Новости за 20.11.2020

Шотландиялык жазуучу Дуглас Стюарттын алгачкы романы адабият жаатындагы абройлуу деп саналган Букер сыйлыгына ээ болду. «Шагги Бейн» («Shuggie Bain») деп аталган автобиографиялык романда Глазгодо 80-жылдары чоңойгон бала тууралуу баяндалат. Ошондой эле каармандын аракечтиктен жабыркаган энесин жакшы көргөнү чагылдырылат. Стюарттын өзүнүн энеси ал 16 жашка чыкканда аракечтиктен каза болгон. Жазуучу сыйлыкка ээ болгонун укканда көзүнө жаш алып, апасына ыраазычылык билдирип, «ал болбосо мен да, эмгегим да жаралмак эмес» деп айтты. Читать дальше...

Конституциянын жаңы долбоорунун авторлору – аны референдумга алып чыгуу тууралуу мыйзам долбооруна демилгечи болгон депутаттар. Бул тууралуу 20-ноябрда Баш мыйзамдын референдумга коюла турган вариантын иштеп чыгуу үчүн 20-ноябрда түзүлүп, дароо ишке кирген конституциялык кеңешменин төрагасы Бекбосун Бөрүбашев билдирди: “Автору – демилгечи болгон депутаттар. Конституциялык кеңешмеде талкуулап бүткөндөн кийин биз, кеңешменин 85 мүчөсү авторлош болуп калабыз”. 17-ноябрда Конституциянын жаңы долбоорун... Читать дальше...

Мексика парламентинин төмөнкү палатасы кара куурайды мыйзамдаштырган мыйзамды 19-ноябрда жактырды. Эми аны парламенттин жогорку Депутаттар палатасы карап, 15-декабрга чейин чечимин чыгарышы керек. Мыйзам долбоорунун демилгечилери кара куурайды мыйзамдаштыруу уюшкан кылмыштуулукту, жемкорлукту жана зордук-зомбулукту азайышына салым кошорун белгилешет. Эгер аталган мыйзам кабыл алынса үйдө алты түп кара куурайды өстүрүүгө жана андан алынган 28 грамм затты сактаса болот. Андан көп сактагандарга... Читать дальше...

Беларустун Минск шаарында күч түзүмдөрүнүн токмогунан каза тапкан болушу ыктымал деген 31 жаштагы Роман Бондаренкону акыркы сапарга узатуу зыйнаты өтүп жатат. «Азаттыктын» беларус кызматы чиркөөдөгү коштошууга миңдеген адам келгенин, көбү ак-кызыл-ак гүл көтөрүп алганын жазды. Бондаренконун сөөгү Түндүк көрүстөнгө коюлмакчы. Гүлчамбарларда «Беларустун баатырына», «Унутпайбыз, кечирбейбиз», «Сен биздин жүрөгүбүздөсүң» деген сыяктуу жазуулар илинген. Бондаренконун өлүмү менен аяктаган окуя 11-ноябрда Минскиде болгон. Читать дальше...

Өкмөт башчылык кызматын убактылуу токтоткон Садыр Жапаров сунушталып жаткан Баш мыйзамдын долбоорун сындап жаткандарга жооп берди. Ал «Инстаграмдагы» баракчасына "бул - диктатураны эмес, элдин кызыкчылыгын көздөгөн Баш мыйзамдын долбоору" деген пикирин жазды. «Бул Баш мыйзамдын долбоору 2011-жылдан бери курултайчылар жана жалпы эл тарабынан сунушталып келе жатат. Буга чейинки бийликтер тоготпой келген. Биз анча-мынча кемчиликтерин толуктап гана (албетте кемчиликтер бар) элдин талкуусуна алып чыктык. Читать дальше...

Түркмөнстанда мындан ары диний ишмерлер менен аксакалдар беткаптын пайдасын коомчулукка жайылтуу, түшүндүрүү иштерин жүргүзүү жана мындай талаптын аткарылышын көзөмөлдөө боюнча иштерге тартылат. Ушул айдын башында расмий Ашхабад беткап боюнча эреженин сакталышына көзөмөлдү күчөткөн. Анда бул милдет полиция кызматкерлерине, аткаминерлерге жана мугалимдерге жүктөлгөн. Соңку чараларга ылайык, мечиттердин баары эмдиги жылдын март айына чейин жабык болот. Үйлөнүү үлпөтүнө, аш-тойго келгендердин саны... Читать дальше...

