп белгиледи. Ошону менен катар Жээнбеков коррупцияга каршы күрөшкө тартылган күч структуралары өздөрү мыйзам бузуудан алыс болууга тийиш экенин айтты: - Азыр кайсы коррупционерди кармаба... Читать дальше...

Кыргызстандык мушкерге буга чейин жети беттешти уткан америкалык Жаймелин Ньеверо атаандаш болду.

Кыргызстанда “Бирик” деп аталган саясий партия түзүлүп, алдыдагы парламенттик шайлоого катышууга даярданып жатышат. Бул тууралуу партиянын мүчөсү Мирлан Самыйкожо “Азаттыкка” маалымдады. Лидери жана партияны түптөөчүлөрдүн бири, 38 жаштагы жеке ишкер Кылычбек Исамамбетов 2015-жылы “Ата Мекен” партиясынан тизмеде 41-орунда парламенттин шайлоого катышканы белгилүү. Мирлан Самыйкожонун айтымында, партиянын курамына ар кандай кесиптин ээлери кирген бирок, белгилүү саясатчылар жок. Таанымал өнөр адамдарынан Мирлан Самыйкожо... Читать дальше...

Быйыл март айынан бери президенттик аппараттын жетекчиси дайындала элек. Анын милдетин азыр аппараттын жетекчисинин орун басары Досалы Эсеналиев аткарып жатат. Мындай тыныгуу коомдук-саясий чөйрөдө ар кыл түкшүмөлдөрдү жаратып, "татыктуу кадр табылбай жатат" дегендер да, "талапкерлер президенттин сыноосунан өтө албай жатат" дегендер да чыгууда.

Кыргызстанда коррупциянын айынан көп инвестициялар башка өлкөлөргө бурулуп кетти. Бул тууралуу бүгүн мамлекет башчы Сооронбай Жээнбеков Жогорку Кеңеште сүйлөп жатып билдирди. Президент өлкөнүн учурдагы абалы өзгөрүлүүгө муктаж экенин айтып, кечиктирбей чечүүнү талап кылган маселелер көбөйгөнүн белгиледи. “Чейрек кылым аралыгында өлкөнүн экономикасы анчалык өнүгүүгө жана туруктуу өсүү темпине ээ боло алган жок. Аймактар ортосунда жана тармактардын арасында тыгыз экономикалык байланыштар орногон жок” деди Жээнбеков.

Парламенттин Эл аралык иштер, коргоо жана коопсуздук боюнча комитети кыргыз-казак чек арасын демаркациялоо боюнча келишимди кароону кийинкиге калтырды.

“Кыргызстанда дин тутуу эркиндиги жана диний уюмдары жөнүндө” мыйзамга өзгөртүүлөрдү киргизүү боюнча долбоор иштелип жатат. Дин иштери боюнча мамлекеттик комиссиясы тарабынан даярдалып жаткан долбоордун максаты өлкөдөгү дин тутуу эркиндигин жакшыртуу, диний окуу жайлардын, уюмдардын ишмердүүлүгүн жөнгө салуу болуп саналат.  Бул тууралуу мекеменин басма сөз кызматы маалымдады. Долбоорду талкуулоо үчүн алгачкы жыйын бүгүн Бишкекте өтөт. Ага мамлекеттик органдардын, диний жана өкмөттүк эмес уюмдардын өкүлдөрү, көз карандысыз эксперттер катышат. Читать дальше...

Жети-Өгүз районунун борбору Кызыл-Суу айылындагы муниципалдык базардын курулушу эки жылдан бери бүтпөй турат.

Өзбекстандын элдик билим берүү министри Шерзод Шерматов 25-июнда башкармалыктардын жана борбордук аппарат бөлүмдөрүнүн бардык башчыларын жумуштан бошотту. Жергиликтүү басылмалар бул чечим президент Шавкат Мирзиёевдин министрликтеги кадрдык курамды жаңыртуу тапшырмасынын негизинде кабыл алынганын жазышты. Кызматкерлер менен жолугушуу учурунда Шерзод Шерматов министрликтин иши мындан ары үч негизги принципке – сапат, акыйкаттуулук жана ачык-айкындуулукка негизделерин белгиледи. Быйыл 20-июнда... Читать дальше...

Нидерланды парламентинин биринчи палатасы коомдук жайда бетин жапкан кийим күйүүгө тыюу салган чечимди колдоду. Жаңы мыйзамга ылайык, транспортто, мектепте, ооруканада жана мекемелерде никаб, паранжа, бурка жана чадра кийип жүрүүгө болбойт. Мыйзам бузгандарга 400 евро айыппул салынат. Жаңы мыйзам 2019-жылдын башында күчүнө кирет. Германиялык DPA агенттигинин маалыматы боюнча, Нидерландыда толук бетин жапкан мусулман кийимин кийип жүргөн 400дөй аял жашайт. Нидерланды парламентинин экинчи палатасы мындай тыюуну 2016-жылы кабыл алган. Читать дальше...

