Новости за 29.08.2018

Акыйкатчы институтунун кызматкерлери Улуттук коопсуздук боюнча мамлекеттик комитеттин (УКМК) тергөө абагында отурган мурдагы өкмөт башчы Жантөрө Сатыбалдиев менен жолугушуп чыгышты. Бул тууралуу мекеменин басма сөз кызматы маалымдады. Сатыбалдиев буга чейин да учурашып чыккан Акыйкатчы аппаратынын кызматкерлерине жүрөгүн текшерүү керек экенин айткан. Анын айтымында, 2013-жылы жүрөгүнө байланыштуу операция жасалып, дарыгерлер ден соолугун маал-маалы менен текшертип турууну сунуш кылышкан. Сатыбалдиев түнкүсүн уктай албай жатканын да билдирген.

Ушул айдын башында АКШнын Пенсильвания штатында католик чиркөөсүндөгү жыныстык зомбулук боюнча атайын иликтөөнүн жыйынтыгы жарыяланды. Ага ылайык Пенсильвания штатындагы католик чиркөөлөрүндө 70 жылдын ичинде 300дөн ашык католик диниятчысы миңдеген балдарга жыныстык ыдык көрсөткөн же зордуктаган.

Кандуу окуя өлкөнүн батышындагы Анбар провинциясында болду. Жергиликтүү бийлик өкүлдөрү билдиришкендей, жардыруучу затка шыкалган жана жанкечти айдаган автоунаа ал-Каим деген шаарчада коопсуздук күчтөрүнүн көзөмөл бекетин сүзгөндөн кийинки жардыруудан кеминде 11 адам өлүп, 16 киши жарадар болду.  Кол салуу үчүн азырынча эч ким жоопкерчилик ала элек.  Ал-Каим - баш калаа Багдаддан 340 чакырым, Сириянын чек арасынан 20 чакырымдай жерде жайгашкан жана Ирактын өкмөттүк күчтөрү былтыр “Ислам мамлекети” тобунан бошоткон акыркы шаарчалардын бири. Читать дальше...

Ирандын чалгын министри Махмуд Алави 28-августта мамлекеттик телеканалда сүйлөп жатып өлкөдө “ондогон тыңчылар” камакка алынганын жарыялады. Анын айтымында, “ондогон тыңчылар” коопсуздук күчтөрү Ирандын мамлекеттик органдарындагы тыңчыларды жана кош жарандыгы бар кишилерди аныктап жатканда камакка алды.  “Биздин душмандар биздин өлкөдөн каржылык жана башка амалдар аркылуу маалымат алууга аракеттенишет”,- деди Алави өз сөзүндө.  Ал кармалган адамдар качан камалганын же алар кайсыл өлкөнүн пайдасына тыңчылык кылганын айткан жок... Читать дальше...

Токмок шаарында "бир кишини бычактады" деп шек саналып жаткан, 1988-жылы туулган Т.Ж. аттуу жаранды издөө иштери жүрүп жатат. Бул тууралуу Чүй облустук ички иштер башкармалыгы кабарлады.   26-август күнү Токмок шаарынын мал базарынан Ж.Т. аттуу жаран бычакталып, ооруканага түшкөн. Бул факт боюнча Кылмыш-жаза кодексинин 27-97-беренеси ("Адамдын өмүрүнө кол салуу") менен иш козголгон. Буга чейин жергиликтүү массалык маалымат каражаттары кылмышка шектүү Токмок шаарынын кеңешинин депутаты экенин жазышкан. Читать дальше...

Түркиянын доллар менен деноминацияланган бонддорунун же өкмөттүк кагаздарынын наркы шаршемби күнү өткөн соодада кеминде 1% төмөндөдү. Мунун алдында "Moody" эл аралык рейтинг агенттиги Түркиянын 20 каржылык институтунун насыя рейтингдерин төмөндөткөн эле. Буга тушташ "Reuters" агенттиги кабарлагандай, Түркиянын экономикалык ишеним көрсөткүчү 9% ылдыйлап, 83,9 пунктка түштү. Бул 2009-жылдан берки эң төмөнкү көрсөткүч. Шаршемби күнү эртең мененки соодада Түркиянын улуттук акчасы лира да кайрадан арзандап, бир доллар 6,4 лирага бааланды. Читать дальше...

