Новости за 14.11.2018

Кыргызстанда азыр 191 мектеп жана 2 бала бакча авариялык абалда. Бул тууралуу вице-премьер-министр Алтынай Өмүрбекова бүгүн, 14-ноябрда парламентте мектептер менен бала бакчалардын абалы тууралуу маалымат берип жатып билдирди. Анын айтымында, азыр өлкө боюнча 158 мектеп үч нөөмөт менен балдарды окутуп жатат. Ал мектептерге кошумча орундар керек. Мындан тышкары, 380 мектеп капиталдык ремонтко муктаж. Өкмөт бул маселелерди республикалык бюджеттин жана Сауд Арабиясынын жардамынын эсебинен чечүүнү көздөп жатканы белгилүү болду. Читать дальше...

12-13-ноябрда Израилдин күчтөрү менен палестиндер бири-бирине абадан сокку урушту.

Таластын Бакай-Ата районунда 20 кишиге тургузулган айкелдердин арасында көзүү тирүү адамдардын да бар экени коомчулукта талкууга жем таштады. Мындай көрүнүшкө каршы чыккандар да, колдогондор да аз эмес. Айкелдердин арасында мурдагы жаштар министри, Апрель баатыры Алиясбек Алымкуловдун да эстелиги бар.

Таластын Бакай-Ата районунда 20 кишиге тургузулган айкелдердин арасында көзүү тирүү адамдардын да бар экени коомчулукта талкууга жем таштады. Мындай көрүнүшкө каршы чыккандар да, колдогондор да аз эмес. Айкелдердин арасында мурдагы жаштар министри, Апрель баатыры Алиясбек Алымкуловдун да эстелиги бар.

"Кыргызалтын" ачык акционердик коому Жалал-Абад облусунун Тогуз-Торо районундагы Макмал алтын кенин иштетүүгө сынак жарыялады. Аталган ишкана тараткан маалыматка караганда, кенди иштетүү үчүн сынакка катышууну каалаган инвесторлордун арызы 14-ноябрдан тартып бир ай бою кабыл алынат. "Кыргызалтын" ачык акционердик коому "Макмалалтын" комбинатынын базасында сынактан жеңген инвестор менен биргелешкен ишкана түзүүнү көздөп жатат. Арыздар келип бүткөндөн кийин мекеме аралык комиссия аны карап, беш жумуш күнүнүн ичинде жеңүүчүнү аныктайт. Читать дальше...

Мурдагы президенттин кеңешчиси, камактагы Икрамжан Илмияновдун адвокаты Сергей Слесарев кардарына байланыштуу бир да тергөө иштери өтпөгөнүн “Азаттыкка” билдирди. Анын айтымында, азырынча Илмиянов эч кандай көрсөтмө да бере элек.  - Азырынча мен эч кандай тергөө аракеттерине катыша элекмин. Тергөө жүрүп жатканы тууралуу мага эч кандай кабар да жөнөтүшкөн эмес. Демек, ал эч кандай көрсөтмө да бере элек, - деди Сергей Слесарев.  Икрамжан Илмиянов учурда УКМКнын тергөө абагында. Атайын кызмат анын... Читать дальше...

Жогорку Кеӊештин бүгүн, 14-ноябрдагы сессиясында "Бир Бол" партиясынын тизмеси менен депутат болгон Эрмамат Тагаев ант берип, расмий ишке киришти. Ал мурдагы депутат Аскарбек Шадиевдин ордуна келди. Жогорку Кеңештеги "Бир Бол" фракциясынын мүчөсү, мурдагы вице-премьер-министр Аскарбек Шадиевдин кайда экени белгисиз. Ал азыр укук коргоо органдарынын издөөсүндө. Башкы прокуратура ага карата алгач "Кызмат абалынан кыянаттык менен пайдалануу" беренеси боюнча кылмыш ишин козгогон. Буга КМШнын Парламент... Читать дальше...

Бишкек Жылуулук электр борборундагы авариянын себептерин жана ишкананы модернизациялоого кеткен 386 миллион кытай насыясын пайдалануу боюнча козголгон кылмыш иштерин иликтөө мөөнөтү узартылды.  Бул тууралуу УКМКнын Тергөө башкармалыгынын жетекчисинин орун басары Сагынбек Самидин уулу 13-ноябрда парламенттин Укук тартиби, кылмыштуулукка жана коррупцияга каршы күрөшүү комитетинде маалымат берип жатып билдирди. Анын айтымында, иликтөөнүн узартылышы жана иштин создугуп жатышы экспертизанын жүргүзүлүп жатканы менен байланыштуу. Читать дальше...

