Новости за 12.07.2018

Кыргызстандын тышкы карызынын жалпы көлөмү 2017-жылдын соңуна карата 4 миллиард 80 миллион долларды түздү. Бул тууралуу бүгүн Эсеп палатасынын басма сөз кызматы билдирди. Мекеме тараткан маалыматта бул сан Ички дүң өнүмгө карата 53,9% түзөрү, карыздар өз убагында төлөнүп жатканы айтылат. Көп тараптуу насыялардын 89% Дүйнөлүк банкка, Азия өнүктүрүү банкына жана Эл аралык валюта фондуна туура келет. Ал эми эки тараптуу келишимдер боюнча алынган карыздын 90% Кытай, Орусия жана Жапонияга төлөнүшү керек. Читать дальше...

Ысык-Көлдө жайкы эс алуу сезону эми кызыгандай. Буга чейин аба ырайы жакшы болбой, туристтердин агымы анча байкалбай жаткан. Учурда көл жээгинде ички жана тышкы туристтер болуп эс алышууда. Көлдөгү быйылкы эс алуучуларга болгон шарт кандай?

Жапон өкмөтү табигый кырсыктын курмандыктары кеминде 200 кишиге жеткенин тактады. Өкмөт башчы Синдзо Абэ дагы көптөгөн адам табылбай жатканын билдирди. Он миңдеген куткаруучулар урандыларды, ылай-баткакты казып, тирүү калгандарды издөөнү улантууда. Өткөн аптада нөшөрдөн улам суу ташкындап, жер көчкү жүргөн. Көбүнесе Хиросима префектурасы жабыркаган. Жолдор бузулгандыктан аймакка тамак-аш, гуманитардык жардам жеткирүү алигиче кыйын болуп жатат.  Бир жарым миллион кишиге үйлөрүнөн кетүүгө буйрук берилсе... Читать дальше...

Президент Нурсултан Назарбаев Казакстандын Коопсуздук кеңешин өмүр бою жетектөөгө жол ачкан мыйзамга кол койду. Кеңештин макамы  конституциялык орган болуп өзгөрдү.    “Казакстан Республикасынын Коопсуздук кеңеши жөнүндө" мыйзам 12-июлда расмий маалымат булактарына чыкты. Документке 5-июлда Назарбаев туулган күнүндө кол койгон.   Мыйзамда Казакстандын туңгуч президенти Назарбаевге “тарыхый миссиясына ылайык Коопсуздук кеңешине өмүр бою төрагалык кылуу укугу берилет". Ошондой эле өзүнчө пунктта... Читать дальше...

Кыргызстандын Улуттук банкы былтыр мурдагы жылга салыштырганда 1,4 миллион сомго аз киреше тапты. Бул тууралуу бүгүн Эсеп палатасы тараткан маалыматта айтылат. Эсеп палатасы 2017-жыл боюнча аудиттин жыйынтыгын жарыялады. Мекеменин маалыматына караганда, бул жылы Улуттук банктын таза кирешеси 2,3 миллион сом болду. Ал эми 2016-жылы 3,8 миллион сомду түзгөн. Кирешенин азайышына алып келген негизги фактор баалуу металлдар жана чет өлкөлүк валюта боюнча операциялардан түшкөн кирешеге байланыштуу болду.

Сокулук районунда зордуктоого кабылган он жаштагы кыздын абалы мурдагыдан оңолуп калды. Бул тууралуу Сокулук райондук ооруканасынын башкы дарыгери Совет Сооронбаев “Азаттыкка” билдирди. Анын айтымында, өспүрүм ушул тапта энеси менен ооруканада. Нес абалында келген бейтап менен психиологдор иштеп жатышат:  - Бүгүнкү күндө абалы жакшы. Педиатр, психиолог аны менен иштешти. Аны кайра травма кылбаш үчүн эч кимди киргизбей жатабыз. Биз тараптан бардык медициналык жардам көрсөтүлдү,-деди Сооронбаев. Читать дальше...

АКШнын президенти Дональд Трамп Брюсселде өтүп жаткан НАТОнун саммитинде Түндүк-Атлантикалык Альянска кирген өлкөлөрдүн коргонуу тармагына кетчү каражатын алардын ички дүң өнүмүнүн 4% чейин көбөйтүүгө үндөдү. Буга чейин бул көрсөткүч 2% деп белгиленген. Трамп саммитте бул маселени койгонун Ак үйдүн басма сөз катчысы Сара Сандерс бышыктады. Америкалык лидер НАТО мүчөлөрү буга чейин белгилеген 2% “өтө минималдык” көрсөткүч экенин, аны 4% чейин көтөрүүнү көздөй тургандыгын белгиледи. Трамп "Твиттер"... Читать дальше...

