Новости за 21.08.2018

Өзбекстандын премьер-министри Абдулла Арипов жол кырсыгына кабылганы кабарланды. Бул тууралуу “Азаттыктын” өзбек кызматы Ички иштер министрлигиндеги булактарына таянып жазып чыкты. Маалыматка караганда, кырсык 20-августта эртең менен Ташкент-Бекабад жолунда болгон. Анда өзбек премьери түшкөн “Мерседес” унаасы “Дамас” үлгүсүндөгү унаа менен сүзүшкөн. Кырсыктан Абдулла Арипов жеңил жараат алганы, өмүрүнө коркунуч туулбаганы кабарланды. Ал эми экинчи автоунаадагы айдоочу жана жүргүнчүлөр жөнүндө так маалымат жок. Читать дальше...

Москва шаардык соту "атасын өлтүрдү" деп шек саналып жаткан бир тууган Хачатуряндарды камакта калтырды. Кыздардын адвокаты кылмышка шектүүлөрдү үй камагына которууну өтүнгөн. Жараяндын жүрүшүндө прокуратуранын өкүлү кылмыш ишине каза болгон Михаил Хачатуряндын кыздарына жыныстык ыдык көрсөткөнү тууралуу жаңы маалыматтар киргизилгенин билдирди. Эже-сиңдилердин адвокаты Алексей Паршиндин айтымында, маркум Хачатуряндын бул кылыгын тергөө азырынча "аморалдык аракет" деп баалап жатат. 57 жаштагы москвалык... Читать дальше...

Чеченстандын борбору Грозныйда полицияга кол салганы кабарланган эки өспүрүм өлтүрүлдү. Алар жол кайгуул кызматкерин машине менен сүзүп, кол салууга аракет кылган. Күч кызматкерине кол салган дагы эки адам Шали районунда жок кылынды. Өлкөнүн Ички иштер министрлиги аларды жоочулар деп атады. “Интерфакс” агенттигинин маалыматына караганда, кылмышкерлер менен атышуудан бир полиция кызматкери окко учуп, үчөө жарадар болгон.  Дүйшөмбүдө Чеченстанда дээрлик бир маалда полицияга бир нече куралдуу кол салуу болду. Читать дальше...

Чехиялык кинематографисттер 21-августтан тартып Орусияда абактагы украиналык режиссер Олег Сенцовго тилектештик иретинде ачкачылык жарыялай башташат. Бул тууралуу чех маалымат каражаттарына акциянын демилгечилеринин бири, документалист Вит Янечек билдирген. Чех киночулар буга чейин өлкө парламентине кайрылып, Сенцовду колдогон чечим кабыл алып, орус бийлигине каршы кайрылуу жиберүүнү суранышкан.  20 жылга эркинен ажыратылган Сенцов 14-майдан бери ачкачылык кармап жатат. Украиналык кинорежиссер 2014-жылы май айында Крымда кармалган. Читать дальше...

Орусиянын Сахалин облусунун Поронайcк шаарында чатыры урап түшкөн имараттын алдында калган эки кыргызстандыктын тек-жайы аныкталды. Бул тууралуу “Азаттыкка” Сахалиндеги кыргыз диаспорасынын башчысы Эшим Төлбаев билдирди. Анын айтымында, каза болгон жарандар 22-23 жаштагы Өзгөн районун тургундары болгон. Маркумдардын туугандарына кабар берилди. Алардын сөөгү 21-августта соттук экспертизадан өткөрүлөт. Андан соң Кыргызстанга жөнөтүлмөкчү. Учурда алардын сөөгүн жөнөтүү боюнча кыргыз диаспорасы каражат чогултуп жатат. Читать дальше...

Июль айында республикалык бюджеттин кирешеси 9 миллиард 479 миллион сомду түздү. Бул тууралуу Финансы министрлиги кабарлады. Маалыматка ылайык, бул сан былтыркы жылдын ушул мезгилине салыштырмалуу көбөйгөн. Бирок быйылкы жылдын июнь айына караганда аз киреше түшкөн. Июнда бюджетке 10 млрд. 334 миллион сом киреше түшкөн эле. Июль айында салык кирешелери баштапкы маалымат боюнча 7 млрд. 891,7 миллион сомду түзүп, былтыркыга караганда 8 пайызга арбыса, бажылык кирешелер 3 миллиард 286 миллион сомду түздү. Читать дальше...

Жогорку Кеңештеги “Ата Мекен” фракциясы акыйкатчылык кызматка талапкер катары Канатбек Азизди сунуш кылды. Бул тууралуу “Азаттыкка” фракциянын лидери Алмамбет Шыкмаматов билдирди. Анын айтымында, парламент жайкы каникулдан келген соң дароо акыйкатчыны шайлоо маселесин карашы керек. Мыйзам боюнча бир ай ичинде акыйкатчы шайланышы керек экенин эске салган Шыкмаматов эки айдан бери бул кызмат бош турганын белгиледи. 34 жаштагы Канатбек Азиз “Ата Мекен” фракциясынын катчылыгында эмгектенет.  Буга... Читать дальше...

Бишкек мэриясы 100 миң сомго сатып алынчу кыргызча-орусча сөздүк боюнча түшүндүрмө берди. Мэриянын аппарат жетекчиси Балбак Түлөбаевдин "Фейсбуктагы" баракчасына жазганы боюнча, бул сөздүктөр кыргыз тилин өнүктүрүү борборуна сатып алынат. Андан соң райондордогу акимияттарга таратылып, документтерди толтуруу жана башка иштерге колдонулат. Түлөбаев сөздүктөр мамлекеттик сатып алуу боюнча мыйзамга жооп берерин кошумчалады. Буга чейин социалдык тармактарда мэриянын сөздүктөрдү сатып алышы боюнча талкуулар чыккан. Читать дальше...

Мындан 50 жыл мурдагы советтик зулумдукка каршы чехтер чыгарган саясий анекдоттор жөнүндө учкай сөз.

"Мегаком" соода маркасы менен белгилүү "Альфа Телеком" компаниясынын баасын аныктоо боюнча жаңы тендер жарыялана элек. Бул тууралуу Мамлекеттик мүлк фонду кабарлады. 7-августта аталган фонд буга чейинки тандоо боюнча тендерди токтоткон. Буга мамлекеттик мүлктү менчиктештирүү боюнча 2018-2020-жылдарга карата мамлекеттик программанын бекитилбегени себеп болгон. Бул программа бекитилген соң “Мегакомду” баалоо боюнча тендер жарыяланып, андан соң сатыкка чыгарылат. Кыргыз өкмөтү "Альфа Телеком" компаниясын алгач 2015-жылы сатыкка чыгарган. Читать дальше...