Новости за 12.11.2020

Жогорку сот милициянын быйыл 8-мартта Бишкекте «Аялдардын шериктештик маршында» болгон аракетин мыйзамдуу деп тапкан чечимди жокко чыгарды. 12-ноябрда мекеменин басма сөз кызматы тараткан маалыматка караганда, 11-ноябрда Жогорку сот Бишкектин шаардык сотунун жана Свердлов райондук сотунун чечимдерин жокко чыгарып, Свердлов милициясынын митингдеги аракетин мыйзамдуу деп табуу боюнча териштирүүнү токтотту. Митингдин уюштуруучуларынын адвокаты Евгения Крапивина «Азаттык» радиосуна билдиргендей, эми... Читать дальше...

Бажы кызматынын жетекчисинин мурдагы орун басары Райымбек Матраимов “Мыйзамсыз байыган мүлктү жана акчаны кайтарып берейин” деп өзү суранган. Бул тууралуу 12-ноябрдагы басма сөз жыйынында президенттин милдетин аткаруучу, өкмөт башчы Садыр Жапаров аны камакка албоо себептери тууралуу суроого жооп берип жатып айтты. Жапаров Матраимовду камабоону УКМК жетекчисинен өзү суранганын билдирди: “УКМК аны алып келип жапкандан кийин эле мага кабар беришти. 6-7 саат бою сүйлөшүү жүрүптүр. Муну камап койгондо... Читать дальше...

Орусия Судандын аймагында Кызыл деңиздин жээгинде аскер-деңиз базасын ачат. Тиешелүү өкмөттүн токтомуна орус премьер-министри Михаил Мишустин кол койгону белгилүү болду. Жаңы база ачуу маселеси Судандын былтыр аскердик төңкөрүштүн жыйынтыгында бийликтен кеткен президенти менен талкууланып келген. Ага ылайык, Орусиянын базасына 300гө жакын аскер, төрт кеме жайгаштырса болот. Келишим 25 жылга түзүлөт жана эгер эки өлкө каршы болбосо дагы 10 жылга дароо узартылат. Кызыл деңизге орус базасын жайгаштыруу... Читать дальше...

Кыргызстанда мурдагы билим берүү жана илим министри Каныбек Исаков 12-ноябрда Бишкектеги ооруканалардын биринде каза болду.

Армениядагы оппозициялык күчтөр премьер-министр Никол Пашиняндын кызматтан кетишин талап кылган акцияларын улантарын жарыялашты. Алар Пашинянды Тоолуу Карабактагы куралдуу жаңжалды токтоткон үч тараптуу келишимге кол койгонун сынга алышууда. 12-ноябрга белгиленген митингдин алдында Армениянын тергөө кызматы 10 оппозициячыл саясатчы кармалганын билдирди. Алар “мыйзамсыз массалык башаламандыкты уюштуруу” беренеси боюнча шектелүүдө. Алардын арасында негизги оппозициячыл күч саналган "Гүлдөгөн Армения" партиясынын лидери Гагик Царукян да бар. Читать дальше...

Улуттук коопсуздук боюнча мамлекеттик комитет (УКМК) 12-ноябрда Ош облусунун аймагындагы көмүр кенин рейдерлик жол менен басып алууну уюштурушу мүмкүн деген факты боюнча облустук прокуратуранын улук прокурору кармалганын билдирди. Маалыматта УКМКнын Антикоррупциялык кызматы президенттин милдетин аткарып жаткан премьер-министр Садыр Жапаровдун Оштогу сапары учурунда эл менен жолугушуусу учурунда жергиликтүү тургундун даттануусун иликтегени айтылат. Анын Ош облустук прокуратурасынын кызматкерине... Читать дальше...

Президенттин милдетин аткаруучу өкмөт башчы Садыр Жапаров «Азаттык» радиосу үчүн ар дайым ачык, телефон аркылуу болсо да суроолорго жооп берүүгө даяр. Бул тууралуу ал 12-ноябрдагы басма сөз жыйынында «Супер ТВнын» «ажолор ажыдаарга айланып баратканда «Азаттыкты» «туура эмес маалымат таратып жатат» деп айта баштайт» деген икая бар» экенин белгилеп, «Андай икаяга кабылбоонун иммунитети барбы сизде?» деген суроосуна жооп берип жатып билдирди. Жапаров ошондой эле «Азаттык» кээде бурмалоого жол берип жатат деп эсептей турганын белгиледи... Читать дальше...

