Новости за 21.09.2018

Бермет Букашеванын "Бийлик сырлары" автордук долбоорунда Убактылуу өкмөттүн мүчөсү, президенттик администрациянын мурдагы башчысы Эмилбек Каптагаев бакиевдик бийликтин кулашы, апрель, июнь окуялары жана бийликтеги үзөңгүлөштөрү тууралуу айтып бермекчи.

21-сентябрь күнү "Манас" эл аралык аэропортунда грек-рим күрөшү боюнча жаштар арасында өткөн дүйнө чемпионатынан алтын алган Эрбол Бакировди күйөрмандары, туугандары тосуп алды.

Кытайда этникалык уйгурлардын көрүнүктүү өкүлү Нур Бекринин ишмердиги текшерилип жатат. Бул тууралуу 21-сентябрда ССТВ телеканалы маалымдады. - Мамлекеттик реформа жана өнүгүү комитетинин жетекчисинин орун басары, мамлекеттик энергетикалык башкармалыктын жетекчиси Нур Бекри олуттуу дисциплинардык жана юридикалык тартип бузууга шектүү болуп турат. Борбордук дисциплинардык комиссия жана Көзөмөл министрлигинин иликтөөсүнө алынды, – деп кабарлады диктор. Бул маалымат Борбордук дисциплинардык комиссиянын сайтына да илинген. Читать дальше...

Кыргызстанда имамдар кайрадан аттестациядан өткөрүлөт. Бул тууралуу “Азаттык” радиосуна Дин иштери боюнча мамлекеттик комиссиянын директору Зайырбек Эргешов билдирди. Эргешовдун айтымында, буга чейин мындай аракет 2016-жылы жасалган, бирок имамдардын билим деңгээли өтө эле төмөн болгондуктан аларды адегенде окутуу керек деген чечим кабыл алынган. Үч жылдан бери “Ыйман” фонду менен биргеликте окуу өткөрүлдү. Эми аттестацияны октябрь айында баштоо пландалып жатат: - Имамдардын көпчүлүгү аттестациядан өтпөй калат эле. Читать дальше...

Вьетнамдын президенти Чан Дай Куанг жума күнү 61 жашында дүйнөдөн кайтты. Бул тууралуу жергиликтүү мамлекеттик телеканалдар кабарлашты. Президент Борбордук аскер ооруканасында оор илдеттен дарыланып жаткан деп айтылат.  Ал 2016-жылдын апрелинде Улуттук Жыйын депутаттарынын 90% колдоосу менен президенттикке шайланган. Ага чейин Чан Дай Куанг коомдук Коопсуздук министрлигин жетектеген.  Вьетнамда президенттик орун сыйлуу кызмат. Негизги бийлик Коммунисттик партия менен ал көрсөткөн премьер-министрдин колунда.

Кошмо Штаттары Орусиядан курал сатып алганы үчүн Кытайдын курал-жарак департаментине жана анын жетекчиси Ли Шаньфуга санкция салды.  Санкция тизмедегилерге АКШдан экспорттук лицензия, насыя сураганга же башка каржы келишимдерин түзүүгө тыюу салат. Коргоо министрлигинин аталган департаменти өткөн жылы Орусиядан Су-35 аскер учагынан онду, быйыл С-400 зениттик-ракеталык комплексине жабдыктарды сатып алган. Вашингтон Сирия, Украина, Солсбери кризисине жана АКШдагы шайлоого ыктымал кийлигишүүсүнө... Читать дальше...

22-сентябрда түнкүсүн көпчүлүк аймактарда, күндүз тоо этектериңде жана тоолуу райондордо жаан жаап, бийик тоолуу райондордо жайгашкан жайлоордо жаан карга өтөт, бийик тоолуу райондордо кар жаайт. Батыш тараптан келген шамалдын ылдамдыгы секундасына 4-9 метрден, кээ бир райондордо 15-20 метрге чейин жетет. Абанын температурасы: Чүйдө түнкүсүн 7...12, күндүз 18...23, Таласта түнкүсүн 3...8, күндүз 15...20, Ош, Баткен, Жалал-Абадда түнкүсүн 6...12, күндүз 16...21, Ысык-Көл, Нарында түнкүсүн 5...10... Читать дальше...

“Хизб ут-Тахрир” экстремисттик уюмунун Каракол шаарындагы тарапкерлеринин башчысына карата кылмыш иши козголду. Бул тууралуу бүгүн Улуттук коопсуздук боюнча мамлекеттик комитет кабарлады. Мекеменин маалыматына караганда, быйыл июль айында атайын кызмат милиция менен биргеликте Каракол шаарынын 44 жаштагы тургунунун үйүндө тинтүү жүргүзгөн. Мурда соттолгон бул адамдан табылган буюмдар экспертизага жөнөтүлгөн. Дин иштери боюнча мамлекеттик комиссиянын экспертизасынын корутундусунан кийин иш козголуп, тергөө УКМКга өткөрүлүп берилди. Читать дальше...

