Новости за 01.08.2018

Жарандык активист жана укук коргоочу Өндүрүш Токтонасыров “Азаттыктын” иликтөөчү журналисти, маркум Уланбек Эгизбаевдин өлүмүнүн себептерин иликтеш үчүн көчмө топ түзүүнү талап кылды. Ал мындай талап менен бүгүн, 1-августта Өкмөт үйүнүн имаратынын алдына нааразылык акциясына чыкты.  - ИИМдин "сууга чөктү" деген маалыматына чектелип отуруп калган болбойт. Өлүмдүн себептерин аныктай турган, жарандык коомдун өкүлдөрү кошулган күчтүү өкмөттүк комиссия же көчмө топ түзүүнү талап кылам. Мындан сырткары, ошол трагедия болгон пансионат жабылсын. Читать дальше...

Жарандык активист жана укук коргоочу Өндүрүш Токтонасыров “Азаттыктын” иликтөөчү журналисти, маркум Уланбек Эгизбаевдин өлүмүнүн себептерин иликтеш үчүн көчмө топ түзүүнү талап кылды. Ал мындай талап менен бүгүн, 1-августта Өкмөт үйүнүн имаратынын алдына нааразылык акциясына чыкты.  - ИИМдин "сууга чөктү" деген маалыматына чектелип отуруп калган болбойт. Өлүмдүн себептерин аныктай турган, жарандык коомдун өкүлдөрү кошулган күчтүү өкмөттүк комиссия же көчмө топ түзүүнү талап кылам. Мындан сырткары, ошол трагедия болгон пансионат жабылсын. Читать дальше...

Ооганстанда кийинки президенттик шайлоо 2019-жылдын 20-апрелинде өтө турган болду. Өлкөнүн Көз каранды эмес шайлоо комиссиясы мындай чечимин шаршемби күнү жарыялады. Талапкерлерди каттоо ноябрь айынан кийин гана башталат. Комиссиянын басма сөз катчысы Хафизулла Хашеми шайлоо алдында коопсуздукту камсыз кылуу жана каржы маселеси кыйынчылык жаратып жатканын айтты. БУУнун Ооганстандагы миссиясы президенттик шайлоонун датасы такталганын кубаттап, бардык саясий топторду шайлоонун ишенимдүүлүгүн арттырууга кол кабыш кылууга чакырды. Читать дальше...

Орусиянын Тергөө комитети Борбордук Африка Республикасында орусиялык үч журналисттин өлтүрүлүшүнө байланыштуу кылмыш ишин козгоду. Журналист Орхан Жемалдын, режиссер Александр Расторгуевдин жана оператор Кирилл Радченконун өлүмү боюнча "Киши өлтүрүү" беренеси менен иш ачылганын комитеттин басма сөз кызматы шейшембинин кечинде кабарлады. Чыгармачыл топ эки күн мурда Бамбари шаарына баратканда ортодогу Сибю шаарынан анча алыс эмес жерде буктурмага кабылганы кабарланууда. Кол салуудан автоуунанын айдоочусу аман калган. Читать дальше...

30-июлда Москвада курулуш объектилеринин биринде Кыргызстан менен Өзбекстандын жарандарынын ортосунда мушташ чыгып, бир кыргызстандык каза болгон.

"Фейсбук" компаниясы АКШдагы конгрессмендерди шайлоого жүз күндөн аз убакыт калганда социалдык тармакта "саясий таасир этүү өнөктүгүн" жүргүзгөн 32 жалган баракчаны (аккаунт) аныктаганын билдирди. Компания 31-июлдагы билдирүүсүндө бул баракчаларды түздөн-түз Орусияга байланыштарган жок. Бирок жалган аккаунттар колдонгон ыкмалар орус тараптан шектенүүгө негиз берерин белгиледи. "Фейсбук" жана "Инстаграмдагы" бул аккаунттар өчүрүлдү. Алардын кеминде бирөөнүн 300 миңдей окурманы болгон. Ал баракчалар... Читать дальше...

"Жети жаштагы кызды зордуктоого аракет кылган" деп айыпталып, 20 жылга абакка кесилген айыпкердин жакындары "Азаттыкка" кайрылып, соттун чечимине нааразылыгын билдирип жатышат.

Беларустар Даниил Урицкий, кыргыздар Данияр Үсөнов деп тааныган адам 2016-жылы беларус жарандыгын алганы белгилүү болду. Беларустун Башкы прокуратурасы 2010-жылы өлкөдөн качкан мурдагы премьер-министр Данияр Үсөновду өткөрүп берүү жөнүндө Кыргызстандын өтүнүчүн аткаруудан эки ирет баш тарткан. Беларус медиасы 27-июлда Кыргызстандын мурдагы премьер-министри, издөөдө жүргөн Данияр Үсөновго коёндой окшош кишинин сүрөттөрүн жарыялаган. Сүрөттөр “Беларус улуттук биотехнология корпорациясы” (БНБК) жабык... Читать дальше...

