Новости за 02.11.2018

Кытайдан келген казак улутундагы өспүрүмдөр Казакстандын бийлигинен Шинжаң аймагындагы саясий тарбия берүүчү лагерлерде кармалган ата-энелерин бошотууга жардам берүүнү суранышты. Жума күнү 50дөй өспүрүм Алматыда Казакстандын Адам укуктары боюнча бюросуна чогулду. Басымдуу бөлүгү мектеп жашындагы бул балдар ата-энелери Шинжаңда негизсиз кармалып турганын айтып беришти. Өспүрүмдөрдүн көбү атасы же апасы менен Кытайдан Казакстанга көчүп келген.  Кайрылмандар менен иш алып барган “Ата-Журттун ыктыярдуу жаштары” уюмунун активисттери билдиргендей... Читать дальше...

Кыргызстан социал-демократиялык партиясы (КСДП) өзүнүн парламенттеги фракциясынын лидери Иса Өмүркуловду кызматтан кетирүү тууралуу саясий кеңештин чечимин фракциянын ар бир депутатына жөнөтөт. Бул тууралуу “Азаттыкка” партиянын расмий өкүлү Кундуз Жолдубаева билдирди. “Партиянын саясий кеңеши саясий чечим кабыл алды. Иса Өмүркулов саясий жактан да, моралдык жактан да КСДП фракциясынын лидери болууга укугу жок. Ал эми КСДПнын тизмеси менен парламентке келген депутаттар кандай чечим кабыл алаарын алардын абийирине коебуз. Читать дальше...

2-3-ноябрда Москвадагы конференцияда Ышкыбоздук бокстун эл аралык ассоциациясынын (AIBA) төрагасы шайланмакчы. Талапкерлердин бири – советтик жана казакстандык белгилүү боксчу, Азиянын бокс конфедерациясынын жетекчиси Серик Конакбаев. Ал Борбор Азиянын дагы бир өкүлү, ассоциациянын вице-президенти, ушу тапта төраганын милдетин аткарып жаткан өзбекстандык Гафур Рахимов менен ат салышат. Эл аралык Олимпиада комитети шайлоонун жыйынтыгы бокстун 2020-жылдагы оюндарга киргизилип-киргизилбешине таасир этерин эскерткен. Читать дальше...

Американын бир гезити Европа Биримдигинин тышкы иштер министрлери 19-ноябрда өтө турган жыйынында Иранга жарыяланган жаны санкцияларды талкууга алуулары мүмкүн экенин жазып чыкты.

АКШ президенти Дональд Трамп Мамлекеттик департаменттин өкүлү Хизер Нойертти АКШнын Бириккен Улуттар Уюмундагы (БУУ) туруктуу өкүлү кылып дайындоо маселесин "олуттуу караштырып жатат". "Reuters" агенттигинин маалыматына ылайык, бул тууралуу президент Ак үйдөгү журналисттерге билдирди.  "Fox News" телеканалы өз булактарына шилтеме берип, Трамп Нойерт менен 29-октябрда Ак үйдө жолугушканын маалымдады. Бирок ал сунушту кабыл алган-албаганы белгисиз. Нойерт былтыр Мамлекеттик департаменттин басма сөз катчысы болуп дайындалган. Читать дальше...

Жогорку Кеңештин "Бир Бол" фракциясынын издөөдө жүргөн депутаты Аскарбек Шадиевдин депутаттык ыйгарым укуктары мөөнөтүнөн мурда токтотулду. Бул тууралуу “Азаттыкка” Борбордук шайлоо комиссиянын (БШК) басма сөз катчысы Анарбек Абазбеков билдирди. Анын айтымында, Шадиев өз эрки менен жазган арызынын негизинде фракциядан чыгарылган. Өзүнүн катынын жана фракциянын чечиминин негизинде мыйзам чегинде депутаттын ишмердүүлүгү токтотулуп, ал депутаттык мандаттан ажыратылды. Шадиевдин ордуна "Бир Бол"... Читать дальше...

Индонезия өлкөдөгү арабстандык элчини чакыртып, нааразычылыгын билдирди.

Пакистандын өкмөт башчысы Имран Хан экономикалык кризистен чыгыш үчүн жардам издеп Кытайга аттанды. 2-5-ноябрга чейинки жолугушууларда Кытайдын жетекчилиги менен Пакистандагы финансылык абал тууралуу сөз болмокчу. Бээжин буга чейин “Бир алкак, бир жол” долбооруна ылайык, Пакистандын инфраструктурасына карыз жана инвестиция түрүндө 60 миллиард доллар жумшоого убада берген. Пакистан төлөмдөр балансындагы кризисти жөнгө салыш үчүн Эл аралык Валюта Фондунан (ЭВФ) 8 миллиард доллар алууну көздөп жатат. Читать дальше...

