Новости за 06.11.2020

Литванын чек арачылары өлкөнүн түштүк-чыгышында Шальчининкай районундагы токойдо жүргөн, чек арадан мыйзамсыз өтүп келген 19 адамды кармады. Мамлекеттик чек араны кайтаруу кызматы алардын бешөө эркек, төртөө аял, ал эми калгандары жашы жете элек балдар экенин билдирди. Кармалган адамдар Литвага Беларус тараптан өтүп келгени белгилүү болду. «Алар чечен улутундагы Орусиянын жарандары экенин айтышты. Колдорунда документтери, буюм-тайым салынган баштыктары болгон. Алар кылдат текшерүүдөн өткөндөн кийин... Читать дальше...

Парламенттеги КСДП фракциясынын депутаты Ирина Карамушкина 4-ноябрда №47 түрмөдө отурган мурдагы президент Алмазбек Атамбаев менен жолугуп чыкканын «Азаттыкка» билдирди. Карамушкинанын айтымында, Атамбаевдин бутунун тырмагына операция жасалган. Депутатка Атамбаев кримтөбөл Көлбаев №47 абакка которуларын билгенин жана бул кандайдыр бир таасир көрсөтүү максатында болбогонуна ишенерин айтып берген. «Ал айтты: Көлбаев болсо Колбаев, ал өзүнүн беренеси менен отурат. Которо берсин, мен эмне кыла алам? Читать дальше...

Словакияда 2018-жылы киши колдуу болгон иликтөөчү журналист Ян Куцияктын ишине байланыштуу полициянын бир нече мурдагы кызматкери камалды. Өлкөнүн прокуратурасы 5-ноябрда полициянын атайын бөлүмү кылмыштуу топ түзгөн деген шек менен адамдарды кармаганын билдирди, бирок кеңири маалымат берген жок. «Маркиза» телеканалы полициянын мурдагы башчысын үйүндө кармап жатканы тартылган видео тасма көрсөттү. Дагы башка басылмалар полициянын мурдагы үч жооптуу кызматкери колго түшкөнүн жазышты. Коррупция... Читать дальше...

«Азаттыктын» «Пандемия мени кандай өзгөрттү?» подкаст сынагынын жеңүүчүлөрү аныкталды.

Коронавирус пандемиясынын эл турмушуна тийгизген таасирин чагылдыруу максатында «Азаттык» радиосу угармандар арасында жарыялаган «Пандемия мени кандай өзгөрттү?» подкаст сынагынын жеңүүчүлөрү аныкталды. Сынакка кыргыз жана орус тилдеринде 90дой баян келип, техникалык сапаты жарактуу 60 баян azattyk.org сайтына, социалдык желеге жана подкаст платформаларга жарыяланды. Катышуучулар пандемиянын жашоосуна тийгизген таасирин, башынан өткөндөрүн баяндап, ойлорун ортого салышты. Алардын эң жашы 12де, улуусу 80 жашта. Читать дальше...

"Азаттык" радиосунун "Пандемия мени кандай өзгөрттү?" деп аталган подкаст сынагынын жеңүүчүлөрү аныкталды.

Белгилүү юрист Нурбек Токтакунов президенттин милдетин аткаруучу, өкмөт башчы Садыр Жапаровго кайрылып, мурунку мамлекет башчыларынын катасын кайталабоого чакырды. Токтакунов өзүн видео кайрылуусун «Фейсбуктагы» баракчасына жайгаштырды. «Урматтуу Садыр Нургожоевич, силер азыр мурунку президенттердин негизги катасын кайрадан кайталап жатасыңар. Бул ката - мамлекеттик бийликтин үч бутагын ээлеп алуу. Өкмөт башынан эле силердин колуңарда, Жогорку сот алдыңарга жатып берди, анткени аябай маанилүү... Читать дальше...

«Фейсбук» социалдык түйүнү АКШдагы президенттик шайлоодогу добуш берүүнүн саналышын токтотууну талап кылган, Дональд Трамптын тарапташтары түзгөн «Уурулукту токтот» аттуу ири топко тыюу салды. Компаниянын өкүлү Энди Стоун алардын «демократтар добуштарды уурдап жатат» деген билдирүүлөрү негизсиз экенин айтты: «Топ шайлоо жараянынын легитимдүүлүгүн тануу максатында түзүлгөн жана биз анын айрым мүчөлөрүнүн зордук-зомбулукка чакырыктарын көрдүк». «Фейсбукта» добуш саноону токтотууга чакырган чакан... Читать дальше...

Өзбекстанда мамлекеттин карамагындагы 109 гезит-журнал жана басмаканалар сатыкка коюлду. Президент Шавкат Мирзиёев 27-октябрда кол койгон жарлыкка ылайык, ондогон мамлекеттик ишкана-мекемелер да менчиктештириле турган болууда.