Сузак районунун Жаңгак айылынын тургуну Раимбек Жумабаевдин үйү ушул жылдын сентябрь айында күйүп кеткен. Тилсиз жоо каптаган үй 2018-жылы мамлекеттик камсыздандыруудан өткөн. Бирок аталган уюм каражат бөлүүдөн баш тартып келет. Алар кырсыкка үй ээсинин өрт коопсуздугун сактабаганын жүйө келтирүүдө. Түнөгүнөн айрылган үй-бүлө учурда боз үйдө баш калкалап жаткан кези.

Нью-Йорк штатында коронавируска каршы чаралар кайрадан катаалдаштырылды. Губернатор Эндрю Куомо 13-ноябрдан баштап ресторан-барлар, спорт залдар кечки саат 10до жабылууга тийиш, 10дон көп киши чогулбашы керек деп билдирди. Нью-Йорк шаарынын мэри Билл де Блазио жаңы чараларды эпидемиянын экинчи толкунун токтотуу үчүн акыркы мүмкүнчүлүк деп сыпаттады. Нью-Йорк жазында пандемиянын АКШдагы очогу болгон. Ошондо күнүнө миңдей киши коронавирустан каза болчу. Июль айынан бери штат жана шаар вирустун жайылышын көзөмөлдөп... Читать дальше...

Австралия Ооганстандагы ыктымал аскердик согуш кылмыштарын иликтөө үчүн атайын прокурор дайындайт. Премьер-министр Скотт Моррисон 12-ноябрда билдиргендей, прокурор Ооганстандагы австралиялык атайын бөлүктүн аскерлеринин жүрүм-турумун иликтейт. 2016-жылы Австралиянын коргоо күчтөрүнүн башкы инспектору Ооганстандагы австралиялык аскерлер 2005-2016-жылдар аралыгында барган ыктымал кылмыштар, анын ичинде адам өлтүрүүлөрдү иликтей баштаган. Буга австралиялык маалымат каражаттарынын аскерлер Ооганстанда... Читать дальше...

АКШнын шайланган президенти Жо Байден өз администрациясынын башчылыгына Рон Клейнди дайындарын билдирди. Бул тууралуу Байден "Твиттердеги" баракчасына жазды. "Рон Клейндин ар тараптуу тажрыйбасы жана ар кыл саясий топтор менен иштешүү жөндөмү учурдагы кризиске бетме-бет туруп, өлкөнү кайрадан бириктирүү маалында Ак Үйдүн администрация башчысына керектүү сапаттар",-деп жазды Жо Байден. 59 жаштагы Рон Клейн 2014-жылы Батыш Африкада жайылган эбола эпидемиясы менен күрөшүү боюнча координатор, 2009-жылы... Читать дальше...

Кыргызстанда мурдагы билим берүү жана илим министри Каныбек Исаков 12-ноябрда Бишкектеги ооруканалардын биринде каза болду. Бул тууралуу анын жакындары билдиришти. Анын шакирттери да маалыматты ырасташты. Маалыматтарга караганда, 51 жаштагы Каныбек Исаков коронавирус жугузуп алгандан кийин пневмония диагнозу менен ооруканада жаткан. Ал 1969-жылы 4-июнда Ош облусунун Ноокат районундагы Жаңы-Ноокат айылында туулган. Эмгек тажрыйбасын Бел-Өрүк колхозунда жумушчу болуудан баштап, министрликке чейин жеткен. Читать дальше...