Таласта депутаттар мэрге ишенбөөчүлүк көрсөтүү үчүн Куран кармабаганын айтууда. «Кыргызстан» фракциясынын лидери Адылбек Жусупбеков мэрди кызматтан кетирүү тууралуу сүйлөшүүгө депутаттар өткөн аптада чогулганын, бирок Куран кармабагандардын бүгүн "Азаттыкка" билдирди: - Депутаттар үч-төрт күн мурун "19 кишини чогултуп алып Куран карматып, сессия уюштурганга даярданышкан экен" деген маалыматты мен «Азаттыкка» чыккан макаладан окудум. Туура, биз 20 депутат чогулганбыз. Куран кармоо тууралуу сөз да болгон эмес. Читать дальше...

“Коопсуз шаарды” ишке ашыра турган компания аныкталды. Бул тууралуу бүгүн өкмөттө өткөн жыйында белгилүү болду. Премьер-министр Мухаммедкалый Абылгазиев ачык аукциондун жыйынтыгы боюнча кеңешме өткөрдү. Маалыматтык технологиялар жана байланыш комитетинин төрагасы Бакыт Шаршембиевдин айтымында, сынактын жеңүүчүсү деп Орусиянын «Вега» радиоуктуруу концерни» компаниясы таанылды. Андан тышкары аукционго дагы эки компания катышкан. «Долбоорду ишке ашыруу наркы 2 млрд 320 млн сом суммасында аныкталган, бул баштапкы баадан 230 млн сомго аз. Читать дальше...

Кыргыз өкмөтү Бишкек жылуулук цехинде (ЖЭБ) салынып жаткан жаңы цехти пайдаланууга комиссиялык текшерүүдөн кийин гана кабыл алат. Бул тууралуу бүгүн биринчи вице-премьер-министр Кубатбек Боронов ишканага барып, жаңы химиялык тазалоо цехинин курулушунун жүрүшү менен таанышуу учурунда айтты. ЖЭБдин директору Андрей Воропаев учурда турбиналык жана буу казандар цехин жылуулоо жана айнек салуу иштери аткарылып, көзөмөлдөөчү-ченөөчү жабдуулар ташылып, негизги жана көмөкчү жабдуулардын ремонту графикке ылайык жүрүп жатканын билдирди. Читать дальше...

Кыргызстанда баланы пайдаланып иштетүүнүн деңгээли төмөндөдү. Бул тууралуу бүгүн Эмгек жана социалдык өнүгүү министрлигинин басма сөз кызматы кабарлады. Мекеменин маалыматына караганда, Улуттук статистикалык комитет менен биргеликте төө буурчак жана пахта теримде иштегендер боюнча изилдөө жүргүзүлдү. Анын жыйынтыгында мажбурлап иштетүүгө тартылган балдардын саны төмөндөп жатканы туруктуу динамикага айланганы анык болду. Маселен, 2007-жылы 33% болсо, 2014-жылы дээрлик 28% жетти. Бирок балдар тартылган жумуштун кооптуулугу күчөдү ... Читать дальше...

Орто кесиптик медициналык коллеждердин биринин директору пара менен кармалганын бүгүн Экономикалык кылмыштарга каршы кызмат (Финполиция) билдирди. Мекеменин маалыматына караганда, 10-сентябрда бул окуу жайга өтүү үчүн директор 30 миң сом алып, андан тышкары дагы 25 миң сом талап кылып жатканы тууралуу арыз түшкөн. Кылмыш иши козголуп, 12-сентябрда ыкчам издөө иштеринин учурунда кылмышка шектүү жетекчи пара акчаны колуна алып жаткан жеринен кармалганы айтылды. Финполиция соңку кезде жарандардын бул мекемеге ишеними артып... Читать дальше...

Допингге каршы дүйнөлүк агенттик (же WADA) бейшембидеги жыйынында Орусияны колдогон чечим чыгарды. Ага ылайык, Орусиянын допингге каршы агенттигинин - РУСАДАнын аккредитациясы калыбына келтириле турган болду. Дүйнөнүн бир катар өлкөлөрүнүн спортчулары бул чечимге каршылыгын билдиришкен эле.

Мушкерлер 6-октябрда Лас-Вегаста UFC турниринин алкагында беттешет.

Премьер-министр Мухаммедкалый Абылгазиев бүгүн 21-сентябрда Нарын облусуна жумушчу сапарынын алкагында Нарын шаарынын 150 жылдыгына арналган майрамдык иш-чараларга катышууда. Анын ичинде өкмөт башчы Муратбек Рыскулов атындагы музыкалык драма театрындагы салтанаттык иш-чарага, ошондой эле шаардын маарекесине арналган «Нукура» фестивалына барат. Премьер-министр Нарын шаарындагы жаңы сүт иштетүү заводу курулуучу жер менен таанышты. Бул тууралуу өкмөттүн басма сөз кызматкы кабарлады.