Канадада жайгашкан лобби жасоочу компания менен премьер-министр, президенттин милдетин аткаруучу Садыр Жапаровдун атынан келишимге кол койгон «Ренессанс» агрардык өндүрүш корпорациясынын негиздөөчүсү Абдыманап Карчыгаев эл аралык консалтинг компаниясы менен жеке өзү келишим түзгөнүн билдирди. Улуттук «Кабар» маалымат агенттигинде басма сөз жыйын өткөрүп, Карчыгаев «Журналисттер чымындан пил жасап жатышат. Бул келишим 2-сентябрда эле түзүлгөн. Ал маалда Садыр Жапаров өлкө башында эмес болчу. Түрмөдө эле. Читать дальше...

6-ноябрда Улутук илимдер академиясында акын Жедигер Саалайдын «Манас Дух» аттуу китебинин бет ачары болду. Китептин авторунун айтымында эмгекке бир топ темалар камтылган. «Китепте элибиздин өткөнү, бүгүнкү күнү, келечеги жана жалпы эле ата-бабаларыбыздын, кайып дүйнөнүн, космостук энергия түрүндөгү Манас ааламынын өз урпактарынын жашоо-турмушундагы ролу чагылдырылат», - деди Жедигер Саалай. Китеп «Турар» басмаканасынан 2000 нуска менен чыкты. Буга чейин автордун «Жөрөлгө», «Башат», «Аргасыздык ырлары», «Аттануу», «Аламан», «Арыбагын, Күн!

Кыргызстандын жаңы бийлиги чет өлкөлөрдөн жардам алыш үчүн канадалык «Dickens&Madson» компаниясы менен миллион долларлык келишим түзгөнү тууралуу кабар дагы эле талкуу жаратууда.

Ош облустук прокуратурасынын прокурору Улукбек Өмүрзаков 5-ноябрда басма сөз жыйын уюштуруп, өз дарегине карата айтылган билдирүүлөрдү четке какты. Ал «Өмүрзаковдор айрым кишилерге кысым көрсөтүп, акчалуу адамдардан үлүш алып жатат» деген сөздөрдү төгүндөдү. Өмүрзаков жергиликтүү тургун Канназар Ыдырысов президенттин милдетин аткарып жаткан премьер-министр Садыр Жапаровго анын Оштогу эл менен жолугушуусу учурунда даттангандан кийин милицияга өзү кайрылганын айтты. Өзүнө жана бир туугандарына... Читать дальше...

«Республика» партиясынын лидери Өмүрбек Бабанов социалдык түйүндөгү жеке баракчасынан элге кайрылуу таратты. Ал өз кайрылуусунда 5-ноябрда премьер-министр, президенттин милдетин аткаруучу Садыр Жапаров менен жолукканын, ал өлкөнү олуттуу өзгөртүүгө даяр экенин көргөнүн жазды. «Өлкөбүздөгү саясий-экономикалык абал курч экендигин бардыгыбыз көрүп турабыз. 5-октябрда элди толкуткан кесепеттерди түп-тамырынан жоюп, тезинен өнүгүү жолуна түшүүгө бизде мүмкүнчүлүктөр бар! Кечээ Садыр Нургожоевич менен жолуктум. Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) Бишкек шаарынын мэриясынын Коомдук-мамлекеттик капиталдык курулуш башкармалыгынын мурдагы жетекчиси кармалганын маалымдады. Мекеменин басма кызматы тараткан маалыматка ылайык, кармалган шектүү “Мамлекеттик сатып алуулар жөнүндө” мыйзамды бузган, башкача айтканда жалпы суммасы 70 миллион сомго жакын бала бакча курууда пайдасыз келишимдерди түзгөн. Кармалган жарандын бөгөт чарасы Биринчи май райондук сотунда 6-ноябрда каралат. Читать дальше...

Коронавируска каршы күрөш боюнча республикалык штабдын 6-ноябрдагы маалыматына караганда, акыркы бир сутка ичинде COVID-19 UO7.1 жана пневмония UO7.2 дагы үч кишинин өмүрүн алды. Каза болгондордун баары Бишкек шаарында катталды. Вирус 439 кишиден лабораториялык жол менен расмий аныкталды. Бир суткада коронавирус расмий аныкталгандар боюнча Бишкек шаары алдыга чыкты. Башкалаада 118 кишиден илдет табылды. Андан кийин Жалал-Абад облусунда – 108, Ош облусу - 77, Чүйдө – 57, Баткен облусу - 86, Ысык-Көл облусу ... Читать дальше...

