Новости за 14.10.2019

Испаниянын Жогорку соту каталониялык жикчилдердин тогуз лидерин тогуз жылдан 13 жылга чейинки мөөнөттөргө эркинен ажыратты. Сот аларды Каталониянын эгемендиги боюнча 2017-жылы өткөн референдумда «элди өкмөткө каршы тукурганы үчүн» күнөөлүү деп тапты. Бул айыптан сырткары «мамлекеттик каражатты туура эмес пайдаланган» деген айып коюлган Каталониянын мурдагы вице-президенти Ориол Жункерас эң узак мөөнөткө же 13 жылга кесилди. Үч соттолуучуга бийликке баш ийбегени үчүн айып пул салынды. 12 соттолуучунун баары айыптарды четке кагышкан. Читать дальше...

Кримтөбөл Азиз Батукаевдин абактан мыйзамсыз бошотулушу боюнча баштапкы соттук отурум 15-октябрга жылдырылды. Буга айыпталуучулардын бири, мурдагы президент Алмазбек Атамбаев сотко келүүдөн баш тартканы себеп болду. Атамбаевдин адвокаты Замир Жоошевдин айтымында, УКМКнын тергөө абагында кармалып турган мурдагы президент бул сотко катышууну каалабайт. Кримтөбөл Азиз Батукаев 2013-жылы «айыккыс илдетке чалдыкты» деген негизде мөөнөтүнөн мурда түрмөдөн чыгып, атайын коштоо менен Бишкекке жеткирилип, Орусияга учуп кеткен. Читать дальше...

«МувГрин» экологиялык коомдук уюмунун жетекчиси Мария Колесникова Бишкек шаарынын башчысын түз шайлоо боюнча демилгечи топ түзүлүп жатканын маалымдады.

АКШ Сириянын түндүгүндөгү миң жоокерин эвакуциялап, коопсуз жайга жайгаштырганы жатат. Анын алдында Франция бул аймактагы аскерлери менен жарандарынын коопсуздугун камсыз кылыш үчүн чукул чара көрөрүн айткан. Аталган аймактагы күрд кошуундарына каршы Түркия 9-октябрда жортуул баштаган. Анкара аскердик операциясынын башкы максаты өзүнүн чек арасында «коопсуз аймак» түзүү аракети катары түшүндүрүп жатат. Ал арада сириялык күрддөрдүн күчтөрү түрк жоокерлеринин чабуулунун мизин кайтаруу боюнча расмий... Читать дальше...

«Манас» эл аралык аэропортунун 40тай кызматкери бүгүн жетекчиликтин акыркы чечимдерине нааразылыгын билдирип чыкты. Бул тууралуу «Азаттыкка» кызматкерлердин бири Рахат Боронбаев билдирди. Анын айтымында, аэропорттун жетекчилиги бир нече коопсуздук кызматкерин акы төлөнбөгөн эс алууга чыгууга мажбурлап жатат. - Мындай жол менен аэропорт жетекчилиги кызматкерлерди жумуштан бошотуп, ордуна башка адамдарды алып келүүнү каалап жатат, - деди Боронбаев. Буга байланыштуу 40га жакын кызматкер аэропорттун аймагына чогулуп, нааразылыгын билдирүүдө. Читать дальше...

Кримтөбөл Азиз Батукаевдин түрмөдөн мыйзамсыз бошотулушуна байланыштуу кылмыш иши боюнча Бишкектин Биринчи май райондук сотунун баштапкы отурумуна келүүдөн мурдагы президент Алмазбек Атамбаев дагы бир жолу баш тартты. Бул тууралуу анын жактоочусу Замир Жоошев билдирди. Ал Атамбаевге бүгүн эртең менен жолукканын жана мурдагы президент тергөө изоляторунун жетекчилерине сотко барбай турганы боюнча арыз жазып бергенин кошумчалады.  - Алмазбек Шаршенович «сот жана күч органдары мыйзамдын талаптарын... Читать дальше...

Польшада 13-октябрда өткөн парламенттик шайлоонун болжолдуу жыйынтыгына ылайык, Ярослав Качиньскийдин "Укук жана акыйкат" улутчул-консервативдик партиясы 45 пайыздан ашык добуш алды.  Оппозициялык, борборчул "Жарандык коалиция" партиясын шайлоочулардын 26 пайыздан көбү колдоду.  Анын курамындагы оппозициялык ири партия "Жарандык платформа" өлкөнү 2007-2015-жылдары башкарган. Бул партияны адатта бийликке нааразы шаардыктар колдойт.  Шайлоодо "Солчулдар күчү" 12, дыйкандардын "Кукиз-15" партиясы... Читать дальше...

