Новости за 07.09.2018

Түркстан облусундагы Фирдауси айылындагы мектептин жоолугун чечүүдөн баш тарткан 13 окуучусунун ата-энеси беш минималдык эсептөө көрсөткүчтүн эсебинде айыпка жыгылганын “Эркин Европа/Азаттык” радиосунун казак кызматына ошол мектептин директору Жанар Мамырова кабарлады. Бир минималдык эсептөө көрсөткүчү Казакстанда 2405 теңгеге барабар. Жоолугун чечүүдөн баш тарткан дагы жети окуучу кыздын ата-энеси айыл мектебинен балдарынын документтерин алып кеткен. Жергиликтүү бийлик Түркстан облусунун Фирдауси... Читать дальше...

Көчмөндөр оюндарына башка өлкөлөрдөн келген командалардын курамында кыргыздар да ойноп жатат.

Тажикстанда велотуристтердин өлүмүнө шектүүлөрдүн биринин энеси өзүн Европадагы коопсуздук  жана кызматташтык уюмунун (ОБСЕ) кеңсесинин алдында өрттөөгө аракет кылды. “Эркин Европа/Азаттык” радиосунун тажик кызматы кабарлагандай, Гүлчехра Шодмонова тажик бийлиги кылмыштын уюштуруучусу катары шек санаган, Тажикстан Ислам кайра жаралуу партиясынын бозгундагы лидери Мухиддин Кабири ЕККУнун жыйындарына катышканына каршылык иретинде өзүнө бензин чачкан. Улгайган аялды милиция кызматкерлери токтотуп калышты. Читать дальше...

Көчмөндөрдүн дүйнөлүк III оюндарынын алкагында уюштурулган көк бөрү турниринде үчүнчү орун үчүн Казакстан менен Москва командалары беттешүүдө.

Жаир Болсанару Бразилиянын чыгышындагы штаттардын биринде шайлоочулары менен жолугуп жаткан учурда бычактан жараат алып, ооруканага түштү. Азыр анын өмүрүнө коркунуч жоктугу кабарланууда. Окуя бейшемби күнү болгон. Бразилия медиасынын кабарларына караганда, талапкерге бычак шилтеген адам кармалып, кылмышын моюнуна алды. Бразилиядагы президенттик шайлоо 7-октябрда өтөт. Коомдук пикирди сурамжылоонун буга чейинки жыйынтыктарына караганда, ал 13 талапкердин көч башында жана алгачкы айлампадагы добуш... Читать дальше...

8-сентябрда түнкүсүн Ысык-Көл облусунун кээ бир райондорунда бир аз жаан жаап, күн күркүрөйт, бийик тоолуу райондордо кар жаайт, калган аймактарда жаан-чачын болбойт. Күндүз жаан-чачын күтүлбөйт. Батыш тараптан келген шамалдын ылдамдыгы секундасына 4-9 метр. Абанын температурасы: Чүйдө түнкүсүн 8...13, күндүз 23...28, Таласта түнкүсүн 4...9, күндүз 22...27, Ош, Баткен, Жалал-Абадда түнкүсүн 11...16, күндүз 26...31, Ысык-Көлдө түнкүсүн 7...12, күндүз 22...27, Нарында түнкүсүн 3...8, күндүз... Читать дальше...

Талас Бегалиев балдар бараткан маршрутканы токтотуп кирип келгени туура эмес кадам болду, аны ошол жердеги милиционерлерди чакырганыбызда алып кетти деп билдирген Оспанов

АКШнын аба күчтөрүнүн эки учагы Орусиянын стратегиялык жана бомба таштоочу эки  Ту-95 учагын 6-сентябрда Арктика океаны, Беринг жана Охотск деңиздери үсүтүндөгү учуу маалында коштогон. Орусиянын Коргоо министрлиги мындай инцидент болгонун, алардын бомба таштоочу  учактары “нейтралдуу суулардын үстүндө кадимки учууну аткарып жаткан кезде” АКШнын эки F -22  учагы коштогонун 7-сентябрда ырастады. Мунун алдында АКШнын Түндүк жана Түндүк Американын аба мейкиндигин коргоо командачылыгынын өкүлү Орусиянын... Читать дальше...

Кыргызстандын эр эңиш боюнча курама командасынын III Дүйнөлүк көчмөндөр оюндарынын алкагында болгон мелдеште бардык алтын байгелерге ээ болду. Финалдык таймаш бүгүн, 7-сентябрда өтүп, байгелер беш салмакта ойнотулду. Мелдештин башкы катчысы Нуржан Сүймөналиевдин билдиргенине караганда таймашка 12 өлкөдөн 40 спортчу катышты. Жыйынтыгында беш салмакта тең финалда Кыргызстан менен Казакстандын балбандары күч сынашты. Алтын байгелерди Жекшенбек Турдубеков (60 кг.), Калыбек Бузурманкул уулу (70 кг.)... Читать дальше...

