Новости за 06.12.2020

Премьер-министрдин милдетин аткаруучу Артем Новиков 7-декабрда Баткен жана Ош облустарына эки күндүк иш сапар менен барат. Бул тууралуу өкмөттөн билдиришти. Маалыматка караганда, сапардын жүрүшүндө Новиков 8-декабрда Өзбекстандын Фергана шаарында кыргыз-өзбек чек арасындагы аймактардын жетекчилеринин жыйынына катышат. Жыйын Кыргызстандын өкмөтүнүн Ош, Жалал-Абад жана Баткен облустарындагы ыйгарым укуктуу өкүлдөрү, Өзбекстандын акимдеринин деңгээлинде өтөрү күтүлүп жатат.   Новиков Ош жана Баткен... Читать дальше...

Даңазалуу футболчу Виктор Понедельник 83 жашында дүйнөдөн кайтты. Анын сөөгү өзү туулуп-өскөн Ростов-на-Дону шаарында жерге берилмекчи.

Баткен облусунун Лейлек районундагы "Исфана" аэропорту оңдоп-түзөөдөн кийин 7-декабрда расмий ачылып, ишке киришет. Бул тууралуу өкмөттүн басма сөз кызматы билдирди. Маалыматка караганда, аэропорттун ачылыш аземине премьер-министрдин милдетин аткаруучу Артем Новиков катышат. Ички каттамдарга ылайыкташкан "Исфана" аэропортун реконструкциялоо иштери 2019-жылы башталган. Быйыл июль айында аяктаган. Реконструкция иштери Аймактарды өнүктүрүү жана санариптештирүү жылынын алкагында башталганы айтылган. Читать дальше...

Борбордук шайлоо комиссиясы  (БШК) 6-декабрда Кара-Балта шаарынын мэрин шайлоонун жыйынтыгын расмий бекитти.  БШКнын басма сөз кызматынын маалыматына караганда, Кара-Балта шаардык кеңешинде 30-ноябрда өткөн шайлоонун жыйынтыгында Данияр Шакирбаев көп добуш алып, утуп чыккан.   Кара-Балта шаарынын мэри кызматына үч талапкер - Кыргызстан социал-демократтар партиясынан Бакыт Раманкулов, "Эл Аман" фракциясынан Таалайбек Сүйүмбаев жана "Мекеним Кыргызстан" фракциясынан Данияр Шакирбаев көрсөтүлгөн. Читать дальше...

Мурдагы вице-премьер-министр Дүйшөнбек Зилалиевдин адвокаты Самат Матцаков Улуттук коопсуздук боюнча мамлекеттик комитеттин (УКМК) кызматкерине карата арыз менен башкы прокурор Курманкул Зулушевге кайрылганын "Азаттыкка" билдирди. Ал УКМКнын Башкы тергөө башкармалыгынын жетекчисинин орун басары Зилалиевдин ишин жаңы жагдайларга байланыштуу карап чыгуу боюнча арызын реестрге каттабай койгон прокуратура кызматкерлерине каршы жазган даттануусу номенклатуралык ишке мыйзамсыз жана негизсиз киргизилген деп эсептейт. Читать дальше...

Арменияда ишембиде премьер-министр Никол Пашиняндын кызматтан кетишин талап кылган каршылык акциялары өттү.

Президенттин милдетин аткарып жаткан спикер Талант Мамытов 6-декабрда Москвага иш сапары менен барды. Жогорку Кеңештин басма сөз кызматы билдиргендей, иш сапардын жүрүшүндө Талант Мамытов Орусиянын Мамлекеттик думасынын төрагасы Вячеслав Володин менен эки тараптуу жолугушууларды өткөрөт.   Тараптар соода-экономикалык, гуманитардык  жана Кыргызстан менен Орусиянын парламенттер аралык кызматташтыгын талкуулашат.  Мындан тышкары Мамытовдун КМШнын аткаруу комитетинин төрагасы Сергей Лебедев жана... Читать дальше...

Бокс боюнча Кыргыз Республикасынын эмгек сиңирген машыктыруучусу, СССРдин спорт чебери, республиканын он жолку чемпиону жана ири эл аралык мелдештердин жеңүүчүсү Адылкан Бекболотов дүйнөдөн кайтты. Бул тууралуу Жаштар иштери, дене тарбия жана спорт агенттиги маалымдады. Буга чейин Бекболотовго кан керек болуп жатканы тууралуу маалымат чыккан. Ал эки жолу операция болуп, реанимацияда жатканы айтылган. Адылхан Бекболотов 1962-жылы Түп районунун Күрмөнтү айылында төрөлгөн. "Кыргыз Республикасынын... Читать дальше...

6-декабрда Беларустун Минск, Брест, Гродно сыяктуу ар кыл шаарларында Александр Лукашенконун бийликтен кетүүсүн талап кылган нааразылык жүрүшүнө катышкан бир нече ондогон кишилерди Беларустун коопсуздук күчтөрү кармап кетишти. “Весна” укук коргоо уюмунун маалымдашынча, жекшембиде күндүзгү саат 4:00кө чейин эле 40тай киши коопсуздук күчтөрү тарабынан кармалган. Ушуну менен үчүнчү жекшембиде өлкөдөгү оппозициялык топтор жаңы тактика колдонуп, нааразылык жыйындарын өткөрдү. “Коңшулар жүрүшү” аталган... Читать дальше...

