Новости за 12.07.2018

Түркия ушул аптада башкаруу системасын өзгөртүп, президенттик башкарууга өттү. Түрк президенти Режеп Тайып Эрдогандын ант берүү аземине Кыргызстандын президенти Сооронбай Жээнбеков катышты. Түркиянын жаңы системага өтүшү менен кыргыз-түрк мамилесинде эмне өзгөрүү болот? Буга чейин эки өлкө алакасынын солгундашына себеп болгон “Сапат” мектептери боюнча сүйлөшүүлөр жүрүүдөбү? Бул суроолорго Түркиянын Кыргызстандагы толук жана ыйгарым укуктуу элчиси Женгиз Камил Фырат жооп берди.

Президент Сооронбай Жээнбеков бүгүн бир күндүк иш сапары менен Талас облусуна барат. Президенттик аппараттын маалыматтык-саясат бөлүмү билдиргендей, сапардын жүрүшүндө Жээнбеков залкар жазуучу Чыңгыз Айтматов туулган Шекер айылына барып, «Чыңгыз Ордо» мемориалдык музей-комплексинин курулушу менен таанышат. Ошондой эле облустун жашоочулары менен жолугушуп, айыл чарба, социалдык тармактардагы долбоорлорду ишке ашыруу, аймактын транспорттук инфраструктурасын жакшыртуу иштерин көрөт.

Брюсселде 11-июлдагы саммиттин жыйынтыгында Түндүк Атлантикалык альянска мүчө 29 өлкөнүн лидерлери  биргелешкен декларация кабыл алышты. Анда Орусиянын Крымды аннексиялоо, Украина чыгышындагы абалды туруксуз кылуу, НАТО өлкөлөрүнүн чек арасына жакын аймактарга жаңы аскердик техника жайгаштыруу жана шайлоолорго кийлигишүү аракеттери аймактагы абалга терс таасир этип жатканы белгиленген. Ошондой эле НАТО өлкөлөрү "Солсберидеги ууландыруунун артында Орусия турат" деген Британиянын чечимин кубатташкан. Читать дальше...

Кыргызстанда сотторго элдин кайрылуулары ажырашуулардын эсебинен көбөйүп жатат. Бул тууралуу Конституциялык соттун мурдагы судьясы Клара Сооронкулова 11-июлда “Азаттыктын” “Ыңгайсыз суроолор” телеберүүсүндө сот реформасы талкууланган учурда билдирди. Анын пикиринде, ажырашкан түгөйлөрдүн саны өсүп жатканы сотторго түшкөн арыз-даттануулардын статистикасын көтөрүүдө:  - Жогорку соттун төрайымы Айнаш Токбаева ар дайым жылдан жылга кайрылуулар көбөйүп жатканын айтып, муну сотко болгон ишенимдин жогорулашы катары мүнөздөп жүрөт. Читать дальше...

Кыргызстанда сотторго элдин кайрылган учурлары ажырашкандардын эсебинен көбөйүп жатат. Бул тууралуу Конституциялык соттун мурдагы судьясы Клара Сооронкулова 11-июлда “Азаттыктын” “Ыңгайсыз суроолор” телеберүүсүндө сот реформасы талкууланган учурда билдирди. Анын пикиринде, ажырашкан түгөйлөрдүн көбөйүп жатканы сотторго түшкөн арыздардын статистикасын көтөрүүдө:  - Жогорку соттун төрайымы Айнаш Токбаева жылдан жылга кайрылгандар көбөйүп жатканын айтып, муну сотко болгон ишенимдин жогорулашы катары мүнөздөп жүрөт. Читать дальше...

Сокулук районунда он жаштагы секелектин зордукталганы боюнча кылмыш иши козголду. Шектүү кармала элек.  Чүй облустук ички иштер башкармалыгынын басма сөз катчысы Назира Имангазиева "Азаттыкка" билдиргендей, шектүүнү издөө иштери уланууда. - 10-июлда Сокулук райондук ички иштер бөлүмүндө бул факты катталып, Кылмыш кодексинин 130-беренеси ("Сексуалдык мүнөздөгү зомбулук аракети") менен кылмыш иши козголду. Соттук-медициналык экспертизалар дайындалды. Милиция тарабынан ыкчам издөө иштери, кылмыштын бетин ачуу аракеттери жүргүзүлүп жатат. Читать дальше...

Бишкектин Фучик көчөсүндөгү №1 оорукананын жанына салынган бейтапкана быйыл сентябрда пайдаланууга берилет. Түркиянын Кыргызстандагы элчиси Женгиз Камил Фырат “Азаттыкка” билдиргендей, имараттын ачылышы быйыл 2-сентябрда түрк президенти Режеп Тайып Эрдогандын Кыргызстанга сапары маалында болоору күтүлүп жатат. 150 кишиге ылайыкташкан оорукананын курулушуна Түркия бийлиги акча бөлгөн. Курулуш иштери 2016-жылдын июлунда башталган. (NT/BkA)

Кытай соту "мамлекеттик бийликти бөлүп-жарган, беделине доо кетирген" деген айыптын негизинде диссидент Цинь Юнминди 13 жылга эркинен ажыратты.  Укук коргоочулар сот чечими адилетсиз болгонун айтууда. Актоочу тарап өкүмдүн үстүнөн даттана турганын билдирди.  Кытайлык маалымат каражаттары жазып чыккандай, мамлекеттик айыптоочулар далил катары Цинь Юнминдин демократия тууралуу жазууларын колдонгон. Анда укук коргоочу Кытай кол койгон БУУнун конвенцияларына ылайык жарандык укуктар үчүн күрөшүүгө элди чакырган. Читать дальше...

Орусияда өтүп жаткан Футбол боюнча дүйнө чемпиондугунда Хорватия курама командасы Англияны 2:1 эсебинде жеңип, финалга чыкты.  Эки команданын оюндары Москва шаарындагы "Лужники" стадионунда 12-июлга караган түнү өттү. Беттештин бешинчи мүнөтүндө Англия курамасынын коргоочусу Киран Триппьер топту атаандашынын дарбазасына киргизип, эсеп 1:0 болду. 68-мүнөттө Хорватиянын коргоочусу Иван Перишич бул эсепти теңеди. Хорватиялыктарга жеңишти алып келген голду кошумча берилген 109-мүнөттө чабуулчу Марио Манджукич киргизди. Читать дальше...