Хасан Роухани, Режеп Тайип Эрдоган, Владимир Путиндин бүгүнкү сүйлөшүүлөрү Сирияда Москва жана Тегеран колдогон өкмөттүк күчөр Идлиб провинциясына ири чабуул жасайт деген маалыматтар менен кооптонуулар шартында өтүп жатат.  Сириянын түндүк-батышында жайгашкан, Түркияга чектеш Идлиб провинциясы президент Башар Асаддын режимине каршы козголоңчул күчтөрдүн акыркы маанилүү таянычы. Ал аймакта, БУУнун эсебинде, үч миллиондой адам жашайт, алардын 1,5 миллиону Сириянын башка бөлүктөрүнөн жер которуп келгендер. Читать дальше...

Өзбек улакчылары Көчмөндөр оюандарына катуу даярдык менен келгенин белгилешет. Алардын жеңиши мекендештерин абдан кубандырса, бийлик органдарынын көңүлү бурулуп улакчыларына башкача мамиле жасоого өткөнүн айтышууда.

Ошто жети айлык ымыркайы менен кошо төртүнчү кабаттан бой таштаган келин мурда да өз жанын кыюуга аракет жасаган. Бул тууралуу бүгүн Ош шаарынын ички иштер башкармалыгынын басма сөз катчысы Замир Сыдыков билдирди. - Өзү Алай районунан болот экен. Чүйгө турмушка чыгып, үч балалуу болгон. Үй-бүлөсүндөгү келишпестиктен улам эки баласын таштап, кичүү жети айлык баласы менен август айынан бери Ош шаарында эжесинин үйүндө жашап жаткан. Күбөлөрдүн айтымында, акыркы кезде алкоголдук ичимдиктерге берилип жүргөн жана ошол күнү да ичкен. Читать дальше...

Орусиянын Казан шаарында өткөн жаш режиссёрлордун тасмалары көрсөтүлгөн эл аралык кинофестивалдын башкы байгесин кыргызстандык Аскар Нуракун уулу алды. Бул тууралуу "Азаттык" радиосуна киносынчы Гүлбара Төлөмүшова билдирди. Фестивалдын гран-присин анын "Киноман" тасмасы алды. Буга чейин аталган тасма бир нече эл аралык  фестивалдарды жеңип, улуттук "Ак илбирс" сыйлыгын да алган. Аскар Нуракун уулу 27 жашта, ал "Курманжан датка", "Көк бөрү" тасмаларын тартууга катышкан. (BCh).

Казакстандын фондулук биржасындагы бүгүнкү соодада америкалык доллардын теңгеге карата курсу кайрадан өсүп кетти. Бүгүн эртең мененки соодада бир доллар 375, 64 теңгеге бааланды. Бул 6-сентябрдагы соода учурундагы курстан 3,84 теңгеге жогору дегендик. Казакстандын фондулук биржасындагы бүгүнкү сооданын жалпы көлөмү 391 миллион долларды түзгөн. “Эркин Европа/Азаттык” радиосунун казак кызматы кабарлагандай, акча алмашуу бекеттеринде бир доллар 378-379 теңгеге сатылып жатат. Бейшемби күнү кечинде... Читать дальше...

Компаниянын бүгүнкү жарыясына караганда, хакерлер алардын 380 миңдей кардарынын кредиттик карталары боюнча маалыматтарды уурдап кетүүгө жетишкен. British Airways эки апта аралыгында уланган хакерлик чабуул учурунда кардарлардын паспорт маалыматтары, кайсыл тарапка саякаттай турганы камтылган база бузулбаганын маалымдады. Белгисиз хакерлердин тобу маалымат уурдоо боюнча аракеттерди 21-августан 5-сентябрга чейинки аралыкта көрүшкөн. British Airways компаниясынын башчысы Алекс Круз бул алардын... Читать дальше...

Кыргызстанда паллиативдик бейтаптардын оорусун басаңдатуу үчүн рецепт менен берилүүчү дары-дармектин дозасы көбөйтүлдү. Бул тууралуу "Азаттык" радиосуна "Эргене" коомдук фондунун жетекчиси Таалайгүл Сабырбекова билдирди. Өкмөттүн токтомуна ылайык эми бир рецепт менен 40 ампула, 100 таблетка морфин алууга болот. Мурда бул чектөө 20 ампула, 50 таблетка эле. (BCh)

Кыргызстандын улуттук курама командасы Көчмөндөр оюндарынын 5-күнүндө биринчи орунда турат. Азыркы убакытка алган эсеп боюнча өлкө куржунунда жалпы 78 медаль бар. Анын 30у алтын, 25и күмүш, 23ү коло. Экинчи орунга Орусия командасы 43 медалы (16 алтын, 9 күмүш, 18 коло) менен чыкты. Үчүнчү орунда Казакстан 49 медалы менен келе жатат, анын 11и алтын, 17си күмүш, 21и коло. Алдыңкы ондукта Түркмөнстан (23 медаль), Венгрия (12 медаль), Иран (12 медаль), Өзбекстан (25 медаль), Украина (9 медаль)... Читать дальше...