Улуттук коопсуздук боюнча мамлекеттик комитеттин (УКМК) тергөө абагында отурган Бишкектин мурдагы мэри Кубанычбек Кулматовдун адвокаты Сергей Слесарев президент Сооронбай Жээнбековго ачык кат менен кайрылды. Бул тууралуу Слесарев өзү “Азаттыкка” кабарлады. Слесарев өз кайрылуусунда узак жылдардан бери жактоочу болуп иштеп жүрүп, Кулматовдун ишине байланыштуу соттук отурумдарда, териштирүү иштеринде мынча процессуалдык жана башка мыйзам бузуу фактыларына алгачкы жолу туш болуп жатканын белгилеген. Читать дальше...

Оор турмушка карабай билимин тереңдетип, эми чет өлкөдөгү иш-чараларга аралашып, эл аралык уюмдардын грантына ээ болгон Айчүрөк Сулайманова, Калыс Умаров, Элистина Мыктыбек кызы жана алардын насаатчысы, Балдар укугун коргоо борборунун долбоор жетекчиси Айнура Эмирканова менен Сабыр Абдумомунов маектешкен.

Бириккен Улуттар Уюмунун (БУУ) атайын чабарманы Стефан де Мистура Женевага, 14-сентябрда өткөргөнү жаткан жыйынга Британиянын, Египеттин, Франциянын, Германиянын, Иорданиянын, Сауд Арабиясынын, АКШнын өкүлдөрү чакырылууда. Анда Сириянын жаңы Конституциясынын долбоорун даярдоо маселеси талкууланарын БУУнун басма сөз өкүлү Алессандра Беллучи билдирди. Расмий маалыматка караганда, Улуттар Уюму Сирия үчүн конституциялык комитет түзүү ишин тездетүүнү көздөп жатат.  БУУнун атайын чабарманына расмий Дамаск да... Читать дальше...

Кыргызстандын эгемендүүлүк күнүнө карата Бишкекте көк бөрү боюнча президенттин кубогу өтүп жатат. Бул мелдеште тай казандан секирип өтүп атаандашы ыргыткан улакты тээп чыгарган аттын видеосу көпчүлүктү таң калтырды.

Акыйкатчы институтунун кызматкерлери бул мекеменин башчылыгына талапкер катары Урмат Аралбаевди көрсөтүүнү парламенттеги алты фракцияга сунуш кылышты. Бул тууралуу мекеменин басма сөз кызматы кабарлады. Акыйткатчы институтунун юридикалык бөлүмүнүн башчысы Урмат Аралбаевдин талапкерлигин жалпы жыйында бардык кызматкерлер колдошкон. 37 жаштагы Урмат Аралбаев акыйкатчы институтунда 2003-жылдан бери иштейт. Жогорку билимдүү, юридикалык илимдеринин талапкери. Буга чейин Жогорку Кеңештеги “Ата Мекен”... Читать дальше...

Кыргызстандык дзюдочу Артур Те ушул күндөрү Индонезияда өтүп жаткан Жайкы Азия оюндарында коло байге үчүн күрөшөт. Мелдештин расмий сайтындагы маалыматка таянсак, 66 килограммга чейинки салмакта татамиге чыккан Артур Те алгачкы беттешинде ирактык Аль Саеди Мохаммад Саттар Жебурду 1:0 эсебинде жеңди. Чейрек финалда жапониялык Жоширо Маруямага жеңилди. Жапон спортчусу финалдык таймашка чыккандыктан, кыргыз дзюдочусуна жооткотуучу таймашка чыгууга шарт түзүлдү. Бул беттеште Артур монголиялык Баттогтох Эрхембаярды 10:0 эсебинде утуп... Читать дальше...

