Новости за 23.11.2018

Башкы прокуратура экс-президент Алмазбек Атамбаевдин Түркиядагы бизнесин сатууга байланыштуу жагдайларды териштирүүнү УКМКнын Коррупцияга каршы кызматына тапшырды. Бул тууралуу “Азаттыкка” Башкы прокуратуранын расмий өкүлү Наргиза Кубатова билдирди. Анын айтымында, Коррупцияга каршы кызмат экс-президенттин мүлкү боюнча коомдук ишмер Эдил Байсаловдун маалымат каражаттарына чыккан билдирүүлөрүн карап чыгышы керек. Буга чейин Байсалов Атамбаевдин Түркиядагы бизнесин сатууга байланыштуу текшерүүнү талап кылган. Читать дальше...

Орусиянын Куралдуу күчтөрүнүн чалгын башкармалыгы - ГРУ деген ат менен белгилүү жашыруун мекеменин жетекчиси Игорь Коробов узак оорудан кийин дүйнөдөн кайтты.

Ички иштер министрлигинин (ИИМ) аймактагы бөлүмдөрүнүн кызматкерлери акыркы бир апта ичинде республика боюнча “Камкордук” аттуу ыкчам-профилактикалык иш-чара өткөрдү. Бул тууралуу ИИМден кабарлашты. Анын жүрүшүндө 872 бала түрдүү жагдайда кароосуз жана көзөмөлсүз экени аныкталды. Базарда иштеген, кайырчылык жана селсаяктык кылган балдардын көбү кыйналып жашаган, аялуу катмарды түзгөн үй-бүлөлөрдүн, ички жана тышкы мигранттардын балдары экени такталды. Тизмеге алынган балдардын 30дан ашыгы интернатка... Читать дальше...

Украин президенти Петро Порошенко бул тууралуу бүгүн парламентте өлкө Конституциясына өзгөртүү киргизүү боюнча мыйзам долбоору каралган учурда билдирди.  Порошенконун айтымында, Киев өлкөнүн стратегиялык максаттары катары НАТОго жана Евробиримдикке кирүүнү Конституцияда жазуу  менен Москвага андан “толук жана артка кайткыс болуп” кол үзгөнүн да көргөзүүдө. Порошенко парламенттеги сөзүндө ошондой эле Орусия “агрессор” өлкө катары Украинанын Батыштагы бул эки уюмга кошулушуна “вето” коё албасын да белгиледи. Читать дальше...

Америка Конгрессинин мусулман өкүлү арабстандык оппозициячыл журналисттин өлүмү боюнча иш кагаз АКШ президентин акча менен сатып алууга болоорун айгинелегенин билдирди.

АКШнын президенти Дональд Трамп Ооганстанга барышы мүмкүн экенин 22-ноябрда ал жактагы америкалык аскерлерге телеконференция учурунда кайрылып жатып билдирди. Кийин кабарчылар андан Ооганстанга качан барышы мүмкүн экенин  тактап сураганда Трамп “ыңгайы келгенде” деп жооп берди.  АКШнын мурдагы президенттери Куралдуу күчтөрдүн башкы командачысы катары согуш аймагындагы америкалык аскерлерге утур-утур барып турушчу. Трамп азыркы кызматына киришкенден бери эки жылдай убакыт өтсө да андай кылбаганы үчүн сынга кабылып жүрөт. Читать дальше...

Пакистан өкмөтү Карачи шаарында болгон бүгүнкү окуяны Исламабад менен Бээжиндин стратегиялык кызматташтыгына каршы “кутум” деп баалады. “Балучистандын боштондук армиясы” деген козголоңчул топ жоопкерчилик алган бүгүнкү кол салуу учурунда жергиликтүү полициянын эки офицери да курман болгон. Карачинин полиция башчысы Амир Шейхтин билдиргенине караганда, үч жанкечти Кытайдын консулдугуна кирүүгө аракеттенген, бирок алар имаратка жеткирилбей эле атып өлтүрүлдү. Пакистандын телеканалдары Карачинин... Читать дальше...

Индиянын мамлекеттик  Indian Oil Corporattion (IOC) ири мунай компаниясы Иран менен түзгөн келишимдерди 2018-жылдын аягына чейин бузбай тургандыгын билдирди.