13-июлда Ысык-Көл, Нарын облустарынын кээ бир райондорунда, Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда өткүн өтүп, күн күркүрөшү ыктымал, өрөөндөрдө жаан-чачын болбойт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 17...22, күндүз 31...36, Баткенде түнкүсүн 20...25, күндүз 34...39, Таласта түнкүсүн 11...16, күндүз 29...34, Ош менен Жалал-Абадда түнкүсүн 19...24, күндүз 33...38, Нарын менен Ысык-Көлдө түнкүсүн 8...15... Читать дальше...

Вице-премьер-министр Жеңиш Разаковдун төрагалыгы астында Кыргызстанда Сот адилеттигин өркүндөтүү боюнча ченемдик-укуктук актыларды ишке ашыруучу координациялык кеңештин экинчи жыйыны өттү. Бул тууралуу өкмөттүн аппараты кабарлады. Анда Жазык-процессуалдык кодексин Конституцияга жана “Конституция тарабынан орнотулган прокуратуранын айрым ыйгарым укуктары тууралуу” мыйзамга дал келтирүү маселеси каралды. Ошондой эле жабырланган тарап тарткан материалдык жана моралдык зыянды калыбына келтирүү тартибинин концепциясы талкууланды. Читать дальше...

Бишкек шаардык кеңеши кезексиз жыйынга чогулат. Бул тууралуу бүгүн мекеменин басма сөз кызматы кабарлады. Жыйын 13-июлда өтөрү айтылды. Ушу тапта интернеттеги социалдык түйүндөрдө “Бишкектин мэри Албек Ибраимов Кыргызстандан качып кетти” деген маалымат тарап жатат. Бирок борбор калаанын басма сөз кызматынын өкүлдөрү “Азаттык” радиосуна кабарлашкандай, Ибраимов эмгек өргүүсүнө чыкты, ал 10-июлдан 8-августка чейин эс алууда болот. "ТНК Дастан" ишканасындагы мыйзам бузууга байланыштуу шек саналып... Читать дальше...

“Чыңгыз-Ордо” музей-комплексинин башкы ордосу Бишкекте болот. Бул тууралуу бүгүн Таласта журналисттердин суроолоруна жооп берип жатып маданият, маалымат жана туризм министри Султан Жумагулов билдирди. Бүгүн Таластын Шекер айылына мамлекет башчысы Сооронбай Жээнбеков барып, “Чыңгыз-Ордо” долбоору менен жеринен таанышты. Таласта курула турган комплекс 15 гектар жерди ээлейт. Анда улуу жазуучунун айкели коюлуп, парк, аллея ачылат жана белгилүү чыгармалардын каармандарынын эстелиги орнотулат. Бул иштерди ноябрга чейин аяктоо пландалууда. Читать дальше...

Греция менен Орусиянын ортосунда дипломатиялык маселе жаралууда. Расмий Афины "ички ишибизге кийлигишти" деп, эки орус дипломатын өлкөдөн чыгарууну чечкенин грек гезити шаршемби күнү кабарлап чыкты. Москва болсо грек өкмөтүнүн мындай чечимине жооп кайтараарын эскертти.

9-июлдун таңында Москвада балдар ойноочу аянтта асынып турган келиндин сүрөтү Интернетте чукул таркаган.

Келерки жылы кыргыз-австриялык соода-экономикалык кызматташтык боюнча комиссиянын өкмөт аралык жетинчи жыйыны өтөт. Бул жыйынга даярдык маселеси Вена шаарында кыргыз элчиси Бакыт Жусупов менен Австриянын Тышкы иштер министрлигинин башкы катчысы Йоханнес Петерлик менен жолугушуусунда талкууланганын бүгүн Кыргызстандын дипломатиялык мекемеси кабарлады. Элчи Жусупов Кыргызстандагы ички саясий жана экономикалык абал тууралуу маалымат берип, Австрия менен инвестиция тартуу, экспорт, санарипке өтүү... Читать дальше...

Түркия ушул аптада башкаруу системасын өзгөртүп, президенттик башкарууга өттү. Түрк президенти Режеп Тайып Эрдогандын ант берүү аземине Кыргызстандын президенти Сооронбай Жээнбеков катышты.

Сегиз жыл мурдагы Июнь окуясынан кийин сыртка чыгып кеткен кыргызстандык өзбек саясатчылары Кыргызстандын президенти Сооронбай Жээнбековго жазган кайрылуусуна жооп алышты. Бул тууралуу ОшТВнын мурдагы директору, журналист Халилжан Худайбердиев “Азаттыкка” билдирди. Худайбердиев көчүрмөсүн жөнөткөн документке ылайык, аларга Жээнбековдун атынан президенттик аппараттын соттук реформа жана мыйзамдуулук бөлүмүнүн башчысы Санжар Исабаев жооп берген. “Сиздердин Азимжан Аскаровдун иши жана 2010-жылкы... Читать дальше...