Президенттин милдетин аткарып жаткан премьер-министр Садыр Жапаров бир тууган эжеси Райкүл Жапарова жана ал тууралуу мурдагы вице-премьер-министр Эркин Асрандиевдин айткандары боюнча журналисттердин суроолоруна жооп берди. «Эркин Асрандиевдин эжем боюнча жазганын окудум. Банкты жетектеген, акчаны чыгарып кеткен деген экен. Бул өзү толук маалыматы жок, ошол убакта мага оппонент катары жүргөн саясатчы экенин билдим. Мунун баары, менин эжекем боюнча саясий буюртма болгон. Кылмыш иши буюртма менен ачылган, бул сыр эмес. Читать дальше...

Украинанын президенти Владимир Зеленский жана анын кеңсесинин башчысы Андрей Ермак коронавирустан улам ушул жуманын башында ооруканага жаткырылды. Бул тууралуу Ермактын кеңешчиси Михаил Подоляк 12-ноябрда «Украинская правда» интернет-басылмасы менен болгон маегинде билдирди. Анын айтымында, Зеленский жана кеңсе башчысы Киевдеги «Феофания» клиникалык ооруканасында дарыланып жатат. «Ал жерде президентке жыйындарды өткөрүш үчүн атайын бөлмө даярдалган. Бүгүн ал бир топ онлайн-жыйындарды өткөрдү», - деп билдирген Подоляк. Читать дальше...

Мурдагы президент Курманбек Бакиевди Кыргызстанга алып келүү боюнча иш уланат. Бул тууралуу 12-ноябрда басма сөз жыйынында президенттин милдетин аткаруучу өкмөт башчы Садыр Жапаров «Азаттыктын» суроосуна жооп берип жатып айтты. Жапаров 2010-жылдагы апрель окуясында кан төгүлүп, 90дой өмүр кыйылганына жалгыз гана Бакиев күнөөлүү эмес экенин айтып, ага карата козголгон иш изилденерин билдирди: «2010-жылкы окуя боюнча жалаң эле Бакиевдер күнөөлүү эмес. Башкалар да күнөөлүү болуп калат, эгер чындап, адилеттүүлүк менен териштирсек. Читать дальше...

«Азаттыктын» ооган кызматынын журналисти Элиас Дайи жардыруудан каза болду. Окуя 12-ноябрда эртең менен өлкө түштүгүндөгү Гилменд провинциясынын борбору Лашкар Гах шаарында болгон. Анда журналисттин автоунаасына жабыштырылган бомба жарылган. Гилменд провинциясынын губернаторунун басма сөз катчысы Омер Звак кол салуудан дагы үч киши жарадар болгонун билдирди. Алардын арасында маркум журналисттин бир тууганы жана дагы бир бала бар. Бул жардыруу үчүн жоопкерчиликти эч ким өзүнө алган жок. Дайи «Азади»... Читать дальше...

Нарындагы Жетим-Тоо темир кени чет мамлекеттерге берилбейт. Бул тууралуу 12-ноябрда басма сөз жыйынында президенттин милдетин аткаруучу өкмөт башчы Садыр Жапаров билдирди. Ал тышкы карыздан кутулуш үчүн бул кенди чет жакка сатуу тууралуу айтылып жаткан сөздөрдү "ушак" деп атады жана Кытайдын карызынан кутулуунун жолу бар экенин айтты: «Жетим-Тоонун бир пайызы эмес, бир куму берилбейт. Өзүбүз иштетебиз. Жетим-Тоо мененби же башка ресурстар мененби... Кытайдын карызынан кутулуунун жолдорун издеп жатабыз. Читать дальше...

Президенттин милдетин аткарып жаткан премьер-министр Садыр Жапаров 12-ноябрда Бишкекте өтүп жаткан басма сөз жыйынында журналисттердин «Конституцияны өзгөртүү диктатурага жол бербейби?» деген суроосуна жооп берди. «Кыргызстандыктар - 30 жылда үчүнчү жолу революция жасаган эл. Адилеттүү жашоону каалаган эл. Дал ошол диктатураны орнотпойлу, мыйзамсыздык, адилетсиздикти жок кылалы деп. Мен боломбу, менден кийин Эшмат келеби же Ташмат келеби, кыргыз эли диктатурага жол бербесин өзүңүздөр көрдүңүздөр. Читать дальше...

