Новости за 31.01.2020

Ирандык спортчу, таэквондо чебери Фарзад Золгадри быйылкы Токио Олимпиадасына Болгариянын атынан катышуу ниети бар экенин айтып, «мындай чечимдин артында саясат жок» деп кошумчалады. Бир нече апта мурун дагы бир таэквондочу, Ирандын аялдар арасында жападан-жалгыз Олимпиада чемпиону Кимия Ализаде Германияга кеткен. Спортчу мекенинде аны үгүт максатында пайдаланып жатышканына даттанган. 30-январда Софияда Болгариянын курама командасы менен машыгуудан кийин Золгадри «спорттун бул түрү Болгарияда өтө популярдуу... Читать дальше...

Президент Сооронбай Жээнбеков 31-январда Мамлекеттик мүлктү башкаруу фондунун төрагасы Жылдызбек Исакуловду кабыл алып, мүлктү башкаруу системасын санариптештирүүнүн жүрүшү тууралуу маалыматты укту. Бул тууралуу президенттин сайты жазды. Исакулов ижарага берилген 10 500 мамлекеттик мүлк объектисин көрсөтүү менен электрондук реестр иштелип чыкканын маалымдады. 2018-жылы мамлекеттик мүлктү ижарага берүүдөн түшкөн киреше 100 миллион сомго жакын болсо, 2019-жылы электрондук сатууну жана электрондук аукционду киргизүү менен 191 млн. Читать дальше...

Балыкчы шаарындагы Лев Толстой атындагы №1 мектеп-гимназиясы өз бүтүрүүчүсүнөн 56 миллион сомдук жардам алды. Акчалай жардамды азыр Британияда жашаган, Орусиядагы эң бай 200 ишкердин бири Юрий Шефлер берди.

Экономикалык кылмыштарга каршы күрөш боюнча мамлекеттик кызмат (Финансы полициясы) Бишкек аймактык башкармалыгынын Милдеттүү медициналык камсыздоо фондунун (ФОМС) жетекчиси 1800 евро (143 миң сом) пара алып жаткан жеринен кармалганын маалымдады.  Финполиция шектүү жетекчи чет өлкөгө жумушка бараткан адамга медициналык аныктама жана башка документтерди даярдап бериш үчүн андан акча талап кылганын билдирди. 31-январда Биринчи май райондук сотунда шектүүнүн бөгөт чарасы каралат. Учурда тергөө жүрүп жатат. Читать дальше...

Саламаттык сактоо министрлиги Кытайдан тараган коркунучтуу илдетке байланыштуу өлкө боюнча дарыканаларды, фармакологиялык ишканаларды бир кишиге 20 гана медициналык беткап сатууга чакырууда.   Мекеме ошондой эле башка медициналык дары-дармек, жабдыктардын баасын кырдаалдан пайдаланып көтөрбөш керек экенин эскертет. Учурда Кыргызстан Түркиядан, Кореядан жана Индиядан медициналык беткап алып келүү боюнча сүйлөшүүлөрдү жүргүзүп жатат. Дүйшөмбүдө 500 миң беткап келиши күтүлүүдө. (TSh)

АКШнын мамлекеттик катчысы Майк Помпео Киевге барды. Вашингтондун жогорку өкүлү украин президенти Владимир Зеленский жана башка жетекчилер менен жолукканы жатат. Мамлекеттик департамент маалымдагандай, Помпео украин бийлигинин Орусиянын «агрессиясына» каршы туруу жана коррупцияны жоюу аракеттерине АКШнын атынан колдоосун билдирет. Мамлекеттик катчынын иш сапары Сенатта президент Дональд Трампка импичмент жарыялоо процесси уланып жаткан убакка туш келди. Демократтар Трампты «украин президентинен... Читать дальше...

Кыргыз өкмөтү жергиликтүү мамлекеттик администрация жетекчилерине балдарга карата катаал мамиленин жана зордук-зомбулуктун алдын алуу боюнча райондук штабдардын ишин күчөтүүгө тапшырма бергенин кабарлады. Жакында райондук штабдар мигранттардын балдары тарбияланып жаткан үй-бүлөлөргө мониторинг жүргүзүш үчүн кожолуктарды кыдырып, балдарга карата физикалык жана психологиялык жактан зомбулук көрсөтүүгө, катаал мамиле кылууга жол бербөө тууралуу калкка түшүндүрүү иштерин жүргүзөт. Ошондой эле өкмөт... Читать дальше...