Кыргызстан Өзбекстанды картөшкө менен камсыз кылуу боюнча макулдашты. Бул тууралуу Айыл чарба министрлиги кабарлады. Сүйлөшүүлөр октябрь айынын орто чендеринде өткөн. Өзбек тарап картөшкө алып кирүүгө кыргызстандык 17 компанияга уруксат берген. Натыйжада Ысык-Көл облусундагы ишкерлер “Наманган Универсал Савдо Инвест” компаниясы менен 2 миң тонна картөшкө жеткирүүнү макулдашкан. Учурда анын 66 тоннасы жөнөтүлдү. Фитосанитардык сертификаттар коңшу өлкөнүн талаптары менен жүргүзүлүүдө. 17-августта Өзбекстан сырттан... Читать дальше...

Армениянын президенти парламентти таркатып, эрте шайлоо жарыялады. Анын алдында депутаттар, саясий макулдашууга ылайык, экинчи жолу премьер-министрди шайлай алышкан эмес. Президент Армен Саркисян 1-ноябрдын кечинде кол койгон жарлык боюнча парламенттик шайлоо 9-декабрга белгиленди. Өткөн айда өкмөт башчынын милдетин аткаруучу Никол Пашинян парламентти тарткатып, эрте шайлоо өткөрүш үчүн премьерликтен кеткен. Ал кызматын жаңы парламент жана жаңы премьер шайланмайынча аткара бермекчи. Пашинян анын... Читать дальше...

Жогорку Кеңештин "Бир Бол" фракциясынын өлкөдөн качып кеткен депутаты, мурдагы вице-премьер-министр Аскарбек Шадиевдин ишин кароо 5-ноябрга белгиленди. Бул тууралуу Жогорку соттун басма сөз катчысы Сюита Соурбаева билдирди. Анын айтымында, отурум Бишкектин Биринчи май райондук сотунда өтүп, саат 9:30да башталат. Буга чейин Шадиевге байланыштуу иш тергелип бүтүп, сотко өткөнүн Башкы прокуратура кабарлаган. Шадиевге Башкы прокуратура алгач "Кызмат абалынан кыянаттык менен пайдалануу" беренеси боюнча кылмыш ишин козгогон. Читать дальше...

"Freedom House" эл аралык укук коргоо уюму Интернеттеги эркиндик деңгээлин аныктаган жылдык баяндамасын жарыялады. Андагы рейтингде Кыргызстан 65 мамлекеттин арасынан 38-орунду ээлеп, «Интернети жарым-жартылай эркин» мамлекеттердин катарына кирди.

Бакен Кыдыкеева атындагы жаш көрүүчүлөр театры Казакcтанда өтүп жаткан театралдык фестивалга Казак эл жазуучусу Сабит Досановдун "Карышкыр улуган түндө" чыгармасынын негизинде даярдалган спектакль менен катышып жатат. Оюн-зооктун бет ачары ушул айдын соңунда Бишкек шаарында өткөн. Союжетте билим берүү тармагы кризиске учураган коомдогу бир үй-бүлөнүн трагедиясы баяндалат.

Бишкектин район аралык соту “Коопсуз шаар” долбоору боюнча көз каранды эмес комиссиянын чечимин жокко чыгарды. Бул аркылуу сот Орусиялык “Вега” концернин жеңүүчү деп эсептеген тендердик комиссиянын чечимин мыйзамдуу деп тапты. Жеңилген тарап эми 30 күн ичинде апелляциялык арыз менен кайрылууга укугу бар. Маалым болгондой, комиссия буга чейин Мамлекеттик сатып алуу департаменти түзгөн комиссия тендерде утуп алган орусиялык "Вега" компаниясы "талапка жооп бербейт" деген чечим чыгарган. Буга макул... Читать дальше...

Керим Кенебаев 1938-жылы 31 жашында сталиндик репрессиянын тушунда атылып кеткен. “Ата-Бейитте” анын фамилиясы "Кененбаев" деп туура эмес жазылып калган. Жалгыз кызы менен артында калган жары көргөн азап-тозокторду айтса өзүнчө узун сөз.

Кыргызстан 1992-жылдан бери чет мамлекеттерден жана эл аралык уюмдардан 9 млрд. 900 млн. долларга чукул каражат алган.

Ички иштер министрлигинин Мамлекеттик адистештирилген күзөт кызматынын Түштүк башкармалыгынын жооптуу кызматкерлерине 304 (“Кызматынан кыянаттык менен пайдалануу”) жана 166 (“Алдамчылык”) беренелери менен кылмыш иши козголду. Бул тууралуу Башкы прокуратуранын басма сөз кызматы билдирди. Билдирүүдө айтылгандай, аталган башкармалыктын жетекчилери кызматкерлерди дайындоо, калыбына келтирүү жана аларга турак-жайды кайтарымсыз түрдө берүү аркылуу 1 млн. 385 миң сомду мыйзамсыз түрдө өздөрүнө ыйгарып алышкан. Читать дальше...