АКШ жана Орусиянын президенттери Дональд Трамп менен Владимир Путиндин жолугушуусу Хельсинкиде өтүшү мүмкүн. Бул тууралдуу "Reuters" агенттиги Кошмо Штаттардын администрациясындагы булактарына таянып жазды. Буга чейин эки лидердин кездешүүсү 15-июлда Венада болот деп болжолдонуп жаткан. Жолугушуунун так күнү жана убактысы расмий айтыла элек. АКШ президентинин улуттук коопсуздук боюнча кеңешчиси Жон Болтон бүгүн Москвага барат. Мында эки президенттин жолугушуусу сүйлөшүлөт деп пландалууда. "Politico"... Читать дальше...

Кыргызстандык сүрөтчү Азамат Жаналиев президенттик аппараттын башчысынын мурдагы орун басары, экс-президент Алмазбек Атамбаевдин мурдагы кеңешчиси Икрамжан Илмияновго каршы Улуттук коопсуздук боюнча мамлекеттик комитетке (УКМК) жазган арызын кайтарып алды. Бул маалыматты ал “Азаттык” радиосуна өзү ырастады. Жаналиев мыйзамды билбестен УКМКга арызданып алганын, Кылмыш-жаза кодексинин 166-беренесин (“алдамчылык”) милиция карап, иликтей турганын белгилеген арызды коопсуздук комитетине жолдоду. 21-июнда... Читать дальше...

Кыргызстан мусулмандарынын Дин башкармалыгы бүгүн Орозодо берилчү битир-садага жана анын бөлүнүшү туурасында коомчулукка маалымат берет. Бул тууралуу муфтият билдирди. Исламда орозодо битир-садага берип, кайрымдуулук иштерди көп жасап, сооп табуу керек экендиги жазылган. Былтыркы жыйналган битир-садага 33 миллион сомдон ашкан. Чогулган каражат муктаж адамдарга берилип келет. Мурда муфтиятта иштеп кеткен айрым кызматкерлер ажылыкты уюштурууда кемчиликтер бар экенин, битир-садага туура бөлүштүрүлбөй жатканын билдиришкен. Читать дальше...

Бүгүн Жогорку Кеңештин жалпы жыйынында тышкы иштер министри Эрлан Абдылдаев ант берет. Андан соң президент Сооронбай Жээнбеков коомчулукка жана депутаттарга кайрылып, сөз сүйлөйт. Бул тууралуу парламенттин басма сөз кызматы билдирди. Жогорку Кеңеш 1-июлдан тартып шайлоочулар менен жолугуп, андан ары жайкы эс алууга кетет. (КЕ)

Ленинград облусунда өрттөн каза болгон кыргызстандык келиндин сөөгү бүгүн мекенине жөнөтүлөт. Санкт-Петербургдагы ардактуу консулдук, кыргыз диаспорасы жана келиндин жердеши акчалай жардам көрсөткөнүн Кыргызстандын Орусиядагы элчилиги кабарлады. Буга чейин орусиялык маалымат каражаттары Орусияда белгисиз бирөөлөр кыргызстандык келинди өрттөп кеткенин жазган. Окуя Ленинград облусунда болгон. Сөөк Шлиссельбург шаарынын аймагында 24-июнга караган түнү өрттөнгөн соода күркөлөрүнүн биринен табылган. Читать дальше...

Жогорку Кеӊештин Транспорт, коммуникациялар, архитектура жана курулуш комитетинин 26-июндагы жыйынында Түндүк-Түштүк альтернативдүү жолунун курулушуна бөлүнгөн каражаттын жумшалышын иликтеген депутаттык жумуш тобу түзүлдү. Анын жетекчилигине “Бир Бол” фракциясынын депутаты Кубанычбек Жумалиев дайындалды. Бул тууралуу парламенттин басма сөз кызматы кабарлады. Транспорт жана жол министри Жамшитбек Калиловдун айтымында, жолдун курулушуна Кытайдын “Эксимбанкы” 700 млн. доллар өлчөмүндө жеӊилдетилген насыя бөлгөн. Читать дальше...

Ички иштер министрлиги Бишкектеги эки милициянын мушташы боюнча кызматтык иликтөө жүргүзөт. Бул тууралуу министрликтин басма сөз катчысы Бакыт Сейитов “Азаттык” радиосуна билдирди. Биринчи Май райондук милициясынын Экстремизм жана мыйзамсыз миграцияга каршы кызматынын башчысы кол астындагы кызматкерин сабап койгону 26-июнда белгилүү болгон. Токмок жеген кызматкердин абалы оор экени айтылууда. Анын баш сөөгү жана мурду сынган, кулагы айрылган. Жетекчи менен кызматкердин ортосундагы чатак эмнеден чыкканы айтылган жок. Читать дальше...

Бүгүн C жана D тобундагылар ойнойт.

Бүгүн C жана D тобундагылар ойнойт.

Курамына Леонель Месси кирген Аргентина командасы түндө Нигерияны 2:1 эсебинде утуп, чемпионаттагы жүрүшүн улантмай болду. Оюндун негизги бөлүгү 1:1 эсебинде аяктап, акыркы мүнөттөрдө Аргентинанын оюнчусу Маркос Рохо эсепти 2:1 кылып, командасын 1/8 финалдык бөлүккө алып чыкты. Бул оюнда Леонель Месси бир гол киргизди. Аргентина менен, күтүлгөндөй эле, кийинки бөлүккө Хорватия командасы чыкты. Хорваттар өз тайпасында үч оюнду катары менен утуп, ишеничтүү 9 упайга ээ болушту. Ал эми “С” тайпасында... Читать дальше...