Новости за 31.08.2019

Орус-кыргыз өнүктүрүү фондунун төрагасы Эркин Асрандиев Тоң районунун Бар-Булак айылындагы көл жээгинен табылды. Бул тууралуу Ысык-Көл районунун акими Данир Иманалиев "Азаттыкка" билдирди. - Биз азыр аны Ысык-Көл районуна алып келебиз. Медкызматкерлерди чакырдык, - деди Данир Иманалиев "Азаттыкка" сүйлөп жатып. Орус-кыргыз өнүктүрүү фондунун башчысы Эркин Асрандиевди Ысык-Көлдө сүзүп баратканда коштоп жүргөн Нарынбек Кемелов "Азаттыктын" Ысык-Көлдөгү кабарчысы Кундуз Сырдыбаевага окуянын чоо-жайын кыскача баяндап берди. Читать дальше...

Орус-кыргыз өнүктүрүү фондунун башчысы Эркин Асрандиев Ысык-Көлдө сүзүп баратканда коштоп жүргөн Нарынбек Кемелов табылды. Ысык-Көл районунун акими Данир Иманалиевдин маалыматында, 36 жаштагы Нарынбек Кемелов Ысык-Көлдү сүзүп өтүп бара жаткан Эркин Асрандиевди желим кайык менен коштоп бараткан. Бирок катуу толкундан улам ал көл үстүнөн Асрандиевди таппай калган. Үч кеме менен издөө иштерине чыккан куткаруучулар, суучулдар Нарынбек Кемеловду көлдүн ортосунан аман-эсен табышты. Анын кайыгынын жели чыгып калганын да аким кошумчалады. Читать дальше...

Кыргызстанда быйыл мектепке барчу окуучулардын жалпы саны 1 миллион 300 миңге жакын экени маалым болду.

Орус-кыргыз өнүктүрүү фондунун төрагасы Эркин Асрандиевди Тору-Айгыр, Чоң-Сары-Ой жана Тамчы айыл аймактарынан алтымыштай киши издеп жатат.  Бул тууралуу Ысык-Көл районунун акими Данир Иманалиев билдирди. Аким катуу толкун издөө ишине тоскоолдук жаратышы мүмкүн экенин кошумчалады.  Учурда тез жүрүүчү бир кеме, Өзгөчө кырдаалдар министрлигинин "Мөлтүр" жана Чолпон-Атадагы №2 мамлекеттик резиденциянын "Москва" кемеси издөө иштерине тартылды. Каракол шаарынан да ӨКМдин суучулдары келди.  Өкмөт... Читать дальше...

Кыргызстанда быйыл мектепке барчу окуучулардын жалпы саны 1 миллион 300 миңге жакын экени маалым болду. Аларды мектепке даярдоо кыйла каражатты талап кылары белгилүү. Балдардын мектепке даярдыгы канча турат? "Азаттыктын" апта түрмөгүндө ушул теманы талкуулайбыз.

31-августта Москвада таза шайлоо жана саясий куугунтукка каршы митинг Пушкин аянтында аяктады. Айрым кишилер шаардын борбордук көчөлөрүндө дагы жүрүшкө чыкты. Митингдин катышуучуларынын жана байкоочулардын айтымында, ага 4000ге чейин киши катышты. Ал эми Москва шаардык ички иштер бөлүмү 750 киши акцияга чыкканын билдирди.   Акция жергиликтүү бийлик менен макулдашылган эмес. Бул жолу укук коргоо органдары эч кимди кармаган жок.  27-июлда жана 3-августта өткөн акцияда 2000ден ашык киши кармалып, полиция күч колдонгон. Читать дальше...

Бишкек Жылуулук электр борборун (ЖЭБ) жаңылоодогу коррупцияга байланыштуу соттук жараяндын дагы бир апталык айлампасы аяктады. Февралдан бери уланып жаткан иште күбөлөрдүн көпчүлүгү суралып бүттү.

1-сентябрда түнкүсүн жаан-чачын болбойт, күндүз кээ бир райондордо жаан жаап, күн күркүрөшү, бийик тоолуу райондордо кар жаашы мүмкүн. Батыш тараптан келген шамалдын ылдамдыгы секундасына 15-20 метрге жетиши ыктымал. Абанын температурасы: Чүй өрөөнүндө түнкүсүн 10…15, күндүз 20…25; Таласта түнкүсүн 6…11, күндүз 19…24; Баткенде түнкүсүн 12…17, күндүз 24…29; Ош, Жалал-Абад облустарында түнкүсүн 12…17, күндүз 24…29; Ысык-Көлдө түнкүсүн 8…13, күндүз 20…25; Нарын облусунда түнкүсүн 7…12... Читать дальше...