Арменияда ишембиде премьер-министр Никол Пашиняндын кызматтан кетишин талап кылган каршылык акциялары өттү. Анда миңдеген адамдар алгач Еревандагы Эркиндик аянтына чогулуп, андан ары Пашинян жашаган өкмөттүк дачага барышты. Демонстранттар премьер-министрдин кызматтан кетишине 8-декабрга чейин убакыт чектешти. Никол Пашиняндын отставкасын баш-аягы 17 партия талап кылып жатат жана алар "Ата Мекенди коргоо" кыймылына биригишкен. Бул кыймыл өкмөт башчылыкка "Улуттук-демократиялык бирикме" партиясынын... Читать дальше...

Молдованын борбору Кишинёв шаарында жекшембиде (6-декабрда) өкмөттүн кызматтан чегинишин жана тез арада жаңы парламенттик шайлоо өткөрүлүшүн талап кылган миңдеген адамдар нааразылык жыйынга чыкты. Демонстранттар парламенттин имаратынын алдындагы аянтка топтолуп, "Биз - элбиз" деген мазмундагы ураандарды кыйкырып турду. Анын алдында Молдованын мөөнөтү бүтүп бараткан президенти Игорь Додонго жан тарткан депутаттар президентти чалгын кызматына көзөмөл кылган ыйгарым укугунан ажыраткан мыйзам долбоорун кабыл алган. Читать дальше...

Бишкекте 6-декабрда ондогон жарандык активисттер "Мыйзамдуулук үчүн!" деп аталган кезектеги тынчтык жүрүшүнө чыгышты. Алар бийлик башындагылар референдум өткөрүү менен өлкөдө авторитаризмди орнотууга аракет кылышууда деп сындап жатышат.  «Бийликти узурпациялоого жана мыйзамсыздыкка каршыбыз» деген ураандын астында биригишкен жарандык активисттер беш жумадан бери ар жекшемби сайын тынчык жүрүшүнө чыгып жатышат. Бул жолку жүрүштө 10-январда президенттик шайлоо менен кошо мамлекеттик башкаруу... Читать дальше...

Орусияда соңку бир күндө коронавирус дагы 29 миңден ашык адамдан аныкталды жана пандемия маалындагы кезектеги антирекорд болуп калды. Ооругандардын саны боюнча Москва шаары дале алдыда. Ыкчам штабдын билдиришинче, өпкөнү сезгенткен илдеттен бир күндө 457 бейтап көз жумду. Ал арада Орусияда "Спутник V" вакцинасы менен жапырт эмдөө башталды. Ага ылайык, 5-декабрдан тартып Москвада алгач медицина кызматкерлери, мугалимдер жана социалдык тармакта иштегендер эмделет. Региондордо эмдөө алдыдагы апталарда башталат. Читать дальше...

Борбордук шайлоо комиссиясы (БШК) мөөнөтүнөн мурда өтчү президенттик шайлоого көз салуу үчүн 43 чет элдик байкоочуну каттады.   Мекеменин басма сөз кызматы жети өлкөнүн жана алты эл аралык уюмдун эксперттерине аккредитация берилгенин маалымдады. Ханнс Зайдел фондунун, Шайлоо түзүмдөрү эл аралык фондунун (IFES) өкүлчүлүгүнүн өкүлдөрү, Азербайжан БШКсынан бир, Молдова БШКсынан эки, КМШ Миссиясынан төрт эксперт бар. Калган 34 киши КМШнын Парламенттер аралык ассамблеясынын өкүлдөрү. Кыргызстанда... Читать дальше...

Кытайдын автоматтык башкарылган жабдуусу Айдын бетинин кыртышынан алынган үлгүнү алган соң, 6-декабрда Айдын орбитасында айланып жаткан кытайлык космос кемесине келип жалгашты. Бул тууралуу өлкөнүн өкмөттүк маалымат каражаттары кабарлады. Бул жалгашуу – Кытайдын космосту иликтөө тарыхында алгачкы жолу жүзөгө ашты. Айдагы кыртыштан алынган үлгүлөрдүн капсуласы 3-декабрда анын орбитасына жөнөтүлгөн болчу. Ал эми 2 килограмм таш кесеги менен чаңдан турган дагы бир капсула декабрдын ортосунда КЭРдин... Читать дальше...

6-декабрдан тартып АКШнын Калифорния штатында калайык жыш жайгашкан аймактарда тургундарга үйдөн чыкпоо тууралуу буйрук күчүнө кирди. АКШда коронавируска чалдыккандардын саны 5-декабрда дээрлик 230 000 кишиге жетип, жаңы терс рекорд жаралды. Бир күн-түндө эле бул өлкөдө 2,527 киши алааматтуу оорудан өлдү. Кытайда болсо COVID-19 илдетине каршы вакцина менен кеңири өлчөмдө эмдөө камылгалары жүрүп жатат. Буга чейин эле 1 миллиондон ашуун кытайлык жарандар сынактан өтүп жаткан вакцина менен эмделген болчу. Читать дальше...