Президенттин милдетин аткарып жаткан өкмөт башчы Садыр Жапаров мамлекеттин тарыхый окуяларында, социалдык-экономикалык, маданий жактан өнүгүшүндө журналисттердин кошкон салымы чоң экенин билдирди. Бул тууралуу Жапаровдун 7-ноябрь - Кыргызстандагы Маалымат жана басма сөз күнүнө карата жарыяланган куттуктоосунда айтылат. «Бүгүнкү күндө дүйнө жүзүндө журналисттик адистиктин мааниси артып, маалыматсыз жашоо элестетилбей калган учур. Мындай шартта демократиялык өнүгүү жолундагы Кыргызстан үчүн жалпыга... Читать дальше...

Улуттук коопсуздук боюнча мамлекеттик комитеттин басма сөз кызматы эл аралык «Дастан» ачык акционердик коомуна караштуу «Улан» ишканасынын жетекчилиги ири өлчөмдөгү бюджеттик каражатты кымырып алган учур аныкталганын билдирди. Аталган ишкана 2020-жылдын май айында чет өлкөдөн жабдуу алып келүү боюнча үч миллион долларлык келишимге кол койгон. Бул сумманын 695 миңин «Дастан» ишканасынын жетекчилиги өзүнө таандык «Улан» ишканасы менен жабдууну алып келүү боюнча жасалма келишим түзүп, кымырып алган. Читать дальше...

Эрежесиз эр уруш боюнча мелдеш бүгүн, 6-ноябрда, Москва шаарындагы "ВТБ Арена" спорт жайында өтөт. Ага көрүүчүлөр киргизилбейт.

Ташкентте иш сапары менен жүргөн Кыргызстандын тышкы иштер министри Руслан Казакбаевди 5-ноябрда өзбек премьер-министри Абдулла Арипов кабыл алды. Тышкы иштер министрлигинин басма сөз кызматы билдиргендей, Казакбаев жолугушууда Кыргызстан буга чейин макулдашылган бардык эл аралык келишимдерди аткарууга даяр экенин белгиледи. Эки тарап саясий, экономикалык, маданий жана суу-энергетика тармагындагы кызматташтыкты талкуулашты. Ошондой эле “Кытай-Кыргызстан-Өзбекстан” темир жолу долбоорунун маанисин белгилешип... Читать дальше...

6-ноябрда Бишкек мэриясына караштуу "Тазалык" муниципиалдык ишканасынын кызматкерлери Жогорку Кеңештин имаратынын айланасындагы темир тордуу ала баштады. Бул чечим 5-ноябрда Жогорку Кеңештин төрагасы Талант Мамытовдун мэрге жазган расмий катынан кийин аткарылган. Мэрдин милдетин аткаруучу Балбак Түлөбаев имараттын тегерегин көрктөндүрүү боюнча иш башталарын айтты. "Бул тосмону алуу идеясы премьер-министр, президенттин милдетин аткаруучу Садыр Жапаровго таандык. Муну символикалуу көрүнүш десек болот. Читать дальше...

Европадагы коопсуздук жана кызматташтык уюму (ЕККУ) Беларус өкмөтүн эл аралык стандартка ылайык президенттик шайлоо өткөрүүгө чакырды. Уюм 9-августта Александр Лукашенко жеңип чыкканы айтылган шайлоонун жыйынтыгын жокко чыгарууну сунуш кылды. Уюмдун баяндамачылары шайлоо жараянынын дээрлик бардык баскычында мыйзам бузуу болгонун жана адам укуктары тебеленгенин белгилешти. ЕККУнун баяндамасы АКШ, Франция жана Улуу Британияга таандык 17 талап менен даярдалып, 700 далилге негизделген. Расмий Минск... Читать дальше...

Косовонун мурдагы президенти Хашим Тачи аскердик кылмыштар боюнча сот жараянына катышуу үчүн кызматын тапшырып бергенден кийин Нидерланддагы тергөө изоляторуна которулду. 1990-жылдарда Сербиядан көз каранды эмес өлкө болуу үчүн жүргөн согуштагы лидер Тачи менен кошо Косовонун Боштондук армиясынын мурдагы эки мүчөсү да Гаага шаарындагы изоляторго отургузулду. Тачи ага аскердик жана адамзатка каршы кылмыш жасаган деген расмий айып коюлганын 5-ноябрда билдирген. Прокуратура кылмышка шектүүлөр «100дөй... Читать дальше...

Бүгүн, 6-ноябрда "Этно-медиа" каналында кыргыз тилинде тартылган “Мектеп шайлоосу” аттуу алгачкы интерактивдүү сериалдын бет ачары болот. Мектептин президенти кызматына эки талапкердин атаандаштыгынын мисалында алты кыска серияда мектептеги кодулоо, чыныгы достук жана адамдын кадыр-баркы тууралуу окуялар баяндалат. Сериалдын каармандары мектептеги шайлоо аркылуу азыркы коомдогу көрүнүштөрдү мини-версияда ачып беришет. Сериал Мектептеги зомбулук жана кодулоо, анын ичинде кибербуллинг менен күрөшүү боюнча Эл аралык күндү утурлай чыгууда. Читать дальше...