Ооган кыргыздарынын эки баласы Ош мамлекеттик университетине караштуу билим берүү мекемелеринде бекер окуй баштады. Бул тууралуу бүгүн “Азаттык” радиосуна Миграция кызматынын кайрылмандар жана качкындар менен иштөө бөлүмүнүн башчысы Жыпара Мамбетова билдирди. Мамбетова Миграция кызматынын өтүнүчүн колдоп, эки баланын окуусу, жашаган жери жана тамак-ашы боюнча чыгымдарды өзүнө алганы үчүн ОшМУга ыраазылык билдирди. Анын айтымында, 19 жана 22 жаштагы ага-ини Ооганстанда жүргөндө мектепте окуп, документ алышкан... Читать дальше...

Жапониянын Хоккайдо аралындагы кубаттуу жер титирөөдө каза болгондордун саны жыйырмага чукулдап, жараат алгандар жүздөн ашык экени айтылууда. Хоккайдо аралында жашаган биздин журтташыбыз Айнура Сооронбаева менен байланышып, ал-акыбалын сурадык.

Кабулга күтүүсүз сапар менен 7-сентябрда АКШ коргоо министри Жим Мэттис менен кошо куралдуу күчтөрдөгү штаб башчылардын Бириккен комитетинин төрагасы, генерал Жозеф Данфорд дагы барды. Алар ооган президенти Ашраф Гани менен жолугушат.  Мындан бир жыл ашуун мурда Вашингтон Ооганстан боюнча жаңы стратегиясын кабыл алган болчу. Анда "Талибанды" сүйлөшүүгө мажбурлоо үчүн ага акерий кысымды күчөтүү каралган. Бул максатта АКШ Ооганстанга кошумча аскер күчтөрүн да жиберген. Учурда Кошмо Штаттардын Ооганстанда 14 миңдей аскери бар. Читать дальше...

Кечээ Көчмөндөрдүн дүйнөлүк үчүнчү оюндарынын алкагында өткөн көк бөрү оюнунун жарым финалында Казакстандын командасы Өзбекстанга 4:5 эсебинде жеңилген.

Быйыл жыл аягына чейин Кыргызстанда сегиз ири ишкана ачылат. Бул тууралуу бүгүн “Кабар” агенттигинде өткөн пресс-конференцияда Орус-Кыргыз өнүктүрүү фондунун жетекчиси Эркин Асрандиев билдирди. Анын айтымында, Бишкекте металл продукциясын, Токмокто ун азыктарын, Сокулукта бут кийим өндүрө турган, ал эми Араванда цемент чыгаруучу ишкана ачылганы жатат. Орус-Кыргыз өнүктүрүү фонду Кыргызстан Евразия экономикалык биримдигине кошулган алгачкы мезгилде интеграция болушуна жардам берүү максатында ачылган. Читать дальше...

Кыргызстандык Валентина Шевченко менен Никко Монтано ишембиден жекшембиге караган түнү боло турчу беттешке карата уюштурулган көз караштар таймашында жолукту.

Ошто төртүнчү кабаттан колундагы алты айлык ымыркайы менен кошо бой таштаган аялдын абалы орточо. Ал эми баласы дагы эле оор. Саламаттыкты сактоо министрлигинин маалыматына караганда, аялдын жамбаш сөөгү сынып, мээси чайкалган. Ымыркай башынан жараат алган. Дарыгерлер окуя болгон учурда аял мас болгонун, ымыркайдан тышкары анын башка да балдары бар экенин айтып жатышат. Кырсык 6-сентябрдын кечинде Оштогу жатакана тибиндеги үйлөрдүн биринде болгон. Милиция келин Кара-Балта шаарынан Ошко конокко барганын айтууда. Читать дальше...

Кыргызстан Түркиянын мамлекеттик “Маариф” корунун мектептери менен окуу борборлоруна орун берүү ниетин ырастады. Эки тарап буга байланыштуу алгачкы меморандумга президент Режеп Тайип Эрдогандын Кыргызстанга расмий сапары учурунда кол койду. Кыргыз өкмөтү мындай кадамга Түркия бийлиги расмий Бишкек мурдагы “Себат”, азыркы “Сапат” мектептерин жаппаганына нааразылыгын али улантып жаткан шартта барды. Түркия бийлиги “Маариф” фондун качан жана кандай максатта түзгөн? Анын мектептери азыр дүйнөнүн канча өлкөсүндө бар... Читать дальше...