Өзгөчө кырдаалдар министрлиги тараткан маалыматка ылайык, Ала-Арча улуттук паркына жакын жерде өрт чыккан. Тилсиз жоонун от алышына куураган чөптөрдүн күйүп кетиши негиз болгон.  Учурда өрт өчүрүү кызматынын үч бөлүмүнөн жалпы 232 куткаруучу тартылды. Токой чарбасынан 15, айыл аймактан кырктай киши тартылган. Өрт боюнча кошумча маалымат берилет. (TSh)

Ысык-Көлдүн Тоң районунун Кара-Талаа айылынан сүзүп жөнөгөн Орус-кыргыз өнүктүрүү фондунун башкармалыгынын төрагасы Эркин Асрандиевдин дайыны чыкпай жатат. Азырынча окуя болгон жерге куткаруучулар жете элек. Учурда Ысык-Көл районунун акими Данир Иманалиев Тору-Айгыр айылына чыгып баратканын кабарлады. Журналист Тынчтык Алтымышов "Фейсбуктагы" баракчасына Асрандиев 25 чакырым сүзүп өтөрдө катуу толкун болуп, жанындагы жандоочтору таппай калышканын жазды. Ал арада премьер-министр Мухаммедкалый... Читать дальше...

Ат-Башыда жаңы ачылган кыш заводу иштебей турат. Буга райондук электр тармактар ишканасы 20 миң сомдон ашык карыз төлөнбөй жатат деп, жарыкты өчүрүп кеткени себеп болгон. Ал эми заводдун жетекчилиги муну бийликтин кысымы катары баалады. Ал электр энергиясына карызы жок экенин, мунун айынан азыр алтымышка жакын жумушчу ишсиз отурганын айтып жатат.

Билимбек Беккелди уулу - жаш мугалим. Ал Кыргызстан эгемендик алган 1991-жылы 1-сентябрда төрөлгөн. Кыргыз тилинен сабак берген жаш мугалим өлкөнүн абалын өзүнө окшоштурат.

Кыргызстандын мамлекеттик чек ара кызматынын маалыматында, Баткен районундагы Таш-Тумшук айылында такталбаган аймактагы жолго тажик тарап асфальт төшөй баштаган. Буга каршы болуп жергиликтүү эл чогулган. Окуя болгон жерге кыргыз тараптын чек арачылары барып, асфальт төшөө иштерин токтотууну талап кылышкан. Бирок тажик тарап таш менен ургулап баштаганда кыргыз чек арачылары асманга ок аткан. 31-декабрда эртең менен болгон бул окуя боюнча эки тараптын чек ара кызматынын, укук коргоо органдарынын өкүлдөрү... Читать дальше...

Чүйдүн Кемин районунда жашаган Гүлмира аттуу активист эне “Азаттык” радиосуна ЛГБТ коомчулугу тууралуу ой бөлүштү.

Ишемби күнү Одесса шаарында “Тең укуктуулук маршы” деп аталган жүрүшкө жүздөгөн адам чыкты. “Азаттык” радиосунун украин кызматынын кабарлашынча, акцияга чет өлкөнүн элчиликтеринен өкүлдөр кошулган.    Бул жүрүштү сексуалдык азчылыкка каршылар үзгүлтүккө учуратууга аракет кылган. Алардын бири колуна "Гомосексуализм – өкүм эмес, тандоо бар” деген жазууну көтөрүп алган. Акцияга каршы чыккан бир нече кишини полиция кармап кетти. (TSh)

Чолпон-Ата шаарында өтүп жаткан көк бөрү боюнча Кыргызстандын президентинин кубогун "Достук" командасы утуп кетти. Оюн бүтөөрүнө 15 секунда калганда "Достуктун" оюнчусу Майрамбек Рыспеков бир улак салып, жеңишти камсыздады.

Кыргызстандын Эгемендик күнүнө карата Чолпон-Ата шаарында, көкбөрү боюнча өткөн Президенттин кубогун Оштун "Достук" командасы утуп алды. Финалда "Достук" Таластын "Ынтымак" командасын 3:2 эсеби менен жеңди. Оюндун биринчи бөлүгүндө Сейитбек Анарбек уулу улак салып, “Ынтымактын” оюнчулары эсепти ачты. Экинчи таймда Манас Ниязов атаандаштын тай казанына эки жолу улак салып, “Достук” командасы алдыга чыккан. Оюндун акыркы бөлүгүндө "Ынтымактын" оюнчусу Нуржан Мелисбек уулу эсепти теңегенге үлгүрдү. Читать дальше...