Япониялык дзюдочу буга чейин Кыргызстанга келип кеткендиги жана ушул жылдын август айынан тарта ишке кире тургандыгын айткан.

Ооганстандын Жаузжан провинциясында өздөрүн "Ислам мамлекети" деп атаган экстремисттик топтун кеминде 200 согушкери армияга багынып берди. Бул тууралуу провинциянын полиция башчысы Факир Мухаммад Жаузжани 1-августта билдирди. Жоочулардын багынып беришине аталган провинцияда "Ислам мамлекети" тобу менен "Талибан" кыймылынын ортосунда бир айдан бери уланып жаткан кармаш себеп болду. 31-июлда эки атаандаш топтун ортосунда жаңы куралдуу кагылышуу болгон. Жаузжан провинциясындагы Дарзаб районун полиция... Читать дальше...

Улан Эгизбаев чындыкты мен үчүн, сиз үчүн, бардыгыбыз үчүн айтты. Чындыкты угуу жеңил, айтуу абдан оор, татаал. Чындыкты айтуу – инсандык эрдик!

“Ата Мекен” партиясынын абактан ооруканага которулган лидери Өмүрбек Текебаевдин абалы канааттандырарлык. Бул тууралуу “Азаттыкка” Мирсаид Миррахимов атындагы улуттук кардиология борборунун башкы дарыгери Жамиля Иманакунова билдирди. Анын айтымында, саясатчынын саламаттыгын текшерүү уланып жатат. Өмүрбек Текебаев Мирсаид Миррахимов атындагы улуттук кардиология борборуна 31-июлда которулганын Жаза аткаруу мамлекеттик кызматы бүгүн, 1-августта кабарлаган. "Мегаком" чырына байланыштуу коррупция боюнча айыпталып... Читать дальше...

"Коопсуз шаар" долбоору боюнча сынакка кайсы компаниялар катышканы 10-августта гана белгилүү болот. Бул тууралуу “Маалыматтык технологиялар жана байланыш комитетинин төрагасы Бакыт Шаршембиев "Азаттыкка" билдирди. Анын айтымында, 3-4 компания долбоорго катышкысы келерин билдиришкен. - Бул онлайн сынак. Каалоочулар 10-августка чейин каттоодон өтөт, бирок биз аны көрө албайбыз. Ошол күнү гана ачабыз. Азыр ага катышууга кызыккан үч-төрт компания бар. Бакыт Шаршембиевдин айтымында, өкмөт бул жолу... Читать дальше...

Үй-бүлө зомбулугуна каршы иш алып барган жана чыр-чатактын алдын алуу багытында иштеген адистер атайын окуудан өтүп жатат. Бул тууралуу "Эркектер зомбулукка каршы" уюмунун жетекчиси Марат Алиаскаров “Азаттыкка”  билдирди: - Тренингди Германиядагы кризистик борборлордун кызматкерлери уюштуруп жатат. Батыш өлкөлөрүндө бул өлкө үй-булө зомбулугунун алдын алуу жаатында натыйжалуу иштерди көрсөтүп жатат. Биз мында сот, милиция кызматкерлерин жана укук коргоочуларды топтодук. Анткени алардын аракети менен гана маселени чечсе болот. Читать дальше...

Бишкек шаардык кеңешиндеги "Өнүгүү-Прогресс" фракциясында мандат талаш чыкты. Борбордук шайлоо комиссиясы (БШК) 31-июлда бул партиядан депутаттыкка талапкер болгон Эдик Досиевдин арызын үчүнчү жолу карап, орток пикирге келе алган жок. Бишкек шаардык кеңешиндеги 2016-жылкы шайлоодо "Өнүгүү-Прогресс" фракциясына сегиз мандат тийген. Фракциянын депутаты Аликбай Сариев Жогорку Кеңештин мурунку депутаты Карганбек Самаков менен чогуу соттолгондон кийин анын ыйгарым укугу мөөнөтүнөн мурда токтотулуп, орду бош калган эле. Читать дальше...

Ооруканада “Ата Мекен” партиясынын лидери Өмүрбек Текебаевге үй-бүлөсү, балдары менен жолугууга "эрежелер туура келбейт" деген негизде уруксат берилген жок. Бул тууралуу “Азаттыкка” саясатчынын жубайы Айгүл Текебаева билдирди. Анын айтымында, партия лидери менен адвокаттар жолугуп чыгышты. Учурда “Ата Мекен” фракциясынын депутаттары жолугууга уруксат алууга аракет кылып жатышат. Жаза аткаруу мамлекеттик кызматы Өмүрбек Текебаев 31-июлда Мирсаид Миррахимов атындагы улуттук кардиология борборуна которулганын билдирген. Читать дальше...