Эки күн мурда тажик-ооган чек арасында куралдуу кагылышуу болуп, тажик куралдуу күчтөрү "Талибан" кыймылынын бир нече мүчөсүн жок кылышты. Ал арада Кыргызстандын коопсуздук кызматы "Ислам мамлекетинин" туусуна окшош байракты көтөрүп жүргөн топту кармады.

Ислам Каримов өлгөндөн кийин эки жылдан соң мурдагы президенттик резиденция музей катары ачылды. Азырынча анын негизги экспонаттары - өлкөнү чейрек кылым найзанын учу, кылычтын мизи менен башкарган мурдагы президентти даңазалаган сүрөттөр.

Таласта ар бири эки миң сомдон ашык бааланып Польшадан алынып келген, ийне жалбырактуу дарактын түрүнө кирген эки миң туя четинен куурай баштады. Ондон ашыгы буга чейин уурдалып да кеткен. Ушундан улам жергиликтүү активисттер шаарды жашылдандыруу иштерине жергиликтүү бийлик да, эл да кайдыгер мамиле кылып жатканын айтып чыгышты.

"Демократия жана жарандык коом үчүн" коалициясы өлкөдөгү чакан жана орто ишкерликтин абалын, ишкерликти мамлекеттик органдардын текшерүүсүнө мораторий киргизүүгө карата жарандардын пикирин билиш үчүн жүргүзүлгөн кенен изилдөөсүн жарыялады. Сурамжылоого катышкандардын 40,2% "өлкөдө чакан жана орто ишкерликтин өнүгүү тенденциясы бар" деп, ал эми 34,1% "төмөндөп жатат" деп жооп берген. Жарандардын 68,8% өз ишин ачуу тилеги бар экенин билдирген. Ишкердикти баштагысы келгендер соода (47,6%) жана айыл чарба (22,6%) тармагын белгилешкен. Читать дальше...

31-августта эгемендиктин 27 жылдыгын майрамдоого Бишкек шаарынын борбордук аянтына өлкөнүн экс-президенттери Роза Отунбаева, Алмазбек Атамбаев, эл өкүлдөрү, өкмөт мүчөлөрү жана дипломатиялык корпустун өкүлдөрү чакырылат. Бул тууралуу президенттин басма сөз кызматы кабарлады. Президент Сооронбай Жээнбеков кыргызстандыктарды өлкөнүн эгемендүүлүк күнү менен Бишкек шаарынын Ала-Тоо аянтында куттуктайт. Ошондой эле иш-чарага Жогорку Кеңештин төрагасы Дастан Жумабеков, премьер-министр Мухаммедкалый Абылгазиев... Читать дальше...

Билим берүү жана илим министрлигинин өкүлү Гүлшан Абдылдаеванын маалыматына караганда, быйылкы окуу жылында 2117 бала мектепке барууга катталган эмес. Алардын ичинен 300дөн ашыгы ден соолугуна байланыштуу мектепке бара албайт, ал эми 866 бала медреселерде, мечиттерде, чикрөөлөрдө тарбияланып жатат. Бул тууралуу 28-августта Булан институту өткөргөн жыйында белгилүү болду. Институттун байкоосунда, акыркы убакта ата-энелер диний ишенимден улам баласын мектепке жибербей жаткан учурлар катталып жатат. Читать дальше...

Бишкекте мектеп жашындагы балдардын билим алуу укугун толук камсыз кылуу боюнча кырдаал талкууланып жатат. Булан институту диний ишенимден улам балдарын мектепке жибербей, үйдө кармаган ата-энелердин жоопкерчилиги тууралуу маселе көтөрүүдө. Билим берүү министрлиги быйылкы окуу жылында республика боюнча эки миңден ашык бала мектепке тартылбай калганы аныкталып, учурда анын себептери иликтенип жатканын билдирди. Талкууга расмий өкүлдөр, мугалимдер, дин аалымдары катышты.

