Новости за 04.01.2021

Кемин районунда поезддин астында калган 25 жаштагы Тилек Жумабеков эки бутунан ажырады. Ал Бишкектеги №4 шаардык клиникалык ооруканада жатат. Кырсык 31-декабрда болгон. Ал темир жолго кулап кеткен адамды куткарам деп өзү поезддин астында калып калганын жакындары «Азаттыкка» билдиришти. №4 шаардык клиникалык оорукананын жетекчиси Сабырбек Жумабековдун айтымында, анын бутун поезд алып кеткен. Канды жергиликтүү бейтапканада токтотушкан соң Бишкекке алып келишкен. «Жигиттин абалы орточо оор», деди дарыгер. Читать дальше...

Ирандын мамлекеттик телеканалы Тегеран Ормуз кысыгында Түштүк Кореянын желеги астында сүзүп жүргөн мунай танкерин кармаганын билдирди. 4-январда чыккан кабарга караганда, "MT Hankuk Chemi" деген кеме “мунай менен деңизди булгаган” деген себеп менен токтотулган. "Фарс" агенттиги танкерди Ирандын Революция сакчылары корпусунун деңиз күчтөрү кармашканын маалымдады. "MarineTraffic.com" сайтындагы сателлиттен тартылган сүрөттөрдө кеме Бандар Аббас портунда турганын көрсө болот. Бирок эч кандай түшүндүрмө берилген жок. Читать дальше...

АКШын саламаттык сактоо тармагындагы жогорку даражалуу аткаминерлер мөөнөтү аяктап бараткан президент Дональд Трамптын коронавируска байланыштуу сандар жөнүндө айткандарын четке кагышты.

«World Air Quality» уюмунун иликтөөсүндө 3-4-январда Бишкек абанын булганышы боюнча биринчи орунга чыкты. Дүйнөдөгү шаарларда абанын сапатын иликтеген уюмдун сайтына 4-январга караган түнү, саат үчтө чыккан маалыматта баш калаадагы абалга кооптуу деген баа берилген. Бул уюмдун абанын сапаты тууралуу индексинде Бишкекте аба сапатынын көрсөткүчү (AQI) 525 экени көрсөтүлгөн. Негизи, индекс 300дөн ашса абал өтө кооптуу деп эсептелинет. 50дөн ылдый болгондо гана булганган эмес дегенди түшүндүрөт.... Читать дальше...

Баш калаанын үстүнө үйүлгөн ышты быйылкы жылы токтотууга мүмкүн эмес, ал үчүн кийинки жылы Бишкек Жылуулук электр борборун көмүр менен эмес, газ менен иштетүүгө өтүш керек. Бул тууралуу Бишкек шаарынын мэринин милдетин аткаруучу Балбак Түлөбаев бүгүн, 4-январда «Фейсбуктагы» баракчасына жазып, видео кайрылуу таратты: «Мэр кайда, премьер-министр кайда, эмнени карап жатат?» деп суроо берип, ур-токмокко албай коё тургула. Биздин келгенибизге бир айдан эле ашты. Ышты азайтыш үчүн эң ириде көмүрдүн ордуна газ жагыш керек. Читать дальше...

Ооган өкмөтүнүн өкүлдөрү 4-январда «Талибан» менен сүйлөшүүлөрдүн кезектеги айлампасына катышуу үчүн Катарга жол тартышты. Оогандардын ички диалогу 20 күндүк тыныгуудан кийин шейшембиде жанданмакчы. Токтобой келаткан зордук-зомбулук тынчтык орнотуу аракеттерине көлөккө түшүрүүдө. Сүйлөшүүлөр былтыр февралда Вашингтон менен «Талибан» кыймылы келишимге кол койгондон кийин сентябрда башталган. Өткөн айда Кабул өкмөтү менен талибдер сүйлөшүүлөрдүн жол-жобосу боюнча мунасага келишкен. Эл аралык коомчулук... Читать дальше...

Британиялык «The Guardian»  басылмасы 2021-жылы эгер COVID-19 кризиси жөнгө салынса, туристтер бара турган өлкөлөрдүн тизмесин чыгарды. Тизмедеги мамлекеттердин сап башында Кыргызстан бар.  Басылма Кыргызстанды эң кооз өлкөлөрдүн бири катары сыпаттап, айрыкча табиятына, боз үйлөргө жана атчан көчмөндөрдүн жашоосуна көңүлду бурдурган.  Тизмеде андан тышкары, Исландия, Өзбекстан, Азербайжан, Грузия, Украина жана башка мамлекеттер бар.  Бириккен Улуттар Уюмунун изилдөөлөрү көрсөткөндөй, Кыргызстандагы... Читать дальше...

10-январдагы президенттик шайлоо менен референдумду утурлай, Кыргызстанда милиция 8-январдан тартып күчөтүлгөн тартипте иштөөгө өтөт. Ага ылайык, 11 миңден ашуун милиционер коомдук тартипти сактайт. 5000 ашуун милиция кызматкери шайлоо тилкелеринде коомдук тартипти жана коопсуздукту көзөмөлдөйт. Бул тууралуу ички иштер министри Улан Ниязбеков 4-январда шайлоого карата көрүлүп жаткан даярдык боюнча онлайн жыйын учурунда билдирди. Министр шайлоо өнөктүгүнүн учурунда коомдук тартиптин сакталышы, мыйзамдуулукту... Читать дальше...

