Новости за 22.11.2018

"Левада-борбордун" соңку сурамжылоосу Орусиянын президенти Владимир Путиндин рейтинги акыркы беш жылда биринчи жолу 60 пайыздан төмөндөгөнүн көргөзгөн. Сурамжылоого катышкандардын 56 пайызы гана 2024-жылы боло турган шайлоодо Путинге добуш бере турганын айтышкан. Бул бир жыл мурда суралгандардан 10 пайызга аз. "Левада-борбордун" маалыматына караганда, 2013-жылы да Путинди колдогондордун саны 60 пайыздан ылдый болгон. Владимир Путин Орусияны президент жана премьер-министр катары 1999-жылдан бери башкарып келе жатат. Читать дальше...

Кыргыз гидрометеорология агенттиги чукул билдирүү таратып, 24-25-ноябрда аба ырайы туруксуз болорун эскертти. Бул күндөрү абанын температурасы кескин төмөндөп, кар жаайт. Жаан-чачын катуу болушу ыктымал. Мындай аба ырайы энергетикалык, коммуналдык кызматтардын ишин жана жайлоолордо мал багууну кыйынчылыкка учуратат. Тоолуу райондордогу автоунаа жолдору тайгак, тоңголок тартып, кар күрткүлөрү пайда болот. Электр зымдарына суу кар жабышып, алар үзүлүп кетиши да ыктымал.  23-ноябрда тоолуу аймактарда жамгыр жана кар жаайт. Читать дальше...

Экс-президент Алмазбек Атамбаев мамлекеттик кызматка келгенге чейин эле ишкердиктен миллиондогон сом киреше тапканын, байлыгынын башаты каяктан келип чыкканын айтып, таржымалын тизмектеди.

Кытайдын полициясы өлкөнүн түндүк-чыгышындагы башталгыч мектептин жанында бараткан окуучулардын тобун тебелетип кеткен айдоочуну кармады. Ляонин провинциясынын Хулудао шаарында болгон бул окуядан беш окуучу көз жуумп, дагы 18и жабыркаган. Айдоочу балдарды атайын же кокусунан сүзгөнү белгисиз. Полиция окуя боюнча комментарий бере элек. Аныктыгы белгисиз видеотасмадан көрүнгөндөй, автоунаа тескери тарапка бурулуп, балдарды тебелетип кеткен. Кытайда автокырсык көп катталат. Ушул айдын башында Чунцин... Читать дальше...

Өлкөдөн качып кеткен экс-депутат, мурдагы вице-премьер-министр Аскарбек Шадиевдин ишин кароо 3-декабрга калды. Бул тууралуу “Азаттыкка” Жогорку соттун басма сөз катчысы Сюита Соурбаева  билдирди. Ишти Бишкектин Биринчи май райондук соту карап жатат. Бүгүн отурумда Жогорку Кеңештин иш башкармалыгынын каржы секторунун адиси Мураталы Рыспеков көрсөтмө берди. Ал иштен алаарын айтып коркутушканын, ошондуктан акчаны бөлүп бергенин мойнуна алды.   Биринчи отурум 5-ноябрда болгон. Шадиевге Башкы прокуратура... Читать дальше...

Бишкектеги Касымаалы Баялинов атындагы Республикалык балдар жана жаштар китепканасында гезит окуган аталар тобу түзүлгөн. Телефондон жаңылыктарды окуп, видеотасмаларды көрүүнү жактырбаган карыялар коомдо болуп жаткан окуялар тууралуу гезиттерден окуп, ошол жерде эле өз ара талкуу уюштурушат. Курагы сексенге чамалап калган карылардын айрымдары жаңы чыккан гезиттерди окуу үчүн китепканага атайын айылдардан да келишет экен.

Жайыл райондук милиция бөлүмүндө киши колдуу болгон Бурулай Турдаалы кызынын өлүмү боюнча иш Бишкектин Свердлов райондук сотунда каралып жатат. Сотко катышып жаткан кабарчыбыздын айтымында, отурумда милиция кызматкерлери сурак беришүүдө. Нөөмөттөгү кызматкердин жардамчысы Нуржигит Эсенкулов үч саатка уктоого уруксат берилгендиктен, кылмыш болгон маалда уктап жатканын айтты. Ал ошондой эле Бурулай кылмыш болгон күнү ызы-чуусуз, бөлүмгө бутунда бут кийими жок келгенин билдирди. Эсенкулов бычакты да ал тапканын кошумчалады. Читать дальше...

Орусиянын аскер чалгын мекемесинин жетекчиси, Куралдуу күчтөрдүн Башкы штабынын Башкы башкармалыгынын башчысы Игорь Коробов көз жумду. Коргоо министрлигинин маалыматына караганда, 62 жаштагы Игор Коробов көптөн бери ооруп жүргөн. Башка маалымат айтылган жок. Орусиянын аскердик чалгын кызматы акыркы кезде бир канча жаңжалга кириптер болуп, Батышта иликтөөлөр жүрүп жатат. Лондон быйыл мартта Солсбери шаарында Скрипалды жана анын кызы Юлияны химиялык зат менен ууландырып, өлтүрүүгө аракет кылганы... Читать дальше...