“Азаттык” радиосу “Рейнбоу” коомдук фонду менен биргеликте алардын тагдырына арналган “Сынбайм” деп аталган баяндар сериясын сунуш кылат.

Дарыгерлердин шалаакылыгы менен кичинекей кезинде ВИЧ илдетин жуктуруп алган Көпөлөк сыр бөлүшөт. “Азаттык” радиосу “Рейнбоу” коомдук фонду менен биргеликте алардын тагдырына арналган “Сынбайм” деп аталган баяндар сериясын сунуш кылат.

Конституциялык кеңешменин иши 15-20 күндө жыйынтыкталып калат. Бул тууралуу 20-ноябрда кеңешменин төрагасы Бекбосун Бөрүбашев билдирди. Ал Баш мыйзамдын жаңы долбоору кыска аралыкта иштелип чыкканы тууралуу сын негизсиз деп эсептейт: “Контингенттин даярдыгы жакшы. Окумуштуулар көп, депутаттар бар, аксакалдар активдүүлүгүн көрсөтүп жатышат. Бул иштелип чыккан мыйзам. Биз аны дагы жакшыртабыз. 5-10 күндө жаза койду деп жашытпайбы. Андай эмес. Мен билгенден, Баш мыйзамдын 15-20 долбоору бар. Азыркы... Читать дальше...

Дүйнөлүк саламаттык сактоо уюмунун (ДССУ) эксперттери ремдесивир аттуу антивирустук дарыны коронувирус жуккан адамдардын абалынын оор же жеңил экенине карабай аларды дарылоодо колдонбоону сунуш кылышты. Уюмдун соңку сунуштамасында бул препарат бейтапты батыраак айыктырат же өпкөнү жасалма дем алдырган аппаратка муктаждыкты азайтат деген ырастама далилденбегени айтылат. Ушундан улам окумуштуулар ремдесивирди коронавирусту дарылоодо пайдалануу боюнча клиникалык сыноону токтотушту. Өткөн айда АКШнын... Читать дальше...

Конституциялык кеңешменин төрагасы Бекбосун Бөрүбашев Баш мыйзамдын жаңы долбоору боюнча сын айткандар көп, бирок сунушун бергендер аз болууда деп эсептейт. 20-ноябрда кеңешменин алгачкы жыйынынан кийин журналисттердин суроолоруна жооп берип жатып ал иш 15-20 күндө жыйынтыкталарын, бардык сунуштар кабыл алынарын айтты: «Жогорку Кеңеште 17-ноябрда чыккан долбоорду биз жакшыртышыбыз керек. Кемчиликтер болуп жатат, ал долбоорго карата сын-пикирлер айтылууда. Сын-пикирлерди биз туура түшүнүшүбүз керек. Читать дальше...

20-ноябрда Бишкекте Баш мыйзамдын долбоору боюнча түзүлгөн Конституциялык кеңешменин алгачкы жыйыны өттү. Ага кеңешмеге мүчө болгон сексенден ашык киши катышууда. Юридика илимдеринин доктору Бекбосун Бөрүбашев аталган кеңешмеге төрагалык кылууда. Ал алгачкы отурумуда кеңешменин иштөө тартиби, регламант жана башка чарбалык иштер боюнча эрежелерди айтып берүүдө. Ошондой эле кеңешмеде топ-топ болуп иштөөнү сунуштап жатат. Жыйында айрымдар башка Баш мыйзамдын долбоору бар экенин айтышты. Бөрүбашев бул... Читать дальше...