Ооганстандын Адам укуктары боюнча комиссиясы өлкөдөгү кагылышуулардын натыйжасында акыркы 6 айда эле 145тен ашуун баланын өмүрү кыйылып, 1147 бала жаракат алганын кабарлады.

AFP агенттиги Түркия президенти жакында Сауд Аравиясынын шахзаадасы Бен Салман менен жолугушу мүмкүндүгүн маалымдады.

Жалал-Абад шаарындагы №21 бакчадагы балдарга кол көтөргөнү видеого түшкөн 29 жаштагы тарбиячыга карата кылмыш иши козголду. Бул тууралуу “Азаттыкка” Жалал-Абад облустук ички иштер башкармалыгынын басма сөз катчысы Мыктыбек Турдубеков билдирди. Анын айтымында, ата-энелердин даттануусунун негизинде "Денеге залал келтирүү" фактысы ички иштер органында катталып, бала бакчада иштеген тарбиячынын өздүгү такталды. Бул факт боюнча Кылмыш-жаза кодексинин 161-беренеси менен ("Жашы жетпегендерди тарбиялоо... Читать дальше...

Ош шаарында терроризмге жана эктремизмге каршы он миңге жакын адам катышкан жөө жүрүш өттү. Бул тууралуу акцияны уюштурган Ош шаарынын мэриясы кабарлады. Акцияга мэрия өкүлдөрү, ​шаардык кеңештин депутаттары, муниципалдык ишканалардын, казыяттын кызматкерлери жана студенттер катышты. Алар колдорунда радикалдык, террористтик жана башка терс көрүнүнүштөргө күрөшүү боюнча ураандар жазылган транспаранттарды кармап жүрүштү. Социалдык тармактарда Ош шаарындагы окуу жайларынан кеминде миңдей студенттер бул иш-чарага тартылганын сындап чыгышты. Читать дальше...

Сузак районундагы автоунаа кырсыгынан үч адам каза болгонун облустук жол кыймыл коопсуздугун камсыздоо бөлүмү “Азаттыкка” билдирди. Маалыматка караганда, 20-ноябрь күнү райондун Таштак айылынын 22 жаштагы тургуну өзүнүн “Тойота Виш” үлгүсүндөгү автоунаасында кырсыкка кабылган. Ал Жалал-Абад-Казарман жолунун Сафаровка айылында бирөөнүн короосун сүзүп, катуу жол кырсыгына учураган. Натыйжада 22 жаштагы Таштак айылынын үч тургуну каза болуп, бирөө шаардык оорукананын травматология бөлүмүнө жеткирилген. Читать дальше...

Евробиримдик менен Британия келечектеги алакасын жөндөгөн саясий декларация боюнча макулдашууга жетишти. Аталган документ Брекситтен кийинки эки тараптын соода, коопсуздук жана башка тармактардагы кызматташуусу кандай жүрө турганын көрсөтөт.

Казак бийлиги полиция реформасын баштаганын билдирип, алар үчүн жаңы кийимдердин үлгүсүн көрсөттү. Карапайым тургундар формадан мурда полициянын өзү өзгөрүшү керектигин айтышууда.

Ош шаардык ички иштер башкармалыгынын кызматкерлери “Инстаграм”, “Фейсбук” социалдык түйүндѳрүндѳ жарык кѳргѳн кыздардын мушташы тууралуу видеотасма боюнча иликтѳѳ иштерин жүргүзүп, анын катышуучуларын аныктады. Мекеменин басма сөз кызматы кабарлагандай, окуя 21-ноябрда, болжол менен саат 11.00дѳрдѳ болгон. Видеотасмада бети канап, жабырланып жаткан кыз Ош шаарынын мектептеринин биринин 11-классынын окуучусу, 16 жашта экени такталды. Ал эми аны урган кыз Кара-Суу районунун Отуз-Адыр айыл ѳкмѳтүнүн жашоочусу, ал да 16 жашта. Читать дальше...

Жалал-Абад облустук ички иштер башкармалыгынын башчысы Кылычбек Жолдошов Чаткал районунун кен боюнча чыр чыкккан Терек-Сай айылынын тургундары менен жолугушту. Бул тууралуу аталган башкармалыктын басма сөз катчысы Мыктыбек Турдубеков билдирди. Анын айтымында, жолугушуу кыштактагы маданият үйүндө өттү. Ага Чаткал районунун акими, администрация өкүлдөрү, Чаткал РИИБнин өздүк курамы, Кызыл-Токой, Терек-Сай айылдарынын тургундары катышты. Эки саатка созулган жыйында социалдык маселелер, аймактагы чет элдик компаниялардын ишмердүүлүүгү... Читать дальше...