Орусия Украинанын 322 жаранына жана 68 компаниясына санкция салды. Тийиштүү жарлыкка бейшембиде өкмөт башчы Дмитрий Медведев кол койду.

Жалал-Абад шаарынын 60 жаштагы тургуну Савринса Калдыбаева Казакстанда соттолгон уулун Кыргызстанга экстрадициялоого жардам бергендиги үчүн президент Сооронбай Жээнбековго ыраазычылыгын билдирди. Мындай пикирин ал 2-ноябрда Жалал-Абадда өткөн басма сөз жыйынында айтты. Анын 39 жаштагы уулу Кайрат Пратов 2015-жылдын күз айларында башка бирөөнүн унаасын ишеним кат менен Бишкектен Москвага айдап бараткан жеринен Жамбыл облусунун аймагынан кармалган. Текшерүү учурунда “Хонда СРВ” унаасына жашырылган 16 килограммдан ашык баңгизат табылган. Читать дальше...

2-ноябрда Казакстанда Жогорку Кеңештин “Кыргызстан” фракциясынын мурдагы депутаты Дамирбек Асылбек уулунун соту уланат. "Эл аралык аткезчи топтун мүчөсү болгон" деген шек менен Казакстанда кармалган Дамирбек Асылбек уулу жана аны менен кошо айыпталган жети казакстандык, эки кыргызстандык жарандын ишин Алматы район аралык соту карап жатат. Жараян быйыл 19-октябрда башталды. Мурдагы депутат сотто кыргыз жараны экенин билдирип, Кыргызстанда соттоону суранганы айтылууда. Буга чейин "Кыргызстан"... Читать дальше...

Бишкек шаарында 4-13-ноябрь күндөрү өлкөнүн жигердүү жаштарын бириктирип, алардын көйгөйлүү маселелерин көтөргөн "Жаштар жумалыгы" өтөт. Бул тууралуу "Азаттыкка" Жаштарды өнүктүрүү институтунун өкүлү Ажар Касмалиева кабарлады. Жумалыктын алкагында күн сайын борбор калаанын ар кайсы жеринде жаштардын катышуусун шарттаган спорт, илим, билим берүү, экология, инновациялар, маданият жана искусствого арналган иш-чаралар уюштурулат. Жаштар үчүн мастер-класстар жана экскурсиялар уюштурулуп, көрүнүктүү инсандар өз тажрыйбасы менен бөлүшөт. Читать дальше...

Чүй облусунун аймагында жашыруун иш жүргүзгөн эл аралык террордук уюмдун 9 мүчөсү кармалды. Бул тууралуу Улуттук коопсуздук боюнча мамлекеттик комитет (УКМК) кабарлады. Кармалгандардын бешөө чет элдик жаран, төртөө Кыргызстандын жарандары. Алар 2017-жылдан бери Сирия менен Ооганстандагы террордук уюмга жоочуларды тартуу жана даярдоо боюнча иш алып барып келишкен. Ошондой эле Кыргызстанда ок атуучу жана жарылуучу заттарды колдонуу менен диверсиялык аракеттерди көрүүгө камынышкан. Кылмыштуу топтун... Читать дальше...

Кара-Балтадагы мунай иштетүүчү заводдун кесиптик кошуундар уюму жетекчилик жумушчулардын эмгек укугун бузуп, шартын камсыз кылбай, зыяндуулук үчүн кошумча акы төлөбөй келатканын билдирди.

Маданият, маалымат жана туризм министри Азамат Жаманкулов ырчы Самара Каримованы Ниязаалы атындагы Ош мамлекеттик музыкалык орто окуу жайынын директорунун кызматынан бошотту.

Премьер-министр Мухаммедкалый Абылгазиев Көз карандысыз мамлекеттердин шериктештиги (КМШ) өлкөлөрүнүн өкмөт башчыларынын кеңешинин кезектеги жыйынына катышуу үчүн Казакстандын Астана шаарына барды. Бул тууралуу өкмөттүн аппараты билдирди. КМШ өлкөлөрүнүн өкмөт башчыларынын кеңешинин кезектеги жыйыны тар жана кеңейтилген чөйрөдө өтөт. Анын жыйынтыгы боюнча бир катар документтерге кол коюлушу мүмкүн. Мындан тышкары Казакстандын президенти Нурсултан Назарбаевдин КМШ өлкөлөрүнүн өкмөт башчылары менен жолугушуусу күтүлүүдө. Читать дальше...