Матраимовдордун үй-бүлөсүнүн адвокаты Канатбек Азиз Мамлекеттик бажы кызматынын жетекчисинин мурдагы орун басары Райымбек Матраимов менен кытайлык ишкер Айеркен Саймаитинин финансылык жана башка байланыштары жок деп эсептейт.  Ал бул тууралуу 31-январда кытайлык ишкер Айеркен Саймаитинин өлүмү, анын Кыргызстандын аткаминерлери менен байланышы, ага кыргыз паспортунун мыйзамсыз берилиши жана башка маалымат каражаттарына жарыяланган жагдайлар боюнча түзүлгөн депутаттык комиссиянын кезектеги жыйынында айтты. Читать дальше...

Былтыр жайында Казакстанда бир катар адвокаттарга жана журналисттерге кол салуу, алардын ишине атайылап тоскоолдук кылган учурлар болгон.

Американын расмий адамдары CNN телеканалына берген маектеринде Ирандын АКШнын Ирактагы базаларына жасаган ракеталык чабуулунда мээсинен жабыркаган  америкалык аскерлердин саны 64кө жеткенин билдиришти.

30-январда Акыйкатчы институтунун кызматкери Кой-Таштагы окуялар боюнча оор кылмыштарга шектүү катары абакта отурган Равшан Жээнбеков менен жолугуп чыкты. Бул тууралуу мекеменин басма сөз кызматы маалымдады.  Камактагы саясатчы жаткан камераны текшерип тинтүү түнкү убакта болгонуна нааразылыгын билдирген.  «Бир күн кечке чейин тергөө иштеринде болгондуктан, кечкисин мен эс алышым керек. Кызматкерлер саат 20:00 кийин тинтүү жүргүзгөнгө укугу жок. Андан тышкары ар бир камерада бир кишиге 3.5 кв.м жер болушу зарыл. Бирок... Читать дальше...

Ат-Башы районунда кытайлык ишкерлер кура турган соода-логистика борборунун курулушуна нааразылык акциялары өтүүдө.

Мамлекеттик салык кызматы 2019-жылы жарандардын кайрылууларынын жыйынтыгы боюнча мекеменин 58 кызматкерин жазалады. Бул тууралуу улуттук «Кабар» маалымат агенттиги жазды. 2019-жылы Мамлекеттик салык кызматына 179 кайрылуу, даттануу келип түшкөн. Алардын ичинен жазуу жүзүндө – 82 билдирүү, электрондук почта боюнча - 46, «ишеним телефонуна» – 48 жана массалык маалымат каражаттары аркылуу – 3.  Бул кызмат жарандардын жана салык төлөөчүлөрдүн кайрылууларын өз убагында ыкчам кароо максатында төмөнкү телефондорду ишке киргизген. Читать дальше...

Кытайлык ишкер Айеркен Саймаитинин өлүмүн иликтөө боюнча депутаттык комиссиянын жыйыны өтүп жатат. Анда Мамлекеттик бажы кызматынын төрагасынын мурдагы орун басары Райымбек Матраимовду жана бул иште аты аталган депутаттарды да чакырууну сунушталды.

Жогорку Кеңештеги «Республика - Ата Журт» фракциясынын депутаты Мирлан Жээнчороев Айеркен Саймаити жана анын фирмасы «Абдыраз» аркылуу чыгарылган күмөндүү акча Кыргызстандын бюджетине тиешеси бар экенин айтты. Эл өкүлү бул тууралуу 31-январда Саймаитинин ишмердигин жана өлүмүн иликтөө боюнча депутаттык комиссиянын жыйынында билдирди:  - Журналисттер мамлекеттик органдарга маселени көргөзүп берди. Ал акчанын булагы кайдан, кимден алган, ал кантип жүгүртүлгөн - аны укук коргоо органдарынан сурашыбыз керек. Читать дальше...

31-январда кытайлык ишкер Айеркен Саймаитинин өлүмүн иликтөө боюнча депутаттык комиссия парламентте Саймаитинин Кыргызстандын аткаминерлери менен байланышы, ага кыргыз паспортунун мыйзамсыз берилиши жана башка маалымат каражаттарына жарыяланган жагдайлар боюнча жыйын өткөрүп жатат. Ага «Азаттык Медиа» мекемесинин жетекчиси Айзада Касмалиева да катышууда. Касмалиева депутаттардын суроолорго жооп берүүнүн алдында журналистик иликтөөлөрдүн маңызын кыскача түшүндүрүп кетти. Анда Касмалиева «Азаттыктын»... Читать дальше...

«Кыргызмунайгаз» ишканасы Коопсуздук кеңешинин астындагы антикоррупциялык стратегияны ишке ашыруу боюнча жумушчу топтун мүчөсү, юрист Кайрат Осмоналиевди жалган маалымат таратканы үчүн деген негизде жоопко тартуу боюнча арызы сотко чейинки өндүрүшкө кабыл алынганы белгилүү болду.