Маалымат технологиялары жана байланыш комитетинин Электрондук тыгыз байланышуу борбору Кыргызстанда бериле турган жана талап кылына турган тастыктамалардын, аларды алыш үчүн керектеле турган документтердин санын изилдеп чыкты. Бул тууралуу маалымат борбордун сайтында жарыяланды. Изилдөөнүн баштапкы жыйынтыктарында 27 мамлекеттик орган өлкөнүн жарандарына 126 типтеги тастыктама берери аныкталды. Ал эми 23 орган ар кайсы муктаждыктар үчүн жарандардан 168 тастыктама талап кылаары белгилүү болду. ... Читать дальше...

Ысык-Көл облусунда бала бакчалар менен мектептерди чайдын ордуна накта компот менен камсыздоо иши жөнгө салынууда. Бул тууралуу «Азаттык» радиосуна “Айылдык жаштарды жумуш менен камсыз кылуу” (АВЕП) коомдук фонду кабарлады. Фонддун маалыматына караганда, мындай тажрыйбаны 20 айылдагы өз алдынча уюшуп, фермердик топ катары иштеп жаткан кыз-келиндер жамааты ишке ашырууда. “Чайды ичкенде андагы "танин" деп аталган зат организмге керектүү болгон темирди, башка пайдалуу элементтерди күйгүзүп кетет. Читать дальше...

Кыргызстанда күйүүчү май кескин кымбаттады. Айдоочулар мындай өзгөрүү алардын капчыгын кагып жатканын айтышууда. Ал эми мунай сатуучу компаниялар баанын көтөрүлүшү Орусиядан көз каранды экенин дагы бир ирет эске салып, муну дүйнөлүк тенденцияларга байлашат.

Таласта мушкер Конор Макгрегорду туураганы пародия катары Интернетте тараган монтерго тартиптик чара көрүлдү.

Жогорку Кеңештин бүгүн, 14-ноябрдагы жалпы жыйынында Кыргызстандагы мектеп, бала бакча жетишсиздигин чечүү боюнча өкмөттүн маалыматы угулуп жатат. “Өкмөттүк саатта” билим берүү мекемелеринин тартыштыгын чечүү, жаңы имараттарды куруу тууралуу вице-премьер-министр Алтынай Өмүрбекова баяндама жасады. Анын маалыматына караганда, окуучулар жана алты жашка чейинки балдар мектептер менен бала бакчаларга батпай жатат. Мындан улам жаңы имараттарды куруу зарылдыгы жаралды.  Билим берүү мекемелеринин тартыштыгына ички миграция... Читать дальше...

Жети-Өгүз районунун Кызыл-Суу айылында таяк жеп каза болгон 26 жаштагы Ынтымак Рысбек уулунун өлүмү боюнча Жети-Өгүз райондук прокуратурасы кылмыш ишин козгоду. Бул тууралуу “Азаттыкка” Ысык-Көл облусунун прокурорунун орун басары Кубанычбек Шатенов билдирди. Анын айтымында, факты боюнча гана, "Ээнбаштык" беренеси менен кылмыш иши козголду. Иш иш жиберилгени турат. - Ээн баштык, ошол эле учурда денесине оор жаракат келтирүү өлүмгө алып келгендигине байланыштуу, тагыраагы Кылмыш-жаза кодексинин 104-беренесинин 4-бөлүмүнүн негизинде иш козголду.

Жогорку Кеңеште жаңы шайланган министрлер Чыңгыз Айдарбеков, Азамат Жаманкулов жана Улукбек Кочкоровдор ант берди. Ант берүү аземине президент, премьер-министр жана парламент депутаттары катышты. Чыңгыз Айдарбеков Тышкы иштер министрлигинин жетекчилигине 17-октябрда дайындалган. Мурдагы министр Эрлан Абдылдаев 12-октябрда өз каалоосу менен иштен кеткен. Улукбек Кочкоров эмгек жана социалдык өнүгүү министри болуп 25-октябрда дайындалган. Бул министрликти жетектеген Таалайкүл Исакунова кызматтык... Читать дальше...

Учурда айрым мигранттар «жүк 200» боюнча өкмөттүн жардамын ала албай нааразы.