Башкы прокурор, конституциялык кеңешменин мүчөсү Курманбек Зулушев Кыргызстан конституциялык реформа жүргүзүүдө бийлик башындагылардын жоопкерчилиги боюнча маселеге көңүл бурушу керек деп эсептейт. Мындай пикирин ал 20-ноябрда «Азаттык» радиосунун суроолоруна жооп берип жатып билдирди: «Бизде президенттик башкаруубу, парламенттикпи, эң негизгиси, жоопкерчиликтүү бийлик орношу керек. Кабыл алган чечимиң мамлекеттин пайдасына болсо, алкыш алышың керек, ал эми мамлекетке зыян алып келсең, анын жоопкерчилигин тартышың керек. Читать дальше...

Жогорку Кеңештин мурдагы депутаты, Садыр Жапаровдун Нарын облусундагы шайлоо алдындагы штабын жетектей турган Алмамбет Шыкмаматов коомдук талкууга чыгарылган Конституциянын долбоору боюнча «Азаттыкка» маек курду. Ал өз сөзүндө Баш мыйзамдын бүгүнкү долбоорун «мунжу» деп атап, конституциялык реформаны президенттик шайлоодон кийин өткөрүш керек экенин билдирди. Шыкмаматовдун айтымында, азыркы долбоордогу алешемдиктер менен Садыр Жапаров да макул болгон эмес.

Орусиянын Брянск облустук соту Юрий Ещенкону АКШнын пайдасына тыңчылык кылууга аракет кылган деп тапты жана аны 13 жылга эркинен ажыратты. Тергөө материалдарына ылайык, ал Мурманск облусунда 2015-2017-жылдары Түндүк флоттогу кемелердин радиоэлектрондук системаларын оңдогон ишкананын кызматкери болгон. Ошол учурда жашыруун маалыматтарды тымызын көчүрүп алып, АКШга сатууну көздөгөн. Федералдык коопсуздук кызматынын маалыматына караганда, былтыр жыл башында Ещенко АКШнын Башкы чалгын башкармалыгы... Читать дальше...

Сербияда правослов чиркөөсүнүн башчысы, патриарх Ириней 90 жаш курагында коронавирустан көз жумду. Өлкөнүн президенти Александр Вучич «Инстаграмдагы» баракчасына «Сиздей адамдар эч качан өлбөйт» деп жазды. Ириней 4-ноябрдан бери ооруканада жаткан жана өлөр алдында өпкөнү жасалма дем алдырган аппаратка туташтырылган. Консерватор, саясий таасири күчтүү Ириней Серб православ чиркөөсүн 2010-жылдан тартып жетектеп жаткан. Ага оору Черногориядагы серб православ чиркөөсүнүн башчысы, митрополит Амфилохийдин тажыясына катышкандан кийин жуккан. Читать дальше...

Улуттук коопсуздук боюнча мамлекеттик комитет (УКМК) Ошто милициянын административдик имаратында бир адам кыйноодон каза болгонун билдирди. Окуя качан болгону так айтылган жок. Мекеменин 20-ноябрдагы маалыматына караганда, Ош облустук ички иштер башкармалыгында катталган адам өлүмүнө байланыштуу Жазык кодексинин «Кыйноо» деген 143-беренесинин негизинде сотко чейинки териштирүү жүрүп жатат. 26 жаштагы адамдын өлүмүнө шектүү катары 19-ноябрда облустук милициянын алты кызматкери кармалды. Алар атайын... Читать дальше...

Президенттикке талапкер катары арыз тапшырган «Бүтүн Кыргызстан» саясий партиясынын лидери Адахан Мадумаров Баш мыйзамдын жаңы сунушталган долбоорун кескин сындаган кайрылуу таратты. Жазуу түрүндө анын кайрылуусу «Бийлик узурпациясына – жок, элге каршы Конституцияга – жок, адам укугктарынын жана эркиндигинин бузулушуна – жок» деп башталат. Мадумаров өз кайрылуусунда алтынча чакырылыштагы Жогорку Кеңештин мөөнөтү 28-октябрда аяктаганын, бул парламент мыйзам долбоорун элге алып чыгууга укугу жок экенин белгилеп... Читать дальше...