Украина парламентинин – Жогорку Раданын депутаттары Конституциялык сотко өлкөнүн НАТО жана Евробиримдикке умтулуусун бекиткен мыйзам долбоорун жөнөтүштү. Жылдык кайрылуусунда президент Петро Порошенко "Батыш Москвага каршы санкцияларды жеңилдетпеши керек" деген оюн ортого салды.

Учурда Кыргызстандын акыйкатчысы ким, кандай сапаттагы адам болушу керек деген суроо элдин талкуусунда.

Президент Сооронбай Жээнбеков 20-сентябрда Чүй облусунун Кемин районуна болгон иш сапарынын алкагында жергиликтүү тургундар менен жолугушуп, үй-бүлөлүк башкарууга жол бербей турганын кайталады. Мамлекет башчы президенттин атын сатып, ар кандай иш кылгандарды жазалоону тапшырганын билдирди. - Атайылап "Жээнбеков Бакиев болуп калды, бир туугандары бийлеп, тейлеп жатат" деп айтып жатышат. Мен эч кимди кийлигиштирбейм, билип калсам ага катуу чара көрөм. Аны баары билет. Бирок менде азыр мен тааныбаган "тууган"... Читать дальше...

БУУнун адам укугу боюнча комитети "Адилет" укуктук клиникасынын директору Чолпон Жакупованын жана Zanoza.kg Интернет сайтынын негиздөөчүсү Нарын Айыптын арызын кароого кабыл алды.

Премьер-министр Мухаммедкалый Абылгазиев майрамдык жана мааракелик иш-чараларды өткөрүү үчүн ишкерлерден каражат чогултууга тыюу салды. Бул тууралуу өкмөт башчы 20-сентябрда укук коргоо органдарынын жетекчилеринин катышуусунда өткөн кеңешмеде билдирди. “Жакында эле Жалал-Абад облусунун милиция бөлүмүнүн атынан бизнес өкүлдөрүнө Кылмыш иликтөө кызматынын 100 жылдык мааракесин өткөрүү үчүн акча жагынан көмөк көрсөтүү өтүнүчү менен каттардын жиберилиши – бул ички иштер органдарынын жалпы тутумуна көлөкө түшүргөн жол берилгис окуя. Читать дальше...

Кылмыш иши козголгон Ош шаардык прокуратурасынын мурдагы кызматкери Канжар Кадыралиевге байланыштуу анын айылдашы, ишкер Абдимитал Бекташев президентке жана күч түзүмдөрүнүн жетекчилерине кайрылды. Мамлекет башчы Сооронбай Жээнбеков, баш прокурор Өткүрбек Жамшитов жана УКМК төрагасы Идрис Кадыркуловдун атына жолдонгон кайрылууда Канжар Кадыралиев эркиндикте кайра эле карактоо иштерин жасап жатканы айтылган. Ишкер 2010-жылдан бери Өзгөн жана Ош облусунун прокуратурасы арызына көңүл бурулбай, майнап чыкпай келатканын белгилеген. Читать дальше...

Кыргызстанда мүмкүнчүлүгү чектелүү адамдардын саны 181 400 болду. Бул соңку алты жылда майыптардын саны 27% өстү дегенди билдирет. Бул тууралуу парламентте эмгек жана социалдык өнүгүү министри Таалайгүл Исакунова билдирди. Исакунованын айтымында, ушул жылдын ноябрь айында ар бир райондогу эмгекке жарамдуулукту аныктоочу медициналык комиссиялардын ишине керектүү атайын адистештирилген унаалар алынууда. Анда бардык жабдуулар орнотулуп, канча аралыкты басып өткөндүгү да GPS системасы аркылуу көзөмөлдөнүп турат. Читать дальше...

Быйыл сегиз айда 36 эне төрөт маалында жана көз жаргандан кийин каза болду. Өткөн жылы ушул убакта 34, жылдын этегине чейин 49 эне өлүмү катталган. Бул тууралуу саламаттык сактоо министринин орун басары Мадамин Каратаев вице-премьер-министр Алтынай Өмүрбекова катышкан кеңешмеде билдирди. Жыйында энелердин жана балдардын өлүмүнүн көрсөткүчтөрү талданды. Каратаев кош бойлуулардын өлүмүнүн башкы себептерин атады. Алар: адистерге убагында каттоого турбоо, кош бойлуулардын гипертензивдик абалы, кансыроо... Читать дальше...

Мурдагы депутат, экс-баш прокурор Аида Салянованын инисинин өлүмүнө шектүү катары кармалган 32 жаштагы Эрмек Осмонкулов күнөөсүн толугу менен мойнуна алды. Бул маалыматты Салянова “Азаттык” радиосуна тастыктады. Ишти 20-сентябрда Бишкектин Биринчи май райондук соту караган. Шектүү Макаров үлгүсүндөгү тапанча менен Улан Саляновду өлтүргөнүн айтты. Соттук отурумда маркум Саляновдун баласы айыпталуучуну жакындан көрүүгө баратканда Жаза аткаруу кызматынын өкүлдөрү анын жолун тосуп калышкан. Ошондон... Читать дальше...