Украинанын президенти Владимир Зеленский Мекенди коргоочулардын күнүнө карата «Фейсбуктагы» баракчасы аркылуу кайрылуу таратты. Анда укук коргоо органдарын ушул күнү тынч жыйынга чогулгандарды урматтоого, алардын коопсуздугун камсыз кылууга чакырды. Ал ошондой эле акциянын катышуучуларына кайрылып, «орус телеканалдарынын табасын кандырып, чырагына май тамызуу» максатында уюштурулушу мүмкүн деген чагымга алдырбоого чакырды. Ички иштер министрлиги 14-октябрда өлкө боюнча 300дөй иш-чара өтөрүн, Киевде ардагерлер... Читать дальше...

Президент Сооронбай Жээнбеков Азербайжандын борбору Баку шаарында өтө турган жумуш сапарынын алкагында бүгүн, 14-октябрда азери президенти Илхам Алиев, Казакстандын тунгуч президенти Нурсултан Назарбаев жана Түркиянын жетекчиси Режеп Тайып Эрдоган менен өзүнчө жолугушууларды өткөрөт. Президент Жээнбеков баштаган расмий делегация Бакуга бүгүн жөнөп кетет. Делегациянын курамында тышкы иштер министри Чыңгыз Айдарбеков, финансы министри Бактыгүл Жээнбаева, экономика министри Санжар Муканбетов, маданият... Читать дальше...

Улгайган курагында кароосуз калган Надежда Бежецких жарым жылдан ашык убакыттан бери Каракол шаарындагы аялдарды коргоо борборунда жашап келет. Соңку жети жылдан бери ар кайсы жерде баш калкалап калган эне кыздары менен катташпайт. Өз ара келишпестиктен улам алар тил табыша албай жүрүшөт.

Бишкек шаардык соту мурдагы президент Алмазбек Атамбаевдин тарапкери, 7-8-августта Кой-Таштагы башаламандыкты уюштурууга байланыштуу шек саналган Амантур Жамгырчиевдин бөгөт чарасын өзгөртүүсүз калтырды. Бул тууралуу «Азаттыкка» Жамгырчиевдин адвокаты Бактыбек Жумашев билдирди. Анын айтымында, кылмышка шектүү 9-декабрга чейин Бишкектеги №1 тергөө абагында кармалат. 7-8-августта Кой-Таш айылындагы үйүндө мурдагы президент Алмазбек Атамбаевди кармоо операциясы жүргөн. Анда УКМКнын «Альфа» атайын... Читать дальше...

Майрамдык иш-чаралардын уюштуруучусу, Бишкекте каза болгон Егор Паньшиндин өлүмү боюнча сотко чейинки текшерүү башталды. Бул тууралуу Бишкек шаардык милициясы кабарлады. Маалыматка ылайык,  44 жаштагы Паньшиндин өлүмүнүн себебин аныктоо боюнча тиешелүү экспертизалар дайындалды. Егор Паньшиндин сөөгү 13-октябрда Бишкектин «Асанбай» кичирайонундагы сейил бактан табылган. Анын жакындары Паньшин эртең мененки сейилдөө маалында каза болгонун билдиришкен. Бирок милиция ивент-менежер өз өмүрүнө кол салган деген версия каралып жатканын кабарлады. Читать дальше...

Автотранспортту каттоо жана айдоочулук күбөлүк берүү департаментинин Бишкек шаардык бөлүмүнүн мурдагы башчысы Насирбек Алмаматовду пара алууга байланыштуу айыптап, 12,5 жылга эркинен ажыратуу боюнча райондук соттун чечими 3 миллион 300 миң сом айып пул салууга алмаштырылды. Бишкек шаардык соту ушундай чечимди 9-июлда кабыл алганын бүгүн аталган соттун өкүлдөрү ырасташты. Маалыматка ылайык, июль айында Алмаматовдун адвокаты менен мамлекеттик айыптоочунун арыздары каралып, шаардык сот буга чейинки райондук соттун өкүмүн өзгөрткөн. Читать дальше...

Кыргызстан 2030-жылга чейинки өнүгүү жолун аныктаган «Жаңы доорго кырк кадам» программасынын алкагында 2018-жылы «Калктын психикалык саламаттыгын коргоо жөнүндө» өкмөттүк программасын кабыл алган.

Ак-Талаа районунун акими болуп Сейтек Кулубаев дайындалды. Бул тууралуу өкмөт кабарлады. Бүгүн облус башчысы Эмилбек Алымкулов Кулубаевди райондун активи менен тааныштырды. 48 жаштагы Кулубаев буга чейин 2010-2013-жылдары Ак-Талаа районунун акими болуп эмгектенген. Бирок ошол кездеги премьер-министр Жантөрө Сатыбалдиевдин «мамлекеттик кызматкерлер милдетин так аткарбай жатат» деген жүйө менен чыгарылган буйругунун негизинде кызматтан кеткен. Ак-Талаа районунун мурдагы акими Нурбек Молдакадыров... Читать дальше...