Президенттин милдетин аткаруучу, Жогорку Кеңештин төрагасы Талант Мамытов бүгүн, 20-ноябрда конституциялык кеңешме түзүү тууралуу жарлыкка кол койду. Конституциянын долбоору коомдук талкууга чыгарылып жаткандыгына байланыштуу Мамытов кыргызстандыктарга кайрылып, Баш мыйзамдын долбоорунда бардык тараптардын пикирлери эске алынарын, документтин ар бир пункту коомчулукту тартуу менен караларын, бул үчүн бардык зарыл шарттар түзүлөрүн айтты. Ошону менен катар Мамытов кеңешме Конституциянын долбоорун... Читать дальше...

21-ноябрда Кыргызстандын аймагында жаан-чачын жаабайт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге жетет. Чүй өрөөнүндө түнкүсүн -10…-15, күндүз -2…-7; Талас жергесинде түнкүсүн -16...-21, күндүз -1…-6; Баткен, Ош, Жалал-Абад дубандарында ​түнкүсүн -5…-10, күндүз -3…+2; Ысык-Көл облусунда түнкүсүн -3…-8, күндүз 0…5; Нарын облусунда түнкүсүн -9…-14... Читать дальше...

Атышууну токтотуу тууралуу үч тараптуу билдирүүдө камтылган шарттарга ылайык, 20-ноябрда Азербайжан аскерлери Тоолуу Карабак менен чектеш Агдам районуна киргизилди. Орусиянын арачылыгы менен жүзөгө ашырылган тынчтык келишимине ылайык, 27 жылдан бери армян аскерлеринин көзөмөлүндө кала берип келген бул район эми 6 апталык согуштан кийинки тынчтык макулдашуусунун негизинде Азербайжанга тынч жол менен кайтарылууда. Азербайжандын Коргоо министрлиги: «Азербайжан Республикасынын президенти, Армения... Читать дальше...

Бишкек шаардык соту «Акнет» компаниясынын негиздөөчүлөрүнүн бири Кубан Ажимудиновду 2021-жылдын 13-январына чейин камакта калтырды. Жактоочулардын райондук соттун аны камакка алуу тууралуу чечимине карата апелляциялык арызы канааттандыруусуз калтырылганын «Азаттык» радиосуна 20-ноябрда шаардык соттун басма сөз кызматы кабарлады. Ажимудинов быйыл 6-октябрда камактан бошотулган, бирок бир нече күндөн кийин кайра №1 тергөө абагына отургузулган. «Акнет» ишканасынын акционерлеринин 2018-жылдын аяк ченинде ачыкка чыккан чыры токтой элек. Читать дальше...

Мамлекеттик чек ара кызматынын мурдагы эки кызматкери - Айбек Камчыбеков жана Марлис Осмонбеков 2019-жылы мекенин таштап чыгып кетүүгө аргасыз болушкан.Алар сыртта туруп, "Азаттык" менен болгон интервьюда «Манас» аэропорту аркылуу мыйзамсыз жол менен нак акча кантип чыгарылып турганын айтып беришкен. Кыргызстандагы соңку өзгөрүүлөрдөн Марлис Осмонбеков менен байланыштык. Ал өлкөдө бийлик алмашканына карабастан, бажы системасындагы коррупциялык схемалар мурдагыдай эле чакан топтун пайдасына иштеп жатканын айтып берди.

Кыргызстандын экс-президенти Роза Отунбаева бийликти Конституциянын сунушталган жаңы долбоорунун кемчиликтерин көргөзүп, ага альтернативалуу пикир айткандарды бийликтин душманы катары кабыл албоого чакырды. Бул тууралуу экс-президент 20-ноябрда Бишкекте өткөн жыйындан кийин журналисттердин суроолоруна жооп берип жатып билдирди.   «Ушул кантип бут тосуу болсун? Эреже боюнча Конституциянын долбоорунун тексти чыкты. Биз аны талкуулап жатабыз. Анан алардын көз карашы менен макул болбосо эле бут тоскон болуп калабы? Читать дальше...

Өзбекстандын колдоосу менен Баткенде 200 орундуу жугуштуу оорулар бейтапканасынын курулушу башталды. Тез курулуш ыкмасы менен салына турган имарат он күндө бүткөрүлүп, керектүү медициналык жабдуулар жана эмеректер менен камсыздала турганы айтылууда.