13-ноябрда түнкүсүн Чүй, Талас, Ош, Жалал-Абад, Баткен, Нарын облустарынын көпчүлүк аймактарында, Ысык-Көл облусунун кээ бир райондорунда жаан, кар, тоо этектеринде жана тоолуу райондордо кар жаайт. Чүй, Ош, Жалал-Абад, Баткен облустарынын кээ бир райондорунда жаан-чачын катуу жаайт. Күндүз Ош, Жалал-Абад, Баткен, Нарын облустарынын көпчүлүк аймактарында, Чүй, Талас, Ысык-Көл облустарынын кээ бир райондорунда жаан, кар, тоо этектеринде жана тоолуу райондордо кар жаайт. Батыш тараптан соккон шамалдын ылдамдыгы секундасына 4-9 метрге... Читать дальше...

«Кыргызалтын» ачык акционердик коомунун башкармалыгынын төрагасы Алмаз Алимбеков өз каалоосу менен кызматтан кетүү тууралуу арыз жазды. Бул тууралуу ишкананын басма сөз кызматы «Азаттыкка» билдирди. Маалыматта «Кыргызалтындын» эмгек жамааты анын чечимин өкүнүү менен кабыл алганы, Алимбеков ишинде эң жакшы натыйжа көрсөткөн жетекчилердин бири болгону айтылат. «Кыргызалтындын» жетекчисин директорлор кеңеши сунуш кылып, өкмөт башчы дайындайт. Өкмөт азырынча Алмаз Алимбековдун отставкасын кабыл алдыбы-жокпу, белгисиз. Читать дальше...

Бишкекте сталиндик репрессия маалындагы окуяларга арналган спектаклдин премьерасы болду. 11-ноябрда Бакен Кыдыкеева атындагы Жаш көрүүчүлөрдүн мамлекеттик театрында репрессияга кабылып, өз мекенине кайтып келбей калгандардын жаркын элесине арналган «Жат эмесмин» спектакли алгач ирет көрсөтүлдү. Татарстандын Эл жазуучусу Аяз Гилязовдун «Үч карыш жер» повестинин негизинде коюлган спектаклдин сценарийин кыргызстандык калемгер Людмила Молдалиева жазган. Чыгарманы кыргыз тилине Токтогул атындагы Мамлекеттик... Читать дальше...

Бишкек жылуулук электр борборуна көмүр ташыган айдоочулар бүгүн иш таштады. Айдоочулар өкмөттүн жүктүн салмагына чектөө киргизген 2011-жылкы токтомун жокко чыгарууну талап кылып жатышат. Алардын айтымында, токтом оор жүк ташуучу автоунаалардын ишин чектейт. Ашык жүк үчүн ар бир жолу текшерүү пункттарына 200 сомдон 3 миң сомго чейин төлөөгө туура келет.

Мурдагы президент Курманбек Бакиевдин уулу Максим Бакиев менен байланышта болгон адамдарга тиешелүү мүлктү камактан мыйзамсыз чыгарган деген шек менен Бишкек шаарынын район аралык сотунун судьясы жана дагы бир сот кызматкери кармалды. Бул тууралуу 12-ноябрда Экономикалык кылмыштарга каршы күрөш боюнча мамлекеттик кызмат (Финансы полициясы) кабарлады. Мекеменин маалыматына караганда, сот системасынын, Мамлекеттик каттоо кызматынын жана башка мекемелердин жетекчи кызматкерлери тартылган коррупциялык схема аныкталды. Читать дальше...

Коронавирус жугузуп алгандан кийин ооруканада жаткандардын ичинен 150 бейтаптын абалы өтө оор болууда. Бул тууралуу COVID-19га каршы күрөш боюнча республикалык штаб 12-ноябрда билдирди. Маалыматка караганда, мындан сырткары 2164 бейтаптын абалы орто оор,  954 кишиники оор, 54 адамдыкы канааттандырарлык деп бааланууда.  Жалпысынан республиканын аймактарындагы ооруканаларда ушул тапта 3322 бейтап дарыланууда. Расмий маалыматта анализинен вирус аныкталып, бирок үй шартында дарыланып жаткандар 3874 киши экени белгиленген. Читать дальше...