“Ата Мекен” партиясынын камактагы лидери, мурдагы депутат Өмүрбек Текебаев 31-июлда Мирсаид Миррахимов атындагы улуттук кардиология борборуна которулду.

Экономикалык кылмыштарга каршы күрөш боюнча мамлекеттик кызмат (Финансы полициясы) 3 млн.700 миң сомдон көп суммадагы салыктарды төлөөдөн качуу фактысы аныкталганын кабарлады. Маалыматка караганда, К.С. атуу жеке ишкер 2017-жылдан тартып ЕАЭБ өлкөлөрүнөн товарларды ташып кирүү боюнча ишкерлик кылып келгени аныкталган, бирок салык төлөбөй келген. Бул факты боюнча Кылмыш-жаза кодексинин 212-беренесинде (“Жеке ишкердин салыктарды жана милдеттүү камсыздандыруу төгүмдөрүн төлөөдөн качышы”) каралган... Читать дальше...

Тажик өкмөтү жекшембидеги төрт туристтин өмүрүн алган кол салуу боюнча өлкөдө тыюу салынган "Ислам кайра жаралуу партиясын" күнөөлөдү. Бирок партиянын бозгундагы лидери мындай айыптоону четке кагып, бийлик чыныгы күнөөлүүлөрдү көз жаздымда калтырып жатканын айтты. Андан мурда "Ислам мамлекети" радикал тобу бул кол салууга жоопкерчилик алган болчу.

Бишкек Жылуулук электр борборундагы (ЖЭБ) коррупциялык иштерге байланыштуу айыпталып, Улуттук коопсуздук боюнча мамлекеттик комитеттин (УКМК) тергөө абагына камакка алынган мурдагы премьер-министр Жантөрө Сатыбалдиевдин жана анын жакындарынын мүлкү камакка алынды. Бул маалыматты бүгүн, 1-августта УКМКнын басма сөз кызматы “Азаттыкка” ырастады. Буга чейин жергиликтүү маалымат каражаттар Сатыбалдиев жана анын үй-бүлөсүнө тиешелүү делген мүлктөрдүн тизмесин чыгарган. Алардын катарында бир нече жеңил жана жүк ташуучу автоунаа... Читать дальше...

Беларустун Башкы прокуратурасы 2010-жылы өлкөдөн качкан мурдагы премьер-министр Данияр Үсөновду өткөрүп берүү жөнүндө Кыргызстандын өтүнүчүн аткаруудан эки ирет баш тарткан. Беларустар Даниил Урицкий, кыргыздар Данияр Үсөнов деп тааныган адам 2016-жылы беларус жарандыгын алганы белгилүү болду.

“Ата Мекен” партиясынын камактагы лидери Өмүрбек Текебаев 31-июлда Мирсаид Миррахимов атындагы улуттук кардиология борборуна которулду. Бул тууралуу Жаза аткаруу кызматынын маалымат катчысы Элеонора Сабатарова бүгүн, 1-августта “Азаттык” радиосуна кабарлады. Текебаев ооруканага дарыгерлердин сунушу менен которулган. - Текебаев өзүн жаман сезип, саламаттыгы оорлоп кеткени үчүн эмес дарыгерлердин сунушу менен которулду. 31-июлдан тартып текшерүүлөр башталды. Ошонун негизинде дарылануусун улантат. Читать дальше...

Быйыл жарым жылда кыргыз бийлиги чет элдик эки миңдей адамга жарандык берди. Былтыр беш миңге жакын киши жарандык алган.

Мелдешке КМШ менен ШКУ мамлекеттеринин спортчулары катышат.

Москва аймагындагы курулуштардын бириндеги калайман мушташтан каза болгон кыргызстандыктын сөөгү 31-июлда мекенине жөнөтүлдү. Бул тууралуу Орусиядагы кыргыз жамааттарынын өкүлү Раимкул Аттокуров “Азаттыкка” маалымдады. - Маркум Оштун Кара-Кулжа районунун Ылай-Талаа айлынын кулуну болгон. Бул жерде ден соолугуна байланыштуу эмес, мушташтан каза болуп жаткандыктан тергөө иштери жүргүзүлдү. Уруксат кагаздарын алууга, акча жагынан жардам берип, мекенге жөнөттүк.  Аттокуровдун айтымында, маркум 19 жашта болгон. Читать дальше...