Мурдагы министр Темирбек Акматалиев «РСК Банктын» директорлор кеңешине мүчө болуп кирди. Мындай маалымат Мамлекеттик мүлктү башкаруу фондунан алынды. Ага ылайык, аталган банктын акционерлери 8-октябрда жыйынга чогулуп, директорлор кеңешинин курамын шайлашкан. Анын жыйынтыгында Адилет Жакыбалиев, Сталбек Сазбаков жана Темирбек Акматалиев банктын директорлор кеңешинин мүчөсү болуп кирген. Ал эми кеңештин мүчөсү Данияр Бекболотов өз ордунда калды. Фонддун маалыматы боюнча жакынкы күндөрү директорлор кеңешинин төрагасы шайланат. Читать дальше...

Ирандын тышкы иштер министрлигинин расмий өкүлү Аббас Мусави ондогон адамдардын курмандыктарына жана кыйроолорго алып келген Япониядагы катуу бороон жана селге байланыштуу бул өлкөнүн өкмөтүнө, элине жана жабыркагандарга терең кайгыруу менен көңүл айтты.

Бишкектеги Шубин атындагы музыкалык мектептин окуучусу Эсен Жыргалбеков Азербайжанда өткөн жаш вокалисттердин эл аралык конкурсунда 3-орунга татыды. Бул тууралуу Маданият, маалымат жана туризм министрлиги кабарлады. Маалыматка ылайык, аталган конкурска 15тен ашык өлкөдөн жаш музыканттар катышкан. 11 жаштагы Эсен Токтогул Сатылгановдун «Алымкан» аттуу чыгармасын аткарган. «Мугам» деген эл аралык конкурсту Азербайжандын Маданият министрлиги уюштуруп келет.

Йоанна Енджейчик менен Мишель Уотерсондун негизги беттешинен америкалыктардын мушташы кызыктуураак болгону айтылат.

Исламабад чөлкөмдөгү ири атаандаштар болгон Иран менен Сауд Арабиясын сүйлөшүүлөр үстөлүнө отургузууга колдон келишинче аракет кылат. Бул тууралуу Пакистандын премьер-министри Имран Хан 13-октябрда Тегерандагы сапарында жүрүп билдирди.

Орусиянын тик учак чыгарган компаниясы Кытайга “Mi-171” үлгүсүндөгү алгачкы учагын Кытайга жеткирип бергенин маалымдады.

Баткендин облус болуп түзүлгөнүнө 20 жыл толду. Аймактын ийгилик жана өксүктөрү жөнүндө талдоочу Хаитали Айкынов ой бөлүштү.

Мелдеш 26-октябрда болот. Жеке таймаштагы жеңүүчүлөр менен байге ээлерине медаль, диплом жана белектер берилет. Ал эми биринчи орунду алган командалар жана алдыңкы орун ээлери кубок жана түрдүү даражадагы дипломдор менен сыйланат.

Чүй облусунда жол эрежесин бузуп, инспекторлордун мыйзамдуу буйругуна баш ийбеген айдоочуга курал колдонулду. Далысынын жогорку бөлүгүнөн жаракат алган айдоочу Кант шаарындагы ооруканага жеткирилген. Бул тууралуу Жол кыймыл коопсуздугун камсыздоо башкы башкармалыгы билдирди. Маалыматка ылайык, окуя 12-октябрь күнү Чүй облустук ички иштер башкармалыгынын жол коопсуздугун көзөмөлдөө бөлүмүнүн кызматкерлери «Бишкек-Нарын-Торугарт» жолунда «Дэу Нексия» патрулдук автоунаасы менен нөөмөттө турган учурда болгон. Читать дальше...

Жыпаркүл Иманкалиева аттуу жаран уурулукка шектүү катары кармалган баласы Медет Бейшеков бир жарым айдан бери күнөөсүз камакта отурганын айтып, өлкө башчысы Сооронбай Жээнбековго кайрылган. Анын видео кайрылуусун «Kaktus.media» агентиги «YouTube» каналына жарыялады. «Мойнуна илип атышат. Ал күнү балам Бостери шаарында досунун тоюнда отурганы, орозонун биринчи күнү болуп, кызым экөө ооз бекиткени боюнча далилдер бар. Видео, фото, күбөлөр боюнча далилдер бар. Ошондой болсо да баламды Бишкектеги №1 тергөө изоляторунда кармап турушат. Читать дальше...