Өлкө башчы экономикалык жана социалдык маселелерди чечүүгө чакырды.

Америка Кошмо Штаттарынын президентти Дональд Трамп Кыргызстандын мамлекет башчысы жана кыргызстандыктарды эгемендик күнү менен куттуктады. Бул тууралуу президенттин сайтында жазылды. «Өткөн 28 жыл аралыгында эки өлкөнүн мамилеси элибиздин ортосунда күчтүү байланыштын түзүлүшүнө салым кошту. Быйыл кайрадан башталган биздин диалогубуз, мамилелерибиздин позитивдүү багытта өнүгүп жатканынан жакында жаңы эки тараптуу кызматташуу жөнүндө келишимдин түзүлүшүнө алып келет деп үмүттөнөм», - деп жазылган... Читать дальше...

Кыргызстандын биринчи президенти, 2005-жылы 24-мартта элдик толкундоолордон кийин өлкөдөн чыгып кеткен Аскар Акаев эгемендик күнүнө карата кайрылуу таратты. Анда Акаев бул күндү өлкөнүн алгачкы президенти катары сыймыктануу менен белгилерин билдирген. “Бүгүн элибизге тынчтык, ынтымак, биримдик аба менен суудай зарыл. Карт тарыхка ээ Кыргызстан эгемендикке чейин, көз карандысыздыкты алгандан кийин да катаал сыноо, ийгилик, катачылыктарды башынан кечирди”, - деп жазган кайрылууда.   Жакында эле... Читать дальше...

АКШ президенти Дональд Трамптын администрациясы Орусиянын жарандарын Гуам жана Түндүк Мариан аралдарына визасыз киргизген режимди токтотот. Бул тууралуу  "The Guam Daily Post" басылмасы Мариан аралынын Конгресстеги өкүлү Григори Сабланага таянып кабарлады. Гуам жана Түндүк Мариан АКШга караштуу аралдар. Анын аймактарында Жапония, Түштүк Корея сыяктуу Батыш Азиянын элдерине белгилүү курорттор жайгашкан. Орусиянын жарандарына аралга визасыз кирүүгө уруксат 2012-жылы берилген.  "The Guam Daily Post" басылмасынын маалыматында... Читать дальше...

Телебаяндарыбызды Баткендин борборунан 130 чакырым алыс, жолу катаал Зардалы айылындагы турмуш тууралуу баян менен баштайын. Тоо коюнундагы Зардалы айылында туруктуу отуздай гана үй-бүлө жашайт. Алардын арасында балдары менен турган Гүлайым Эргешова да бар. Ал мектепте мугалим болуп иштейт. Күйөөсү Орусияда иштеп жүргөндүктөн үйдөгү түйшүктүн баары Гүлайымдын мойнунда. Кышы узак, электр энергиясы жок, автоунаа каттабаган Зардалыдагы мугалимдин турмушу азыр сиздерге тартуулана турган тасмада камтылган. Читать дальше...

31-августта Кыргызстандын эгемендик алганына 28 жыл болду. Көз карандысыздык күнү Бишкектеги Ала-Тоо аянтында белгиленип, президент Сооронбай Жээнбеков кыргызстандыктарды майрамы менен куттуктады. Өлкө башчы өз сөзүндө саясат менен ашкере алектенүүнү азайтып, экономикалык жана социалдык маселелерди чечүүгө чакырды.

Кыргызстандын эгемендик алганынын 28 жылдыгына байланыштуу бир катар мамлекеттердин президенттери өлкө башчысы Сооронбай Жээнбековду жана кыргызстандыктарды куттуктаган билдирүү таратышты. Алардын куттуктоолору президенттин сайтына жарыяланды. Кытай мамлекетинин лидери Си Цзиньпиң «кытай-кыргыз ортосундагы ар тараптуу стратегиялык өнөктөштүктү жаңы тепкичке чыгаруу үчүн сиз менен биргелешип аракет жасоого даярмын» десе, Орусиянын президенти Владимир Путин «стратегиялык өнөктөштүк, Кыргызстан... Читать дальше...

Эгемендиктин 28-жылдыгын урматына Бишкекте салтанаттуу иш-чаралар өттү.