АКШ президенти Доналд Трамп 5-декабрда Жоржия штатындагы республикачы сенаторлорду 2-айлампада колдоо иретинде уюштурулган демонстрацияда чыгып сүйлөп, 3-ноябрдагы президенттик шайлоо жыйынтыгы одоно бурмалоолор менен жасалды деген эски дооматтарын кайталап сүйлөдү. АКШнын Жоржия штатынын түштүгүндөгү Валдоста шаарында миңдеген кишилердин алдында чыгып сүйлөгөн сөзүндө Трамп: “Бул – одоно бурмалоо болду. Бул – түзөтүлгөн иш болуп калды”, – деди. 2021-жылдын 5-январына белгиленген шайлоонун... Читать дальше...

Жаштар иши, дене тарбия жана спорт боюнча мамлекеттик агенттигинин директорунун орун басары Канатбек Арпачиев Көчмөндөр оюндарынын программасын түзүү артыкчылыгы Түркия тарапта болгондугу үчүн көк бөрү мелдеши кандай эрежеде өтөрү чечилип жаткандыгын билдирди.

Москвада полиция кызматкери өспүрүм кызды травматикалык тапанча менен жарадар кылды. "Интерфакс" агенттиги кабарлагандай, бул фактыга байланыштуу кылмыш иши козголуп, ок аткан кызматкер кармалды. Расмий маалыматка ылайык, 6-декабрга караган түнү баш калаанын көчөлөрүнүн биринде турак жайлардын алдында 33 жаштагы эркек травматикалык тапанчадан ок атып, жанында турган өспүрүм кыз жараат алган.  Ок аткан киши кайгуул кызматкери экени аныкталган. Ал жумуштан бош учурунда, жарандык кийимчен тапанча менен жүргөн. Читать дальше...

ШКУнун АКШ менен атаандаштыгы «Asiatimes» онлайн басылмасы 3-декабрда «ШКУнун Борбор Азияда АКШ менен тиреши» деген макаласын чыгарды. Анда «жылдар бою Шанхай Кызматташтык Уюму ири жана чакан державалар ортосундагы геосаясий интригалардын чордону болуп келди» деп айтылат. Автор МК Бхадракумар Орусиянын президенти Владимир Путин азыркыга чейин АКШнын шайланган президенти Жо Байденди куттуктай электигин белгилеп, 2001-жылдын 11-сентябрындагы теракттардан кийин ошол маалдагы АКШнын лидери Жорж Бушка... Читать дальше...

Ошто мамлекетке 73 миллион сом зыян келтирген факт аныкталды.

Жекшембиде румындар парламенттик шайлоо өткөрүүдө. Анда коронавирус алааматын тизгиндей албады деп коомчулукта сынга кабылып жаткан европачыл либералдар бийликте калабы, же жокпу? деген башкы маселе аныкталмакчы.

Бишкекте 6-декабрда "Мыйзамдуулук үчүн!" деп аталган кезектеги тынчтык жүрүшкө чыккан активисттер Ала-Тоо аянтында талаптарын айткандан соң тарап кетишти. "Баштан башта" кыймылы демилге кылган акциянын катышуучулары Конституцияны өзгөртүүгө, өлкөдө авторитаризмди орнотууга каршы экендиктерин, мыйзамдуулуктун сакталышын талап кылып, ушул өңүттө кыргыз жана орус тилдеринде чакырыктар жазылган плакаттарды көтөрүп алышты. Бул ирет адам укуктарын сактоо жаатындагы чакырыктар көбүрөөк айтылды. Ондогон... Читать дальше...

Иран жер астындагы заводдо уран байыткан центрифугаларды орнотууну пландоодо. Бул тууралуу "Reuters" агенттиги БУУга караштуу Эл аралык атом энергиясы агенттигинин жашыруун баяндамасына таянып кабарлады.  Маалыматка караганда, Иран Натанз шаарындагы жер астындагы заводдо үч даана IR-2m центрифугаларын орнотууну көздөйт. Бул аймак борбор Тегерандан болжол менен 300 км алыста жайгашкан.  2015-жылы кудуреттүү өлкөлөр менен чогуу кол коюлган өзөктүк программага ылайык, Иран бул заводдо биринчи муундагы IR-1 центрифугалардан гана колдоно алат. Читать дальше...

Орусиянын Ростов-на-Дону шаарындагы базарда 6-декабрда өрт чыгып, пиротехникалык каражаттар турган павильондо жарылуу болду. Бул тууралуу чукул кызматтардын маалыматына таянып ТАСС агенттиги кабарлады. "Классик" базарындагы эки кабаттуу павильондогу өрт эртең менен башталып, павильондун бир бөлүгү зыян тартты.  Базардын төрт миң чарчы метри күйүп кетти. Өрттү өчүрүүгө 446 адам, 134 техника тартылып, Москва убактысы менен саат 11ге жакын өчүрүлдү.  Ден соолугунан жабыркагандар же курмандыктар тууралуу маалымат жок. Читать дальше...