Ак-Суу райондук прокурорунун орун басары Уланбек Сулайманов "Азаттыкка" билдиргендей, 21-ноябрда бул факты боюнча Кылмыш-жаза кодексинин 305-1-беренесинин 3-бөлүмүнүн 5-пункту ("Кыйноо, оор кесепеттерге кептөө, ошого тете саламаттыгына оор залал келтирүү же байкабастыктан өлүмгө алып келүү") менен кылмыш иши козголду. Учурда материалдар Ысык-Көл облустук прокуратурасына жиберилди.  Ак-Суу районунун Бөрү-Баш айылынын 18 жаштагы тургуну Эрмек Касымов 22-октябрда асынып алган. Атасы аны милиция... Читать дальше...

Ички иштер министрлиги экс-президент Алмазбек Атамбаевдин "2017-жылдагы президенттик шайлоонун чыгымдары тууралуу документтер жарыялангандан кийин КСДП партиясынын штабынын эсепчисинин жана анын үй-бүлөсүнүн өмүрүнө коркунуч туулду" деп айткандарын иликтей баштады.  Бул тууралуу министрликтин басма сөз кызматы билдирди. Маалыматка караганда, КСДПнын штабынын эсепчиси быйыл 11-ноябрда, президенттик шайлоонун чыгымдары тууралуу документтер социалдык тармактарга жарыяланаардан төрт күн мурда Кыргызстандын аймагынан чыгып кеткен. Читать дальше...

“Талибан” өлкөнүн түндүк-батышында ооган коопсуздук күчтөрүнүн кербенине чабуул коюп, андан төрт жоокер каза тапты. Андан тышкары дагы жети аскер жарадар болгон. Бул тууралуу 22-ноябрда Ооганстандын расмий адамдары кабарлашты.   Ал эми Лагор провинциясындагы “Талибанга” каршы аскердик операция учурунда ооган атайын кызматтары НАТОдон абадан чабуул коюуну өтүнгөн. Аймактын башчысы Мухаммад Насир Гират бул аба чабуулунан 10 киши өлгөнүн айтып, бирок анын канчасы карапайым адам экенин тактаган жок. Читать дальше...

Казакстандын Жамбыл облустук сотунда мурдагы банкир Ержан Татишевдин өлүмү боюнча айыпталып жаткан бозгундагы саясатчы Мухтар Аблязовду өмүр бою эркинен ажыратуу жазасы суралды. Жергиликтүү маалымат каражаттарынын кабары боюнча, 22-ноябрдагы сотто прокурор Илияс Ескалиев Аблязовдун Татишевди өлтүрүүнү уюштурганы “толук далилденгенин” билдирген. Бирок адвокат Жанар Кысыкова Мухтар Аблязовдун күнөөсү далилденген жок деп эсептейт. Ержан Татишев 2004-жылы окко учуп өлгөн. Ошол кезде сот муну “кокустук” деп атап... Читать дальше...

Түркиянын Стамбул шаарында Кыргызстан сүрөтчүлөр союзунун мүчөсү Кайыргүл Казыбекованын жеке көргөзмөсү өтүп жатат. Кайыргүл атайын технология менен айнектин ичине сүрөт тартып, андан зер буюмдарды жасайт. Кыргыз сүрөтчүнүн көргөзмөсүнө келген жергиликтүү коноктор көз жоосун алган айнек экспонаттардын таржымалына кызыгып жатышты.

Депутаттар жок болгондуктан парламенттин түшкү тыныгуудан кийинки сессиясы жарым саатка кечикти.  Депутаттар саат 13:00дө бир сааттык тыныгууга чыгышкан. Сессия саат 14:00дө башталышы керек болчу.  Жыйынга төрагалык кылып жаткан вице-спикер Асел Кодуранова депутаттарды иш бөлмөлөрүнөн чакырып келүүнү тиешелүү кызматкерлерге тапшырды. Азыр он чакты гана депутат отурат. Сессияда түштөн кийин Социалдык фонддун бюджети, "Коопсуз шаар" долбоору боюнча бир катар маанилүү маселелер каралмак. (NT/BTo)

Өлкөдөн качып кеткен экс-депутат, мурдагы вице-премьер-министр Аскарбек Шадиевдин иши Бишкектин Биринчи май райондук сотунда каралып жатат. Бул тууралуу Жогорку соттун басма сөз кызматы билдирди. Биринчи отурум 5-ноябрда болгон эле. Буга чейин Шадиевге байланыштуу иш тергелип бүтүп, сотко өткөнүн Башкы прокуратура кабарлаган. Борбордук шайлоо комиссиясы (БШК) 2-ноябрда Шадиевди депутаттык мандаттан ажыраткан. Буга парламенттеги "Бир Бол" фракциясы жазган арыз негиз болгонун БШКнын төрагасынын... Читать дальше...