2020-жылдын 30-январында ыкчам-тергөө иштеринин жүрүшүндө, өзүнүн иш бөлмөсүндө пара алуу учурунда Чүй областынын Аламүдүн районунун сот аткаруу кызматынын бөлүмүнүн соттук аткаруучусу 1982-ж.т. “Н.Т.” кармалды.

Маркум Айеркен Саймаитинин ишмердигин жана өлүмүн иликтөө боюнча депутаттык комиссиянын мүчөсү, депутат Мирлан Жээнчороев комиссияга Мамлекеттик бажы кызматынын төрагасынын мурдагы орун басары Райымбек Матраимовду жана бул иште аты аталган депутаттарды да чакырууну сунуш кылды. Бул тууралуу Жээнчороев комиссиянын 31-январдагы жыйынында айтты:  - «Азаттыктын» иликтөөсүндө жана коомчулукта сын айтылып жүргөн Райымбек Матраимовду, депутаттар Алтынбек Сулаймановду, Дүйшөн Төрөкуловду комиссияга чакырсак. Читать дальше...

Орусиянын вице-премьери Татьяна Голикова коронавируска байланыштуу 31-январдан баштап “Москва – Пекин – Москва” поезд каттамдарынан башка Орусия менен Кытайдын ортосундагы бардык темир жол каттамдары токтотуларын билдирди.

Коопсуздук кеңешинин коррупцияга каршы мамлекеттик саясат стратегиясын ишке ашырууну көзөмөлдөө боюнча жумушчу тобунун 30-январдагы жыйынында Мамлекеттик каттоо кызматынын «Унаа» мекемесинин ишмердүүлүгүн карап, өкмөткө ишкананын директору Алымжан Козубаевди кызмат ордунан бошотуу сунушталды. Бул тууралуу президенттин сайты жазды. Коопсуздук кеңешинин катчысы Дамир Сагынбаев жүргүзүлгөн мониторинге ылайык, «Унаа» мамлекеттик мекемесиндеги коррупциялык системаны жокко чыгаруу боюнча берилген тапшырмалардын көбү аткарылбай калганын белгиледи. Читать дальше...

Белгилүү журналист, акын, котормочу Эрнис Асек уулу 29-январда 49 жашында дүйнөдөн өттү. Ал «Асаба», «Агым», «Де-Факто» гезиттеринде башкы редактор болуп эмгектенген. Адабий чөйрөдө өзгөчө стили бар акын, дүйнөлүк адабияттан бир топ чыгармаларды кыргызчалаган котормочу катары белгилүү болчу.

Кыргызстандын Улуттук коопсуздук боюнча мамлекеттик комитети (УКМК) Орусиянын атайын кызматтарынын окуу жайларына кабыл алуу жарыялаганын айрым укук коргоочулар сындап чыгышты. Алардын бири, укук коргоочу Динара Ошурахунова өлкөнүн атайын кызматы чет өлкөнүн коопсуздук кызматынын окуусуна кабыл алып жатканы «эгемендүүлук жана коопсуздук маселесине доо кетирбейби» деп суроо салат. Укук коргоочу Кыргызстан өзүнүн атайын кызматынын адистерин даярдоочу окуу жайын ачышы керек деп эсептейт. УКМКнын расмий... Читать дальше...

31-январда премьер-министр Мухаммедкалый Абылгазиев иш сапары менен Алматы шаарына барып, Евразия өкмөт аралык кеңешинин кезектеги жыйынына катышат. Бул тууралуу өкмөттүн сайты жазды. Өкмөттүн маалыматына караганда, жыйында 14 маселе талкууланат. Анын ичинде Евразия Экономикалык Биримдигинин (ЕАЭБ) ички рыногундагы тоскоолдуктар, берилген тапшырмаларды аткаруу, санариптик транспорттук коридорлордун экосистемасын калыптандыруу сыяктуу маселелер каралат. Буга чейин Жогорку Кеңештин депутаты Азамат... Читать дальше...

Тышкы иштер министрлиги жана Кыргызстандын Кытайдагы элчилиги Ухань шаарынан жана Кытайдын башка аймактарындагы кыргыз жарандарын алып чыгуу кетүүнүн бир нече вариантын иштеп чыгууда. Бул тууралуу өлкөнүн тышкы саясий мекемеси билдирди.  ТИМ Кыргызстандын Кытайдагы элчилиги жана консулдуктары Кытайдагы кыргызстандыктардын кайрылууларын кабыл алып жатканын маалымдады. Ошондой эле Кытайдагы жарандардын Кыргызстандагы жакындары кеңеш берүүгө жана ар кандай жардам көрсөтүүгө даяр экенин белгилейт.... Читать дальше...