Аксынын Ак-Дөбө айылынын тургундары 4-январда кайрадан нааразылык акциясына чыгышты. Алар Ак-Дөбө айылына Ала-Бука-Чаткал-Жалал-Абад жолунун боюна эки боз үй тигип алышканын, талаптары аткарылбаса жол тосууга барышарын «Азаттыктын» аймактагы кабарчысына билдиришти. Айыл тургундары Улуттук коопсуздук боюнча мамлекеттик комитеттин (УКМК) Жалал-Абаддагы башкармалыгынын имаратынын алдына барып, камактагы Кутман Шадыбеков, Тургун Шадыбеков жана Жылдыз Шадыбековдун үй камагына чыгарылышын талап кылышууда. Читать дальше...

Бишкекте муниципалдык автобустардын 95%, троллейбустардын 60% жана менчик кичи автобустардын 60% салону видео көзөмөл камералары менен жабдылды. Көзөмөл камералары жүргүнчүлөрдүн коопсуздугун сактоо максатында орнотулганын шаардык мэриянын басма сөз кызматы кабарлады. Маалыматка ылайык, өткөн жылы муниципалдык автобустар №15 жана №71 каттамдарга каттай башташкан. Бишкекте күн сайын 110дон ашуун троллейбус жана 120дай автобус каттамга чыгат. Булардан тышкары эки миңден ашуун кичи автобустар эл ташыйт. Читать дальше...

Кыргызстанда коронавирус кризисинде ар бир кожолукта бери дегенде бир адам жумушсуз калды. Бул тууралуу Улуттук статистика комитетинин баяндамасында айтылат. Мекеменин адистери «Азаттыкка» билдиришкендей, COVID-19 пандемиясынын шартында элдин жашоо-турмушуна изилдөө 2020-жылдын 15-октябрынан 15-ноябрга чейин жүргүзүлдү. Тыянакка ылайык, кожолуктардын 66% жакынында мүчөлөр коронавирустан улам депрессияга кабылып, стресс болуп, кооптонуу шартында жашоодо. Мындай кожолуктардын көп үлүшү Ош шаарында (98,1%)... Читать дальше...

Аталган мелдеш быйыл 22-ирет өткөрүлүп жатат. Быйыл 57 команда катышууда. Жеңүүчүлөргө, мыкты оюнчуларга атайын сыйлыктар каралган.

25-декабрда расмий Бээжин Түркия менен кылмышкерлерди өз ара экстрадициялоо тууралуу келишимди ратификациялады. 2017-жылы кол коюлган келишим дем алыш күндөрү Кытайдын Бүткүл Элдик Конгрессинде жактырылып, мамлекеттик медиа каражаттары документ "терроризмге" каршы иштерде колдонуларын билдирди.

УКМК төрагасы уулу Испания чемпиондугунун Жогорку лигасында ойногон алгачкы кыргыз футболчусу болоруна ишеним арткан.

Учурда эки жаштын тойдогу сүрөттөрү социалдык тармактарга жүктөлүп жатат. Балбан өзү да баракчасына "күйөө бала даяр" деп жазган.

Кыргызстандык спортчу Brave FC уюмунун 16-январдагы мелдешинин негизги кардында тажикстандык Жахонгир Саиджамолов менен беттешке чыгат.

Амиржан Муканов башында турган улуттук команда 1071 упай топтоп, эки сапка жогорулаган. Дүйнөлүк тизмеде Азиядагы курамалардын арасында Кыргызстан 7-катарда турат.

4-январда Улуу Британиянын борбору Лондон шаарында райондук сот “ВикиЛикстин”  (WikiLeaks) негиздөөчүсү Жулиан Ассанжды АКШга өткөрүү маселесине чекит коюп, тийешелүү чечим чыгараары күтүлүп жатат. Бул чечим Гринвич боюнча таңкы саат 10:00до (Бишкекте саат 16:00да) райондук сот Ванесса Бараицер тарабынан жарыя кылынмакчы. Бул чечимге ылайык Ассанж АКШнын мамлекеттик жашыруун сырларын ачыкка чыгаргандыгына байланыштуу доо боюнча Кошмо Штаттарга өткөрүлүп берилиши да ыктымалдан алыс эмес. Эгерде... Читать дальше...

АКШ Конгрессинин жаңы чакырылышы адаттан тышкаркы саясий кырдаалда өз ишин баштоодо. АКШ Сенатынын 11 республикачыл сенаторлору менен сенаторлукка жаңы шайланган бир мүчөсү жана Өкүлдөр үйүнүн айрым конгрессмендери демократиялык партиянын өкүлү Жо Байдендин президенттик шайлоодо жеңгендигине күмөндөнгөнүн билдирүүдө. Алар 6-январда АКШ Конгрессинин жалпы отурумунда Шайлоочулар коллегиясынын баяндамасы парламентке расмий тааныштырылган чакта өздөрүнүн Байдендин жеңишине каршы пикирлерин айтууга беленденишүүдө. Читать дальше...

World Air Quality уюмунун иликтөөсүндө 3-4-январда Бишкек абанын булганышы боюнча биринчи орунга чыкты. Дүйнөдөгү шаарларда абанын сапатын иликтеген уюмдун сайтына 4-январга караган түнү, саат 3тө чыккан маалыматта башкалаадагы абалга кооптуу деген баа берилген. Бул уюмдун абанын сапаты тууралуу индексинде Бишкекте аба сапатынын көрсөткүчү (AQI) 525 экени көрсөтүлгөн. Негизи, индекс 300дөн ашса абал өтө кооптуу деп эсептелинет. 50дөн ылдый болгондо гана булганган эмес дегенди түшүндүрөт. Бишкекте... Читать дальше...