Жогорку Кеңеш өкмөт жана депутаттар тобу иштеп чыккан “Аба кодексине өзгөртүүлөрдү киргизүү жөнүндө” мыйзам долбоорун талкуулады. Мыйзам “Ачык асман” долбоорун ишке ашырууга шарт түзөт.

Эчен ирет камалып, куугунтуктан башы чыкпаган Казыбек казалчынын адабий мурасынын окурман журтуна жетиши оголе оорго турган.

Кыргызстандын Улуттук коопсуздук боюнча мамлекеттик комитети (УКМК) "Ош шаарынын мэри Таалайбек Сарыбашовдун орус жарандыгы бар" деген маалыматтардын чын-төгүнүн териштирет. Бул тууралуу УКМКнын атайын өкүлү Рахат Сулайманов "Азаттыка" билдирди: - Бул маалымат боюнча сөзсүз түрдө текшерүү иштери жүргүзүлөт. Анын жыйынтыгы чыккандан кийин маалымат берилет. Сарыбашовдун орус жарандыгы тууралуу маалымат буга чейин Интернетте тараган. Парламенттин бүгүнкү, 22-ноябрдагы сессиясында КСДП фракциясынын... Читать дальше...

1999-2000-жылы болгон Баткен окуясынын катышуучулары 22-ноябрда Финансы министрлигинин алдына митингге чыгышты. Алар 54 катышуучунун үй-бүлөсүнө жыл сайын берилип келген 5 миң сомдук жардамдын быйыл токтоп калганына нааразы болушту.

Парламенттин бүгүнкү, 22-ноябрдагы сессиясында "Ата Мекен" фракциясынын депутаты Наталья Никитенко экс-президент Алмазбек Атамбаевге курулган дачанын мыйзамдуулугун текшерип чыгыш керек экенин айтты:  - Мага жарандар, "Биздин укук" коомдук фонду кайрылды. Алар өз өтүнүчтөрүнө жооп алышкан экен. Бишкек архитектура башкармалыгы экс-президент Алмазбек Атамбаевге дача куруш үчүн уруксат берүүчү кагаздарды бербептир. Мындан тышкары Мамлекеттик архитектура, курулуш жана турак жай, коммуналдык чарба агенттиги тиешелүү эскпертиза жүргүзгөн эмес. Читать дальше...

Израилдин аскерлери 2018-жылдын башынан бери октябрдын соңуна чейин 18 жашка чейинки палестиналык 908 баланы камакка алган.

Европа Биримдигинин тышкы саясат боюнча жогорку өкүлү биримдик Борбор Азия менен мамилелерин бекемдөөгө чечим кабыл алыганын билдирди.

Президенттик аппарат президент Сооронбай Жээнбековдун ишке киришкенинин бир жылдыгына карата мамлекет башчынын бул убакытта аткарган иштеринин жыйынтыктарын бөлүп-бөлүп жарыялай баштады.  Аппарат 22-ноябрда тараткан билдирүүдө Жээнбековдун атына келип түшкөн кайрылуулар, кабыл алынган адамдар жана алардын маселелеринин чечилиши боюнча кабар берилди. Президенттик аппараттын жарандардын кайрылуулары менен иштөө бөлүмүнүн башчысы Саякбай Субановго шилтеме берилип айтылгандай, президенттин атына... Читать дальше...

Ош шаардык башкармалыгынын басма сөз катчысы Азамат Абсаттаров "мэр Таалайбек Сарыбашевдин орус жарандыгы бар" деген маалыматтарды четке какты. "Азаттыкка" берген комментарийинде ал Сарыбашев мурда Орусияда иштеп келгенин ырастады. Бирок орус жарандыгын албаганын айтты: - Мэрдин өзүнүн айтымына караганда, Орусиянын жарандыгын алган эмес. Бүгүнкү күндө Кыргызстандын гана жараны. Бирок мэрдин 2002-жылдарда Орусиянын Новосибирск шаарында мигрант катары иштегени чындык.  Сарыбашевдин орус жарандыгы... Читать дальше...

Ош шаардык башкармалыгынын басма сөз катчысы Азамат Абсаттаров "мэр Таалайбек Сарыбашовдун орус жарандыгы бар" деген маалыматтарды четке какты. "Азаттыкка" берген комментарийинде ал Сарыбашов мурда Орусияда иштеп келгенин ырастады, бирок орус жарандыгын албаганын айтты: - Мэрдин өзүнүн айтымына караганда, Орусиянын жарандыгын алган эмес. Бүгүнкү күндө Кыргызстандын гана жараны. Бирок мэрдин 2002-жылдарда Орусиянын Новосибирск шаарында мигрант катары иштегени чын.  Сарыбашовдун орус жарандыгы тууралуу маалымат буга чейин Интернетте тараган. Читать дальше...