29-августта Жогорку сот мурдагы премьер-министр Сапар Исаковдун адвокаты Нурбек Токтакуновдун анын бөгөт чарасын өзгөртүү өтүнүчү менен жазылган арызын канааттандырган жок. Бул тууралуу Исаков жактоочусу Нурбек Токтакунов кабарлады.  Биринчи май райондук соту 31-июлда тергөөнүн өтүнүчү менен анын абактагы мөөнөтүн 5-октябрга чейин узарткан эле. Адвокат "Сапар Исаковду камакка алуу мыйзамсыз болгон" деп, анын абактагы мөөнөтүн өзгөртүү тууралуу кассациялык арыз менен шаардык сотко даттанган. Бишкек... Читать дальше...

28-августта өткөн өкмөттүн кезектеги жыйынында премьер-министр Мухаммедкалый Абылгазиев Бириккен Улуттар Уюмунун мүмкүнчүлүгү чектелген жарандардын укуктары жөнүндө Конвенциясын ратификациялоого даярдыктарды тездетүү керек экенин белгиледи. Бул тууралуу өкмөттүн басма сөз кызматы маалымдады. Жыйында ушу тапта Кыргызстанда 180 миң майып бар экени белгилүү болду. Анын 30 миңи балдар. Биринчи топтогу майыптардын жалпы саны 5,5 миңден ашат, алардын 4700дөн көбү тубаса, 800дөйү түрдүү кырсыктан улам тагдырдын оор сыноосун баштан кечирип жатышат. Читать дальше...

Ош шаарында кубаттуулугу 2 мегаватт (МВт) болгон чакан гидроэлектростанция курулат. Бул тууралуу “Азаттыкка” объектти курууну пландап жаткан “Ак-Буура групп” компаниясынын директору Дүйшөнбек Муратов билдирди. Анын айтымында, ГЭС Ак-Буура дарыясынан бөлүнүп чыккан Увам каналына, Ош шаарына караштуу Жапалак айыл аймагынын Озгур айылынын тушуна түшөт. Учурда анын уруксат документтерин бүткөрүү иштери жүрүп жатат.   28-августта Ош шаардык кеңешинин кезектеги сессиясында аталган ГЭСти курууга макулдук берген токтом кабыл алынды. Читать дальше...

Мангала — түрк элинин улуттук интеллектуалдык оюну. Эрежелери кыргыздардын тогуз корголуна окшоп кетет. Оюн тактасында эки катарга тизилген алты окшош үйчө (чуңкур), баары биригип 12 кичинекей үйчө жайгашкан. Ошондой эле уткан таштарды чогулта турган казынасы (топтоочу чуңкур) болот.

Бир нече күндөн кийин гана өлкөгө киргизилген африкалык мигранттар Ливияда контрабандисттердин колунда эки жылдай туткунда жатканын айтып чыгышты. БУУнун миграциялык комитетинин кабарлашынча көпчүлүк бозгундар кыйноого жана сексуалдык зомбулукка кабылган. Бул тууралуу “Reuters” агенттиги жазды. Августтун ортосунда Италиянын жээгинде 150 мигрант куткарылган. Бирок алар 10 күндөн кийин мигранттарды кабыл алууга Католик чиркөөсүнүн жетекчилиги жана Албания менен Ирландиянын бийликтери макулдук бергенде гана өлкөгө киргизилген. Читать дальше...

Ысык-Көлдүн балык чарба категориясындагы үч участогу химиялык жактан булганыч экени аныкталды. Бул тууралуу өкмөткө караштуу Айлана-чөйрөнү коргоо жана токой чарба мамлекеттик агенттигинин маалымат катчысы Бактыбек Рысалиев билдирди. Лабораториядан чыккан баштапкы маалыматтарга ылайык, Чолпон-Ата шаарындагы Түп булуңундагы сууда мунай продуктулары уруксат берилген нормадан 1,6 эсе, ал эми “Алтын кум” (“Золотые пески”) пансионатынын жээгиндеги сууда мунай продуктулары 4,4 эсе ашыкча экендиги такталды. Читать дальше...