Казакстандын президенти Нурсултан Назарбаев Азияда Жамааттык Коопсуздук жана Кызматташтык Уюмун түзүүнү сунуш кылды. Бул тууралуу ал 13-ноябрда «Астана клубдун» пленардык жыйынында сүйлөп жатып билдирди. - Мындай уюмдун пайда болушу — акыры ишке аша турган нерсе. Казакстандын демилгеси менен өтүп келаткан Азиядагы өз ара карым-катнаш жана ишеним чаралары боюнча жыйындар болочоктогу коопсуздук уюмуна негиз болуп бере алат. Учурда ал жыйындарга Азия континентиндеги 30 мамлекет катышып жатат, - деди Назарбаев. Читать дальше...

КМШ өлкөлөрүнүн чек ара кызматтарынын башчылары 14-ноябрда Токмокто жыйынга чогулат. Кыргызстандын Мамлекеттик чек ара кызматы билдиргендей, ага Азербайжандан, Армениядан, Казакстандан, Орусиядан, Тажикстандан, Түркмөнстандан жана Өзбекстандан келген делегация катышат. Анда КМШ өлкөлөрүндөгү чек ара маселелери талкууланып, 2018-жылдагы ишмердүүлүктүн жыйынтыгы чыгарылат. Ошондой эле 2019-жылы жасалчу иштердин планы тууралуу сөз болот. (КЕ)

Ирандын «Рахравон-Хорасан» деп аталган логистикалык компаниясынын 30 жаштагы айдоочусу Хусейн Али Жавани 6-октябрдан бери Анжиянда камакта отурат.

Казакстандын президенти Нурсултан Назарбаев Азияда Жамааттык коопсуздук жана кызматташтык уюмун түзүүнү сунуштады.

Бишкектеги №8 үй-бүлөлүк дарыгерлер борборунун кызматкери 16 жаштагы кыздын өлүмүнө шектүү катары кармалды. Бул маалыматты “Азаттыкка” Бишкек милициясынын басма сөз катчысы Мира Абдылдаева ырастады. Милиция Кылмыш-жаза кодексинин “Медициналык кызматкердин өзүнүн кесиптик милдеттерин талапка ылайык аткарбай коюшу" беренеси менен кылмыш ишин козгоду.  - Дарыгер Кылмыш-жаза кодексинин 94-беренеси менен ("Медициналык мүнөздөгү мажбурлоо чараларын колдонуу убактысын кошуп эсептөө") Бишкек шаардык ички... Читать дальше...

12-ноябрда Киевде крым татарларынын курултайы болду. Акыркы жолу мындай чоң жыйын 2013-жылы, жарым аралды Орусия аннексиялай электе өткөн. Ал эми орус бийлиги менен кызматташкан крым татарлары октябрдын соңунда Симферополдо альтернативалуу курултайга чогулушкан.

Түркия Кыргызстанга аскердик жардамдын көлөмүн көбөйтөт. Бул туурасында Кыргызстандын Түркиядагы элчисинин кызматын аткарып келген Ибрагим Жунусов “Азаттык” радиосуна билдирди. Анын айтымында, Түркия буга чейин 1 млн. долларлык аскердик жардам көрсөтүп келсе, 2019-жылдан тартып ал сумма 2 миллионго көбөйөт. Ушул тапта Башкы штабдын жетекчилиги Түркияда жүрөт. 13-ноябрда Жогорку Кеңештин Эл аралык иштер, коргоо жана коопсуздук комитети Кыргызстандын Өзбекстандагы элчисинин кызматына Ибрагим Жунусовдун талапкерлигин жактырган. Читать дальше...

Бишкекте “Академиялык илим: көйгөйлөр жана келечек” аттуу эл аралык илимий-практикалык конференция өтөт. Ал СССР Илимдер академиясынын Кыргыз филиалынын 75 жылдыгына арналып уюштурулуп жатат. Иш-чарага Казакстан, Өзбекстан, Монголия, Тажикстан, Кытай, Беларусь, Украина, Азербайжан, Армения жана башка өлкөлөрдүн илимпоздору келишет. Бул тууралуу Кыргызстандын Улуттук илимдер академиясы билдирди.

Жалал-Абад облустук телерадиокомпаниясынын "Укуктук кеңеш" программасынын автору, юрист Чыңгыз Мырзабеков жол коопсуздугун бузган адамдарды элге жарыялап жүргөн журналисттер мыйзам бузуп жатканын билдирди. Ал Бишкектеги жана аймактардагы телеканалдардын айрым кызматкерлери жол коопсуздугун көзөмөлдөгөн тартип сакчылары менен кошо рейдге чыгып, жол эрежесин бузган жарандардын артынан сая түшүп камерага тартып, телеканалдарга же Интернетке чыгарып жатканын адам укуктарын тебелөө деп мүнөздөйт. Мындай көрүнүштү токтотуп... Читать дальше...