Жогорку Кеңештин 22-ноябрдагы жыйыны түшкү танапистен кийин 40 мүнөт кеч башталды. Маселен, депутаттар 13:00дө бир сааттык танаписке чыгып 14:00дө ишин баштамак. Бирок жыйында онго жетпеген гана эл өкүлү отургандыктан вице-спикер Асел Кодуранова парламенттин аппаратына депутаттарды кабинеттеринен чакырып келүүнү тапшырды. Эл өкүлдөрү анда да чогулбай дагы 15 мүнөт тыныгуу жарыяланды. Бул убакыт аралыгында парламентке чакырылган өкмөт мүчөлөрү күтүп отурду. Биз депутаттардан алардын кечиккен себебин... Читать дальше...

Кытайда жакындары камалган жарандар бүгүн, 23-ноябрда Казакстандын Алматы шаарында жыйынга чогулушту. Казакстандагы кайрылмандар менен иштеген "Ата Журттун ыктыярдуу жаштары" уюму уюштурган жыйынга Кыргызстандан онго жакын жаран барган. Ошондой эле Кытайдагы туугандарынын дайынын билбей жаткан ондогон казакстандыктар бар.  Алар батыш мамлекеттеринен, Англия, Германиядан келген журналисттерге маалымат берип жатышат. Эл аралык коомчулукка, кыргыз-казак бийлигине кайрылып, Кытайда камакта отурган жакындарын бошотууга көмөктөшүүнү суранышууда. Читать дальше...

Прокурордун өлүмүнө шектүү катары кармалган мамлекеттик кызматкер Ош шаарындагы тергөө абагына киргизилди.

Прокурордун өлүмүнө шектүү катары кармалган мамлекеттик кызматкер Ош шаарындагы тергөө абагына киргизилди.

Кыргыз-өзбек киночулары чогуу тарткан "Делбирим" тасмасы Кыргызстанда 6-декабрда чоң экрандарга чыгат. Тасманын кыргыз тилиндеги версиясы 5-декабрда Бишкектеги "Космопарк" кинотеатрында жабык көрсөтүлүп, ага өзбекстандык актерлор да катышат.  Ал эми өзбекчеси Өзбекстанда 17-ноябрда бери көрсөтүлүп жатканын кинону жараткан топ маалымдады.  Фильмди Кыргызстандын “Дан” продюсердик борбору Өзбекстандын “Узбеккино” улуттук агенттиги менен бирге Чыңгыз Айтматовдун “Делбирим” ("Кызыл жоолук жалжалым") повестинин негизинде тартты. Читать дальше...

Almighty Fighting Championship 10 чемпионатында аралаш мушташ боюнча британиялык спортчу Джек Калшоу

Бурулайдын иши боюнча Бишкектин Свердлов райондук сотунда өтүп жаткан отурумда Бурулай Турдаалы кызынын жана анын өлүмү боюнча айыпталып жаткан Марс Бөдөшевдин ата-энелери айтышып, урушуп кетти. Сотко катышып жаткан кабарчыбыз Айгерим Акылбекова кабарлагандай, сот аларды залдан чыгарууга аракет кылганына карабай отурум өтүп жаткан бөлмөдө чатакташуу он мүнөтчө созулду. Сакчылардын аралашуусунан кийин гана тараптар сыртка чыгышты. Мунун алдында эле айыпталган Марс Бөдөшевдин досу, экинчи айыпталуучу Акмат Сейитов сотто көрсөтмө берди. Читать дальше...

Жайыл райондук милиция бөлүмүндө киши колдуу болгон Бурулай Турдаалы кызынын өлүмүнө айыпталган Марс Бөдөшевдин досу, экинчи айыпталуучу Акмат Сейитов сотто көрсөтмө берди. Ал кызды ала качканын билбегенин жана окуя болгон учурда рулда болбогонун айтты: - Бурулайды ала качканын билген эмесмин. Марс менен айылга кетмекпиз , жолукканда машинеде бир кыз отуруптур. Марс аны “тууганым” деп айткан. Унчукпай эле отурган. Сосновкадан бизди кармашты. Үчөөбүздү райондук ички иштер башкармалыгына алып барышты. Читать дальше...