Кыргызстанда ата-энеси миграцияга кеткен балдарга көмөк көрсөтүү багытында Бириккен Улуттар Уюмунун Балдар фонду (ЮНИСЕФ) Европа Биримдигинин каржылык колдоосу менен 800 миң евролук, үч жылдык долбоор баштады. Анын алкагында балдардын саламаттык, билим алуу боюнча укуктарын коргоо жаатында иштер жүрмөкчү.

Бишкек шаарынын мэри Албек Ибраимов эмгек өргүүсүнө чыкты. Бул тууралуу бүгүн “Азаттык” радиосуна борбор калаанын басма сөз кызматынын өкүлдөрү кабарлашты. Ал 10-июлдан 8-августка чейин эс алууда болору, бирок өргүүсүн кайсы жакта өткөрүп жатканы тууралуу маалымат жеке жашоосуна байланыштуу болгондуктан берилбей турганы айтылды. Ушу тапта интернеттеги социалдык түйүндөрдө “Албек Ибраимов Кыргызстандан качып кетти” деген маалымат тарап жатат. "ТНК Дастан" ишканасындагы мыйзам бузууга байланыштуу... Читать дальше...

Мамлекет башчы Сооронбай Жээнбековдун Талас сапары башталды. Алгач ал “Манас-Ордо” улуттук комплексине барды. Андан соң Таш-Арык айылында бала бакча куруу иштери жана Тараз-Талас-Суусамыр автожолун жаңылоо долбоору менен таанышты. Ошондой эле 15 жылдан ашуун төө буурчак экспорттоп, азыр Сербия, Польша, Түркиядан алма көчөттөрүн алып келип ишкерлик кылган Миргазы Оморовдун чарбасын көрдү. Президент мындан тышкары облустун тургундары менен жолугушат, агрардык, социалдык чөйрөдөгү абал менен жана... Читать дальше...

Кыргызстанга чет өлкөдөн ташылган жеңил автоунааларга бажы төлөмү азайтылып, электромобилдерге нөлдүк төлөм коюлду.

Кыргызстанга чет өлкөдөн ташылган жеңил автоунааларга бажы төлөмү азайтылып, электромобилдерге нөлдүк төлөм коюлду.

Бишкекте “Тазалык” ишканасынын жумушчусу ур-токмокко кабылып, Травматология жана ортопедия борборуна жаткырылды. Бул тууралуу бүгүн “Азаттык” радиосуна “Тазалыктын” басма сөз катчысы Жибек Каракеева билдирди. Каракееванын айтымында, окуя 11-июлда Лущихин көчөсүндө жол талашуудан улам болгон. - “Акыркы контейнерди бошотуп алганча күтө тургула” деп биздин жумушчулар суранганча эле эки бала келип таштанды жүктөлүүчү машинанын айдоочусун жетелеп кетишти, калган экөө дагы бир жумушчубузду муунтуп, таш менен ура башташты, - дейт ал. Читать дальше...

Башкы прокуратура Бажы кызматынын Түндүк-Чыгыш бажы бөлүмүнүн кызматкерлерине карата Кылмыш-жаза кодексинин 303-304-315-беренелери (“Коррупция”, “Кызмат абалынан кыянаттык менен пайдалануу”, “Кызматтык жасалмалоо”) менен кылмыш ишин козгоду. Бул тууралуу башкы көзөмөл мекемесинен кабарлашты. Тергөө учурунда аныкталгандай, алар бажы жана бюджеттик мыйзамдарды дайыма бузуп келген. Тагыраагы - эки фирма менен сүйлөшүп алып, жасалма документтер аркылуу ташылып келинген товарларга бажы төлөмдөрүн жашырып келишкен. Читать дальше...

Таласта кечээ кечинде катуу шамал жүрдү. Өзгөчө кырдаалдар министрлигинин маалыматына караганда, 11-июлда саат 18:47 чамасында Кыргызстанга 50 жыл көчөсүндө бир турак үйдүн чатырын ылдамдыгы секундасына 15 метрге жеткен шамал учуруп, кооптуу абал жаралган. КР ӨКМнин 17-аскерлештирилген өрт-куткаруу бөлүмүнүн куткаруучулары жерине барып, турак үйдүн учкан чатырын жерге түшүрүп беришкен.

11-июлда саат 21:34тө Жалал-Абад облусунун аймагында күчү 3,5 баллга жеткен жер титирөө катталды. Өзгөчө кырдаалдар министрлиги кабарлагандай, жердин силкиниши Токтогул районунун Көк-Бел айылында 3,5, Токтогул шаары менен Торкент айылында 3, Кара-Көл шаарында 2,5 балл болуп сезилди. Жер титирөөдөн жабыркагандар жана кыйроолор катталган жок.